Jeremiah 2:2 - De Beebaa Dabu

² “Hannoo daalaa ange gi langona e dangada o Jerusalem, hai ange: ‘E hagadaba Tagi Maolunga, Au e manadua dau hagadubu au i doo masavaa e dama daane ai, ma doo aloha i de au bei de hine gu dai hai bodu, ma doo daudali mai i de au i de vao, go de mommee e deai mee ssomo ai.

Jeremiah 2:2 Referans Kwoze

Ezekiel 16:60

Aagai au e ahe ange naa ga hagamaanadu dagu hagatoo donu hagaheloongoi ne hai madali goe i de masavaa oou e gauligi ai, gai au e hai adu naa dahi hagatoo donu hagaheloongoi e dee ngado gi de goe.

Ezekiel 16:8

Muli mai gai au ne seesee adu ange hogi gi de mommee oou iai, gai tilo, koe gu odi ange oo ngadau e hai bodu ai. Gai au ga hai dogu malo ga haoli adu ai goe, gi dee gilisau ai goe. Au ne hagatoo donu adu gi de goe, ma de hai dahi hagatoo donu hagaheloongoi madali goe — go de Ia Aamua go Iahweh e hagadaba — gai au ne hai goe ga niiagu.

Jeremiah 11:6

Gai Tagi Maolunga ne hai mai, “Koe gi daalaa muna nei alodahi i denga aduhale o Judah, aama honga haiava o Jerusalem, hai ange, ‘Goodou hagalaangona muna o de hagatoo donu hagaheloongoi nei ma gi daudali ai.

Jeremiah 7:2

“Hannoo duu i de haitoga o de hale o Tagi Maolunga mage hagailoo ina ai muna nei: Hagalaangona muna a Tagi Maolunga, goodou dangada alodahi o Judah e ulu i denga haitoga nei e daumaha ange ai gi Tagi Maolunga.

Deuteronomy 2:7

Gai Tagi Maolunga doodou Maadua ne hagamanuuia goodou i hegau alodahi oodou gu hai. Ia ne dagi goodou i doodou masavaa ne hulo saele ai i de vao laumalie nei. Gai Tagi Maolunga doodou Maadua ne noho madali goodou, i denga ngadau e madahaa nei, gai teai se mee daudahi oodou ne duasala ai.’ ”

Hosea 2:15

Gai au e gaavange naa gi de ia hanu veelengaa grape i kilaa, ga hai de geelonga o Achor gi se haitoga ange gi de tali hagalodolodo. Gai ia e daahili naa bei dono daahili i de masavaa oona e damaa hine ai, aama de masavaa oona ne sao mai ai i Egypt.

Jeremiah 2:6

Gilaadeu tee hagataba hogi, ‘I hee iai Tagi Maolunga go de ia ne hagassao ina mai gimaadeu i Egypt, ga dagi mai gimaadeu i de vao, ma lo te henua e deai mee e ssomo ai gai iai denga geelonga, se henua e deai vai iai ma de gohu boo dangodango, se henua e deai dangada e seesee ai gai e deai dangada e nnoho ai?’

Deuteronomy 8:2

Gai goodou manadua de hai a Tagi Maolunga doodou Maadua ne dagi mai ai goodou i lodo henua, i denga ngadau e madahaa nei; ia ne hagamaolalo goodou ma de hagatale goodou e tilo ai dagodo o oodou lodo, be goodou e daohi ana muna gu tala adu gi goodou be deai.

Exodus 14:31

Gai ga gidee huu e de gau Israel de mmahi o Tagi Maolunga ne hebagi ange ai gi de gau Egypt, gai gilaadeu gu maatagu i Tagi Maolunga aama de hagadonusia Tagi Maolunga ma dono dangada hai hegau go Moses.

Matthew 11:15

Be goai e hanu ono dalinga, gai ia gi hagalaangona.

Luke 12:13

Dahi dangada i magavaa o dangada ne hai ange gi Iesu, “Tangada Agoago, hai ange gi dogu daina daane gi vaaea gimaau i mee a demaau damana.”

Jonah 1:2

“Hidi age hannoo gi Nineveh, de aduhale laumalie laa, daalaa ange ai agu muna e hai baasi ange ai gilaadeu, go hiidinga alaadeu hegau baubau gu tae age donu gi mada luoogu mada.”

Hosea 8:1

Ilihia de hanga manu i doo ngudu! Dahi igele gu hano iho gi honga de hale o Tagi Maolunga, go hiidinga gilaadeu gu oha dagu hagatoo donu hagaheloongoi, ma de hai baasi ange gi agu hainga.

Ezekiel 23:19

Gai Oholibah ne kii ange donu dono hai be se manu, i dana manadua ono laangi nogo se damaa hine ai, go de masavaa oona nogo se hine hai be se manu ai i de henua go Egypt.

Ezekiel 23:8

Gai ia tee tili donu dono hai be se manu, go hegau aana ne daamada de hai i Egypt. De masavaa oona se damaa hine gai denga daane ne dagodo haisala madali ia, gilaadeu ne booboo luoono gaanuunu, gilaadeu ne hai ange gi de ia olaadeu mee e llodo ai.

Ezekiel 23:3

gilaau ni hai ga ni haahine hai be ni manu i Egypt, gai gilaau ne hai de hegau nei mai i laangi olaau ni damaa hine ai. Gai olaau gaanuunu gu booboo ina ma de haahaagia ange i de henua laa.

Ezekiel 16:22

Gai de masavaa oou e hai ai au dahulinga hakino gee ma de hai be se manu, gai koe tee manadua donu doo masavaa e gauligi ai, koe nogo gilisau ma teai oo malo, ma doo dagodo ga dagai saele i lodo oo dodo.

Jeremiah 19:2

ga hulo ai goodou gi de Geelonga o Ben Hinnom, i de mommee i gaogao de Haitoga o denga Dalaa Gumedi Hadu. Gai koe ga tala ange agu muna e tala adu gi de goe,

Isaiah 58:1

“Oo daalaa, aude haganoho ina. Hagaleo laumalie bei de leo o de hanga manu. Daalaa ange gi ogu dangada olaadeu baubau, gai daalaa ange gi dangada o Jacob olaadeu haisala.

Song of Songs 3:11

Damaa hine o Zion, goodou ssao mai, diiloo de hodooligi go Solomon, ma dono hau hodooligi, go de hau a dono dinana ne hagahau ai ia i de laangi oona ne hai bodu ai, go de laangi oona ne malangilangi ai.

Proverbs 1:20

De heiangi e oo i honga de haiava, ia e oo i mommee e hagabuni ai dangada;

Exodus 16:8

Gai Moses ga hai ange, “Tagi Maolunga e gaavadu naa gi goodou giidagi e gaimee ai i de ahiahi, ma pelaoaa e gaimee ai gi boobosu i taiao, go hiidinga ia gu langona doodou nnanu i de ia; gai e dee go gimaau donu oodou e nnanu ai naa, gai goodou e nnanu donu i Tagi Maolunga.”

James 4:4

Goodou dangada e dee hai hegau i de mee abodonu! Goodou e dee iloo laa bolo tangada e hai soa ange gi henua i lalo e hai baasi ange donu gi de Maadua? Deenei ai, be goai e lodo e hai soa ange gi henua i lalo, gai ia e hai donu ia gi se hagadaumee niio de Maadua.

Revelation 2:4

Aagai e dahi mee aagu e hagasee ai goe: koe gu tili doo aloha i taamada.

Psalm 129:1

Israel gi hagataba, “Gilaadeu ne hagaduasala ngau mai i dogu gauligi.

Jeremiah 2:1

Gai Tagi Maolunga ne hagaago mai ana muna, ga hai mai:

Jeremiah 3:4

E aha, koe tee hagahi mai, ‘Dogu damana ma dogu soa mai i dogu gauligi,

Hosea 2:7

Ia e doolohi saele naa ono dau soa, aagai e dee daea e ia gilaadeu; ia e ssala naa gilaadeu, aagai e dee gi gidee. Gai ia e hagadaba naa, ‘Au ga ahe nei e hano gi daho dogu bodu i mua, go hiidinga au e kii ange dogu danuaa i de masavaa laa.’

Deuteronomy 33:3

Ni muna abodonu, koe e aloha i oo dangada; koe e daohi oo dangada dabu alodahi i doo lima. Gilaadeu alodahi e ino i gaogao luoo vae, ma de hagallongo muna mai i oo daha.

Song of Songs 3:6

Goai deenei e humai nei i de vao bei dagodo o de useahi, gai gu hagamanongi i myrrh ma frankincense, ma denga hagadaagangaa mee hagamanongi a de gau hagao mee?

Hosea 2:17

Au e hai naa ia gi dee dagudagu ina ingoo o denga Baal, gai gi dee ahe ange ia gi manadua olaadeu ingoo.

Hosea 9:10

Au ne gidee Israel bei de hai a dahi e gidee ai laa hanu grape i de vao; Au ne gidee oodou dubuna madagidagi bei de gidee a dahi hanu hua o de fig i taamada. Aagai de masavaa olaadeu ne tae mai ai gi Baal o Peor, gai gilaadeu ne gaavange gilaadeu gi dahi diinonga hagadookaa, ma de hai ga hakino gee gilaadeu bei dahi diinonga olaadeu e llodo ai laa.

Hosea 11:1

“De masavaa o Israel e gauligi ai, gai au ne aloha i de ia; au ne hagahi dagu dama ga hagasao mai ia i Egypt.