Jeremiah 22:28 - De Beebaa Dabu

²⁸ E aha, Jehoiachin se daane e hagangadi mee ina, gai e bei dahi gumedi hadu gu maoha laa, gai se ssaa e deai dangada e llodo ai? Gai gu aha gilaadeu ma ana dama gu gaavee gee ai gi dahi henua alaadeu e dee iloo?

Jeremiah 22:28 Referans Kwoze

Hosea 8:8

Israel gu oohaa ma gu maoha; ono dangada gu nnoho i denga huaahenua, gilaadeu gu bei de goloa gu deai laa ono haigamaiana.

Psalm 31:12

Gilaadeu gu ngalo au bei dagodo o tangada gu magau, au gu bei dagodo o de gumedi hadu gu mahaa laa.

Jeremiah 48:38

Honga hale alodahi i Moab aama honga ono haiava e deai ange naa donu mee e langona ai, go de tangi donu huu, i hiidinga au gu hhoa Moab bei de ssaa e deai dangada e lodo ai, go Tagi Maolunga e hagadaba.

Hosea 13:15

e dee galemu donu dono hagadagadaga age i magavaa o ono daina. Gai de madangi i dua mai i daho Tagi Maolunga e ssau mai naa i de vao; ono vai e deai naa vai iai, gai ono vai geli e maamasa naa. Goloa hagamogomogo alodahi i lodo ono mommee doange e gaiaadia naa.

Jeremiah 22:30

E hagadaba Tagi Maolunga: “Daohia dagodo o taane nei be se daane e deai ana dama, gai se daane e dee hagadagadaga age i de masavaa oona e mouli ai, go hiidinga e deai naa donu ono hagadiilinga e sula, gai e deai naa donu e dagi i de nohoanga hodooligi o David aabe aahe ange e hodooligi i Judah.”

Jeremiah 17:4

Gai go goodou donu huu ne hidi mai ai de gaavee gee de boolonga aagu gu gaavadu gi goodou. Au e hai naa goodou gi hai hegau ange gi oodou hagadaumee i dahi henua oodou e dee iloo laa, i hiidinga goodou gu hai au ma gu lili, gai dogu lili e bei naa de ahi mmahi e ula laa ga hano ai.”

Jeremiah 15:1

Gai Tagi Maolunga ne hai mai gi de au, “E dee galemu naa donu de tuu o Moses ma Samuel i ogu mada i mua, gai au e dee anga ange naa donu gi de huaadangada nei. Haia gilaadeu gi hulo gee mai i ogu daha! Gilaadeu gi hulo donu!

Jeremiah 14:18

Noo au e hano gi tua de aduhale, gai au e gidee dangada gu daia i de gadilaasa. Gai noo au e hano gi lo te aduhale, gai au e gidee dangada e mmagi i hiidinga o de onge. Gai de pelaabisi ma tangada haimeedabu e hagadaga saele ma e hai alaau hegau i honga de henua, gai gilaau e dee iloo donu alaau mee e hai.’ ”

2 Samuel 5:21

Gai de gau Philistia ne tili olaadeu diinonga i kilaa, gai David ma ono daane ga saabai denga diinonga laa ga kave madali gilaadeu.

2 Chronicles 21:20

Gai Jehoram gu matolu ma lua ono ngadau i de masavaa oona ne dae ange ai ga hodooligi, gai ia ne hodooligi i Jerusalem i e valu ngadau. Gai teai donu dangada ne hinangalosaa i de masavaa oona ne magau ai. Gai ia ne danu i de aduhale o David, aagai tee danu i de mommee iai daanunga o denga hodooligi.

Jeremiah 22:27

Gai gooluu e dee aahe mai naa donu gi de henua ooluu e llodo naa e aahe mai aagena.”

Jeremiah 27:20

go goloa a Nebuchadnezzar, de hodooligi o Babylon tee kave laa i de masavaa aana ne kave gee ai Jehoiachin tama daane a Jehoiakim, de hodooligi o Judah i Jerusalem gi Babylon, ma de gau aamua alodahi o Judah ma Jerusalem —

Jeremiah 37:1

Gai Nebuchadnezzar, de hodooligi o Babylon ne hai Zedekiah tama daane a Josiah gi hodooligi i Judah; ia ne sui Jehoiachin tama daane a Jehoiakim ga hodooligi ai.

Jeremiah 16:12

Gai goodou gu kii ange donu de baubau i oodou dubuna madagidagi. Tilo, goodou alodahi gu hagamakaga oodou lodo i de hai de baubau ma tee hagallongo mai gi de au.

Jeremiah 24:1

Dua huu de kave gee a Nebuchadnezzar, de hodooligi o Babylon Jehoiachin, tama a Jehoiakim, de hodooligi o Judah, ma dagi o Judah, ma labagau o denga laagau ma baalanga, mai i Jerusalem ga kave gi Babylon, gai tilo, Tagi Maolunga ne hagaago mai gi de au e dahi midi: au ne gidee e lua gede e hhao ai denga hua fig e daakodo i ma te temple o Tagi Maolunga.