Jeremiah 22:15 - De Beebaa Dabu

¹⁵ E aha, koe ne hai ga se hodooligi, i de hagaduu doo hale i denga cedar? E aha, doo damana tee gaimee laa ma de unu ga bosu? Ia ne hai hegau i de hagamodu soe ma de heohi, deelaa ai, ia ne duadonu.

Jeremiah 22:15 Referans Kwoze

2 Kings 23:25

Gai teai ange donu se hodooligi i mua o Josiah aabe go ono dua ne bei ono dagodo, i dono hagaduu ngae ga daudali ange i Tagi Maolunga i ono lodo alodahi, ma dono hagasaalunga alodahi aama ono mahi alodahi, bei de hai gu sisi ai laa i hainga alodahi a Moses.

Isaiah 3:10

Daalaa ange gi gilaadeu e heohi bolo gilaadeu e duadonu naa, gai gilaadeu e gai naa hua o alaadeu hegau.

Ecclesiastes 10:17

E manuuia de henua noo dono hodooligi se dangada aamua abodonu, gai ono dagi e daonga i de masavaa heohi — e hagammahi ai olaadeu angaanga, e dee go de unu gi ssenga!

Proverbs 25:5

aaua gee de gau baubau mai i daho de hodooligi, gai dono nohoanga hodooligi e hagaduu naa ga makaga i de mee heohi.

Proverbs 29:4

Go de mee heohi a dahi hodooligi e maua ai i de hai gi nnoho paba de henua, aagai de hodooligi e nnoo ange gi denga ngadi gaavange hagasenga e oha de henua.

2 Kings 22:2

Gai ia ne hai hegau i de heohi i mada luu mada o Tagi Maolunga, ma de ago ange i hegau alodahi a dono dubuna go David, ia tee hagahaisala donu dahi mee daudahi.

Jeremiah 42:6

E dee hilihili donu be e danuaa aabe e baubau, gai gimaadeu e hagallongo ange naa donu gi Tagi Maolunga taadeu Maadua, go de ia amaadeu e hai goe gi hano gi ono daha, gi danuaa mai ai gi gimaadeu, i demaadeu hagallongo ange gi Tagi Maolunga taadeu Maadua.”

Jeremiah 21:12

de huaabodu o David, e hagadaba Tagi Maolunga: Goodou hai hegau i de mee heohi i laangi alodahi; hagaola ina tangada gu gaiaadia ono goloa, i tangada e vaivai haia ia; kana dae mai dogu bole gi goodou, bei de ahi ula e dee maua laa i de diinei, i hiidinga o oodou hegau baubau.’

Proverbs 21:3

De hai hegau i de heohi ma de hagamodu heohi e kii ange de hagamogomogo i daho Tagi Maolunga i ssigidaumaha.

1 Kings 10:9

Duuhia Tagi Maolunga doo Maadua! Ia ne malangilangi i de goe ma de hai goe gi hodooligi i de nohoanga hodooligi o Israel! Go hiidinga Tagi Maolunga e aloha i Israel ga hano ai, deelaa ai, ia gu hai goe gi hodooligi, gai koe ga hagamodu ai olaadeu muna i de heohi.”

2 Samuel 8:15

Gai David ne hodooligi i honga Israel alodahi, gai ia ne hagamodu i de soe ma de mee heohi ange gi ono dangada alodahi.

1 Corinthians 10:31

Deenei ai, e dee hilihili be goodou e gaimee be unu, aabe ni aha ange oodou e hai, gai goodou haia mee alodahi e hagamahamaha ai de Maadua.

Acts 2:46

Laangi alodahi gilaadeu e hagabuni i de temple i de lodo daudahi, ma de hagabuni ga gaimee i olaadeu hale ma de malangilangi aama de hagadau abodonu,

Luke 11:41

Aagai goodou ngadi gaavange mee i lodo oodou ubu gi de gau hagaau aloha, gai tilo, mee alodahi e odi naa i de gilimalali adu gi goodou.

Jeremiah 23:5

E hagadaba Tagi Maolunga, “E tae mai naa laangi, aagu e hagasula age ai dahi uli moo David, se ia e heohi, se hodooligi e humai ga dagi i de heiangi ma de hai hegau i de hagamodu soe ma de heohi i honga de henua.

Jeremiah 22:18

Deenei ai, e hagadaba Tagi Maolunga i dagodo o Jehoiakim tama a Josiah, de hodooligi o Judah: “Dangada e dee tangi naa i de ia, ga hagataba, ‘Gu aloha ai loo i dogu daina daane! Gu aloha ai loo i dogu daina hahine!’ Gilaadeu e dee tangi naa hogi i de ia, ga hagataba, ‘Gu aloha ai loo i dogu dangada aamua! Gu hagaaloha dagodo o dono mahamaha!’

Jeremiah 22:3

E hagadaba Tagi Maolunga: Goodou hai hegau i de mee heohi ma de soe. Gai hagaola ina tangada gu gaiaadia ono goloa, i tangada vaivai dagodo. Goodou aude haia de baubau aabe gi vaivai haia tangada henua gee, de gauligi gu deai sono damana, aabe go de hine gu magau dono bodu. Gai goodou aude daia gi magau tangada tigi haisala i de mommee nei.

Isaiah 33:16

deenei tangada e nnoho i mommee maolunga, gai dono mommee mmuni go lodo hadu o de mounga. Gai ana gai e gaavange naa gi de ia, gai e deai donu se odi ana vai.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Ecclesiastes 2:24

Gai e deai ange donu se mee e danuaa ange gi tangada, gai go de gaimee ga unu ma de malangilangi i ana hegau. Au ne gidee hogi bolo de mee nei se mee mai i daho de Maadua,

Proverbs 31:9

Basa mage hagamodu ina muna i de heohi, daalaa heohi o de gau hagaau aloha ma de duasala.”

Proverbs 20:28

De abodonu ma de hai hegau i de mee abodonu e buibui de hodooligi, gai dono nohoanga hodooligi e duu ga makaga i dono hai hegau i de mee heohi.

2 Chronicles 34:2

Gai ia ne hai hegau i de heohi i mada luu mada o Tagi Maolunga, ma de ago ange i hegau a dono dubuna go David, ia tee hagahaisala donu dahi mee daudahi.

1 Chronicles 3:15

Dama daane a Josiah: go Johanan, dana dama madua, togolua go Jehoiakim, togodolu go Zedekiah, gai togohaa go Shallum.

Deuteronomy 4:40

Deenei ai, goodou daohia ana mee gu hagasauaa aama ana hainga gu tala adu gi goodou, go hainga aagu e tala adu nei gi goodou anailaa nei, gi danuaa adu ai gi goodou ma oodou dama e loomai i oodou dua, gai goodou ga nnoho ai i de henua a Tagi Maolunga doodou Maadua e gaavadu gi goodou ga hano ai.

Jeremiah 7:5

Gai noo goodou e sui abodonu oodou dagodo ma oodou hegau, ga hagadau hai hegau i de mee heohi,

2 Chronicles 35:22

Gai Josiah tee ahe donu, aagai ne hai gi dee madea ia ga hebagi ange ai gi Neco. Ia tee hagallongo ange gi muna a de Maadua ne tala ange gi de ia i daho Neco, aagai ne hano ga hebagi ange gi de ia i de mommee soe i Megiddo.

2 Chronicles 35:26

Gai hegau alodahi a Josiah ange laa, ma ana hegau danuaa ne hai, gu sisi i lodo hainga a Tagi Maolunga,