Jeremiah 23:14 - De Beebaa Dabu

¹⁴ Au gu gidee hogi dahi mee baubau mmao i magavaa o denga pelaabisi o Jerusalem: gilaadeu e dagodo haisala ma de hadu muna. Gilaadeu e bale ange dangada e haia de baubau, deelaa ai, gu deai donu se dangada daahuli gee i de baubau. Gai au gu gidee bolo gilaadeu gu bei donu dagodo o Sodom; gai dangada o Jerusalem gu bei dangada o Gomorrah.”

Jeremiah 23:14 Referans Kwoze

Jeremiah 29:23

Go hiidinga gilaau ne baubau alaau hegau ne hai i Israel, gilaau ne hulo gi daho bodu o daane e paa ange gi gilaau, gai ne tala hanu muna hhadu i dogu ingoo, gai e dee go au donu ne hai ange gilaau gi daalaa muna laa. Au e iloo donu de mee nei ma de tala hagadonu ono dagodo, go Tagi Maolunga e hagadaba.”

Ezekiel 22:25

Ono pelaabisi gu heloongoi i dahi mee, gilaadeu e bei de laiono e haganngolo laa i dana masavaa e gai ai de manu aana gu mau; gilaadeu e daa dangada gi maakau, gilaadeu e kave goloa ma mee hagamogomogo ma de hai gi soa haahine gu maakau olaadeu bodu i kilaa.

Micah 3:11

Dagi o Jerusalem e hagamodu muna e kave ai denga ngadi gaavange hagasenga, de gau haimeedabu e agoago e kave ai dahi hagaoanga, gai denga pelaabisi e tala mee tigi loomai e kave ai denga sseene. Aagai gilaadeu e hagataba bolo delaadeu tali go Tagi Maolunga, “E aha, Tagi Maolunga e dee noho nei i odaadeu daha? E deai naa donu se hai ngadaa e baa i gidaadeu.”

Jeremiah 23:32

Tilo, au e hai baasi ange gi gilaadeu e pasa pelaabisi i denga midi hhadu, go Tagi Maolunga e hagadaba. Gilaadeu e dagi gee ogu dangada i alaadeu muna hagassoenga, gai e dee go au donu ne haia gilaadeu gi hulo, aabe go au ne hilia gilaadeu. Deenei ai, e deai donu olaadeu haigamaiana ange gi dangada, go Tagi Maolunga e hagadaba.

Jeremiah 14:14

Gai Tagi Maolunga ne hai mai gi de au, “Denga pelaabisi e pasa pelaabisi naa i dogu ingoo, ni daane hadu muna. Gai e dee go au donu ne haia gilaadeu gi loadu, au tee hili hogi gilaadeu, aabe gu basa ange gi gilaadeu. Gilaadeu e tala adu gi goodou hanu midi hhadu, ma de tala mee e loomai e deai haigamaiana, gai e daahanga donu huu gilaadeu.

Deuteronomy 32:32

Delaadeu grapevine ne gaamai i Sodom, gai se manu mai i denga veelenga o Gomorrah. Olaadeu grape e hoohonu i mee hagammau, gai olaadeu gau looloa e mmala.

Genesis 18:20

Gai Tagi Maolunga, ne hai ange, “Muna hagabaubau o Sodom ma Gomorrah gu kona donu de lagolago, gai olaadeu haisala gu kona mmao de hagadaemaha.

Matthew 11:24

Aagai au e hai adu gi de goe, de hagaduasala o Sodom e maamaane ange i doo hagaduasala i de laangi hagamodu muna.”

Zephaniah 3:4

Denga pelaabisi i kilaa e llodo maolunga ma tee hai hegau i de muna abodonu. Ono gau haimeedabu e hagangadi mee denga mee dabu, ma de oha de hainga.

Jeremiah 20:16

Tangada laa gi bei denga aduhale a Tagi Maolunga e oha laa, ia e dee lodo aloha ange donu aagena; ia gi langona de hevaalogi o dangada i taiao, gai ia gi langona longo o de hebagi i de madohi lua o de laangi,

Genesis 13:13

Gai de gau Sodom ni dangada baubau, ma de kona de haisala ange gi Tagi Maolunga.

Revelation 22:15

Gai tua de aduhale e nnoho ai denga gaaduu, ma de gau hai huuhuaa mee, ma de gau dagodo haisala, ma de gau daa dangada, ma gilaadeu e daumaha ange gi denga diinonga, aama dangada alodahi e malangilangi i de hai hegau i de hadu muna.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.

Revelation 11:8

ga tili olaau angaanga i honga de haiava o de aduhale e hagasengasenga ange laa gi Sodom ma Egypt, go de mommee o delaau Dagi Maolunga ne daudau ai i de laagau lui.

Jude 1:7

Gai e bei ai hogi dagodo o Sodom ma Gomorrah, aama denga aduhale e paa ange gi kilaa, i hiidinga gilaadeu ne hai denga dahulinga hai be se manu ma dahulinga hakino gee e dee hai i daho dangada; gilaadeu ne hagaduasala i de ahi e dee ngado mai, e hai ai dahi hagaago ange gi dangada.

2 Peter 2:6

noo ia ne hagaduasala Sodom ma Gomorrah, ga dudu luu mommee laa ga hai gu ni lehu, ma de hai luu mommee laa gi se ada e hagaago mai ai mee e hai ange gi de gau baubau;

1 Timothy 4:2

Gai agoago nei e loomai i daho de gau hadu muna, go gilaadeu gu maaga tagi i olaadeu lodo i de baalanga ula.

Malachi 1:1

Muna hagadaemaha a Tagi Maolunga ne gaavange gi Malachi gi daalaa ange gi de gau Israel.

Ezekiel 13:16

go denga pelaabisi o Israel ne daalaa laa i dagodo o Jerusalem, ma de gidee denga midi hagaago ange i dagodo o de nnoho baba o de aduhale, i de masavaa e deai ai se nnoho paba i kilaa, go de Ia Aamua go Iahweh e hagadaba.” ’

Jeremiah 23:17

Gilaadeu e duudagi huu de hai ange gi dangada e hagangadi mee ina dogu ingoo, ‘E hagadaba Tagi Maolunga: Goodou e nnoho paba naa donu;’ gai e hai ange gi dangada alodahi e hagamakaga ina olaadeu lodo, ‘E deai donu se hai ngadaa e duu adu gi goodou.’

Jeremiah 18:13

Deenei ai, e hagadaba Tagi Maolunga: Siilia ange gi dangada i denga huaahenua: be gu hanu laa dangada ne langona de hai dahi hegau bee nei? De bua moe go Israel gu hai dahi hegau baubau mmao.

Isaiah 9:15

denga daane maatua ma de gau aamua go de biho, gai denga pelaabisi e agoagona laa denga muna hhadu go ssugi.

Jeremiah 23:22

Aagai noo gilaadeu ne tuu i mada luoogu mada, gai gilaadeu ne tala ange agu muna gi ogu dangada, ma de hai gilaadeu gi daahuli gee mai i alaadeu dahulinga dee heohi aama mai i alaadeu hegau baubau.

Jeremiah 36:2

“Gaavee dahi beebaa mulo ga sisi ai muna alodahi aagu gu tala adu i dagodo o Israel ma Judah, ma denga huaahenua ange laa alodahi, mai i taamada dogu basa adu gi de goe i de masavaa o Josiah ga dae mai ai gi anailaa nei.

Jeremiah 49:18

Gai e bei hogi de oha o Sodom ma Gomorrah, madali denga aduhale e paa ange, go Tagi Maolunga e hagadaba, gai e deai naa donu se dangada e nnoho gaainga i kilaa; e deai naa hogi dangada e nnoho i kilaa.

Ezekiel 13:19

Goodou ne hagangadi mee au i magavaa o dogu huaadangada i hiidinga o hanu momo barley ma hanu amuamu pelaoaa. Goodou ne daa dangada e dee heohi de daa gi maakau, aagai ne hagaola dangada e dee heohi de dugu gi mouli, i doodou hadu muna ange gi ogu dangada e hagalaangona oodou muna hhadu.

Hosea 6:10

Au gu gidee dahi mee hakino gee i daho de gau Israel; Ephraim gu hai be se manu hogi; Israel gu dee gilimalali.

Amos 4:11

Au ne hagadee kii hanu goodou, bei dagu hai ne oha ai laa Sodom ma Gomorrah. Goodou ne bei dagodo o de laagau ne aau mai laa i lo te ahi ula; aagai goodou tee aahe mai gi de au, go Tagi Maolunga e hagadaba.

Zechariah 13:2

E hagadaba Tagi o denga hagabuulinga hebagi: De laangi laa gai au e aau naa ingoo o denga diinonga mai i de henua, gi dee aahe ange ai dangada gi manadua. Gai au e hai naa hogi gi hulo gee mai i honga de henua denga pelaabisi ma hagasaalunga hakino gee.

Genesis 19:24

Gai Tagi Maolunga ga hagamalili iho gi honga o Sodom ma Gomorrah denga maga ahi kaa ma de ahi mai i de langi.

Genesis 19:25

Gai ia ga oha denga aduhale laa ma mommee alodahi e soe ai de henua aama dangada alodahi e nnoho i denga aduhale laa, aama manu e ssomo i honga de gelegele.

Jeremiah 29:21

E hagadaba Tagi o denga hagabuulinga hebagi, de Maadua o Israel i dagodo o Ahab, tama daane a Kolaiah, ma Zedekiah tama daane a Maaseiah, go luu daane ne hadu muna adu gi goodou i delaau pasa pelaabisi i dogu ingoo: Tilo, au e dugu ange naa gilaau gi Nebuchadnezzar, de hodooligi o Babylon, gai ia e daa naa gilaau gi maakau i oodou mada i mua.

Lamentations 4:6

De hagaduasala o ogu dangada gu kii ange i de hagaduasala o Sodom, go de aduhale ne moolau laa donu huu de oha, gai tee se dangada donu ne oohaa.

Micah 1:5

Mee nei gu hai i hiidinga haisala o Jacob, ma hiidinga baubau o de gau Israel. Dee hee de haisala o Jacob? E dee go Samaria? Gai dee hee de mommee daumaha o Judah? E dee go Jerusalem?