Jeremiah 23:1 - De Beebaa Dabu

¹ E hagadaba Tagi Maolunga, “E vakaa naa de gau hagaloosi e daia, ma de haia gi mavaevae saele denga ssiibi o dagu mommee iai helii.”

Jeremiah 23:1 Referans Kwoze

Jeremiah 10:21

De gau hagaloosi e llodo ssenga; gilaadeu e dee ssili gi iloo i daho Tagi Maolunga. Deelaa ai, gilaadeu e dee hagadagadaga age gai alaadeu hagabuulingaa ssiibi gu mavaevae saele.

Ezekiel 13:3

E hagadaba de Ia Aamua go Iahweh: E vakaa naa denga pelaabisi llodo ssenga e haia laa donu huu olaadeu lodo, gai au tigi hakide ange donu gi gilaadeu i midi hagaago ange!

Matthew 9:36

De masavaa a Iesu ne gidee ai dangada soa, gai ia gu lodo aloha i gilaadeu, go hiidinga gilaadeu e dee nnoho paba gai e maoha saele, bei dagodo o denga ssiibi e deai laa selaadeu dangada hagaloosi.

Jeremiah 22:22

De madangi e ili ga kave gee oo dangada hagaloosi, gai dangada e balea adu goe i de hebagi e gaavee gee naa. Gai koe e hagadogaa ina naa ma de hagangadi mee ina i hiidinga o au hegau baubau alodahi.

Jeremiah 12:10

De gau hagaloosi soa e oha naa dagu veelengaa grape, ma gu dagadagahi dogu alahenua; gilaadeu e hai naa dogu alahenua mahamaha gi se mommee e ngadi dagodo.

Jeremiah 50:6

Ogu dangada gu bei dagodo o denga ssiibi gu dee maleva laa; olaadeu dangada hagaloosi gu tili gilaadeu gi ssenga saele i honga mounga. Gai gilaadeu gu silivaahea saele i honga mounga ma duuduu, gilaadeu gu ngalo de mommee iai delaadeu buibui.

Jeremiah 2:8

De gau haimeedabu tee ssili, ‘I hee iai Tagi Maolunga?’ De gau hai hainga tee iloo e gilaadeu au; gai de gau hagaloosi ssiibi gu haisala mai gi de au. Denga pelaabisi gu pasa pelaabisi i de ingoo o Baal, ma de daudali i denga diinonga deai haigamaiana.

John 10:12

Tangada hagaloosi hagao e dee go tangada hagaloosi ssiibi abodonu, niiana laa denga ssiibi. Deelaa ai, de masavaa naa huu aana e gidee ai de humai o de wolf, gai ia ga tili denga ssiibi, gai ga savini ga hano. Gai de wolf ga humai ga daa de hagabuulingaa ssiibi ga hagamavaevae saele.

John 10:10

Tangada gaiaa se humai e gaiaa, ma de daa gi maakau aama de oha; au ne humai gi maua ai e gilaadeu de mouli, go de mouli e honu abodonu.

Jeremiah 23:2

Gai e hagadaba Tagi Maolunga de Maadua o Israel, i dagodo o de gau hagaloosi e diiloo ange ogu dangada: “Go hiidinga goodou gu dugu agu ssiibi gi hulo, tee tilo ange gilaadeu, au e hagaduasala naa goodou i hiidinga oodou hegau baubau, go Tagi Maolunga e hagadaba.

Matthew 15:14

Goodou aude anga ange, gilaadeu ni dagi e dee kide, e dagina de gau dee kide. Noo dahi dangada dee gide e dagidahi dangada dee gide, gai gilaau ngaadahi e too ange donu gi dahi geelinga.”

Ezekiel 34:31

Goodou go agu ssiibi, go ssiibi o dagu mommee iai helii, gai au go doodou Maadua, go de Ia Aamua go Iahweh e hagadaba.’ ”

Ezekiel 34:21

Go hiidinga goodou e usu denga ssiibi i oodou gaogao ma oodou eu, ma de velo denga ssiibi baageaa laa i oodou hanga, ga dae ai gi delaadeu mavaevae saele,

Jeremiah 2:26

De gau Israel e dookaa naa donu, bei tangada gaiaa e dogaa laa i dono boogia mai — go gilaadeu ma olaadeu hodooligi, ma olaadeu dagi, ma olaadeu dangada haimeedabu aama olaadeu pelaabisi.

John 10:8

Gilaadeu alodahi ne loomai i ogu mua ni dangada gaiaa ma de daa dangada, gai denga ssiibi tee hagallongo ange gi gilaadeu.

Jeremiah 13:17

Aagai noo goodou e dee hagallongo mai, gai au e dangi hagammuni naa i hiidinga doodou hagamaolunga. Au e kona naa donu de dangi ma de ssali ogu loimada go hiidinga de hagabuulingaa ssiibi a Tagi Maolunga gu gaavee gee i de henua.

Ezekiel 36:38

gai e lagolago naa bei denga ssiibi e hai ai denga sigidaumaha i Jerusalem, i de masavaa o denga daonga gu hagailonga laa. Gai denga aduhale nogo ngadi daakodo laa e hoohonu naa hogi i denga hagabuulingaa dangada. Gai gi iloo ai e gilaadeu bolo go au donu go Iahweh.”

Ezekiel 34:1

Gai Tagi Maolunga ne hagaago mai ana muna gi de au, ga hai mai,

Zechariah 10:3

Au gu kona mmao dogu lili i de gau hagaloosi, gai au e hagaduasala naa donu denga dagi nei; gai Tagi o denga hagabuulinga hebagi e tilo ange naa dana hagabuulingaa ssiibi, go dangada o Judah, ma de hai gilaadeu gi bei dahi hoosa mmahi ma de mahamaha i de masavaa o de hebagi.