Jeremiah 2:19 - De Beebaa Dabu

¹⁹ Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.

Jeremiah 2:19 Referans Kwoze

Isaiah 3:9

Olaadeu mada e hagabaubau donu huu gilaadeu; gilaadeu e hagaago mai olaadeu haisala bei Sodom; gilaadeu e dee hagammuni donu olaadeu haisala. E vakaa naa gilaadeu! Gilaadeu e hagaduasala donu huu gilaadeu.

Jeremiah 4:18

Au dahulinga ma au hegau gu hai ma gu duu adu de mee nei gi de goe. Deenei doo hagaduasala. Gai e kona naa donu! Gai e velo naa donu oo lodo!”

Jeremiah 2:17

Gai e dee go koe ne hidi mai ai de hai adu mee nei gi goe, i dau tili Tagi Maolunga doo Maadua, i de masavaa aana ne dagi mai ai goe i lo te haiava?

Psalm 36:1

De haisala e basa ange gi lodo o tangada baubau. Gai e deai donu se madagu o de Maadua i ono daha.

Hosea 5:5

De hagamaolunga o Israel gu hagabaubau donu huu gilaadeu; Dangada o Israel ma Ephraim gu baakuu i lodo olaau haisala; Judah gu baakuu hogi madali gilaadeu.

Amos 8:10

Au e sui naa oodou laangi daonga gi ni laangi niiodou e tangi ai, gai oodou daahili alodahi e sui gi ni daahili hagahinangalosaa. Au e hai naa goodou gi kahu i malo daladala, ma de dahi gi malali oodou biho. Au e hai naa goodou gi tangi bei tangada e dangi laa i hiidinga de magau o dana dama dagidahi, gai de hagaodi o de laangi laa gi bei dahi laangi mmala.

Hosea 11:7

Ogu dangada e nnoho huu e daahuli gee i de au, gai ga hagahia naa donu e gilaadeu de Ia Maolunga Mmao laa, aagai ia e dee hagahiihidi age donu gilaadeu.

Jeremiah 5:6

Deenei ai, dahi laiono mai i lodo mee muimui e daa naa gilaadeu ga maakau, dahi wolf e hangahanga naa gilaadeu, dahi leopard e dagitilo naa i gaogao olaadeu aduhale e hangahanga dangada alodahi e ssao mai i kilaa, i hiidinga gilaadeu gu kona de hagamaanege gai ne lagolago olaadeu hanonga ne aahe dua ai.

Romans 3:18

Gai e deai donu se madagu i de Maadua i olaadeu daha.”

Zechariah 7:11

Aagai dangada tee hagallongo mai; gilaadeu ne huuhuli mai olaadeu dua gi de ia, ma de pono olaadeu dalinga gi dee langona ai e gilaadeu ana muna.

Hosea 14:1

Israel, ahe mai gi Tagi Maolunga doo Maadua, oo baubau gu hagahaisala goe.

Jeremiah 8:5

Gai gu aha de gau nei gu huuhuli gee ai nei? Gai gu aha Jerusalem gu duudagi ai nei de huli dua? Gilaadeu e daohi donu huu hegau hagasenga; gai gilaadeu e dee llodo e aahe mai.

Hosea 4:16

De gau Israel e hagamakaga olaadeu lodo, bei dagodo o de kaau hahine; gai e maua ai naa e Tagi Maolunga i de hagaloosi gilaadeu bei denga ssiibi i de mommee laumalie iai helii?

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Jeremiah 3:22

“Denga dama dee hai hegau i de mee abodonu, goodou aahe mai; gai au ga hagaieiangi goodou gi hai hegau ai goodou i mee abodonu.” ⌊Dangada ne hai mai,⌋ “Uaa, gimaadeu e loomai naa gi de goe, i hiidinga go koe go Iahweh demaadeu Maadua!

Isaiah 50:1

E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

Isaiah 5:5

Iainei gai au e tala adu gi goodou dagu hai e hai ai dagu veelengaa grape: au e aau gee naa de buibui i luu baasi, gai e oha naa ga maoha; au e oha iho naa dono buibui, gi dagadagahia ai gi lalo.

Proverbs 5:22

Hegau baubau a tangada baubau e gidee mai naa donu, gai ia e noodia ma e makaga i ono haisala.

Proverbs 1:31

gilaadeu e gai naa hua o alaadeu hegau, ma de boobosu i de gai hua o alaadeu hagatau.

Proverbs 1:32

Gai de daahuli gee o de gau llodo ssenga e daa gilaadeu ga maakau; gilaadeu e maakau naa donu, i delaadeu maanadu bolo gilaadeu e danuaa donu huu;

Jeremiah 5:24

Gai gilaadeu e dee hagataba i olaadeu lodo, ‘Gidaadeu ga maatagu i Tagi Maolunga taadeu Maadua, go de ia ne gaamai de langi i de hagaodi ma taamada o de ngadau i de masavaa gu dugu, gai go de ia ne gaamai gi gidaadeu denga uvigi o de hagihagi.’

Ezekiel 39:24

Au ne hagaduasala gilaadeu gi bei dagodo o olaadeu vai gelegele ma olaadeu haisala, gai au ne hagammuni luoogu mada i gilaadeu.

Hosea 7:2

aagai gilaadeu e tee tonu iho donu bolo au e manadua alaadeu hegau baubau alodahi. Alaadeu hegau baubau gu duuli gilaadeu, gai e daakodo donu i mada luoogu mada i masavaa alodahi.

Hosea 13:9

Israel, au e oha naa goe; gai goai naa donu e maua i de bale adu goe?

Micah 1:5

Mee nei gu hai i hiidinga haisala o Jacob, ma hiidinga baubau o de gau Israel. Dee hee de haisala o Jacob? E dee go Samaria? Gai dee hee de mommee daumaha o Judah? E dee go Jerusalem?

Exodus 33:6

Deelaa ai, de gau Israel ne aau olaadeu mee hagalaagii ma olaadeu malo hagadanuaa, ga daamada mai i de mounga go Horeb ga hulo ai.

Judges 10:13

Aagai goodou gu tili au, gai gu daumaha ange gi denga diinonga; deenei ai, au e dee hagaola naa donu goodou.

1 Kings 18:18

Elijah ne hai ange, “E dee go au e hagahai ngadaa ina de gau Israel, gai go koe, ma de huaabodu o doo damana, go hiidinga goodou gu tili hainga a Tagi Maolunga, gai gu daudali ange i denga Baal.

2 Chronicles 12:5

Gai de pelaabisi go Shemaiah ne humai gi daho Rehoboam, ma dagi o Judah gu hagabuni mai laa gi Jerusalem, i hiidinga gilaadeu gu maatagu i Shishak, ga hai ange gi gilaadeu, “E hagadaba Tagi Maolunga, ‘Goodou ne tili au, deenei ai, iainei gai au e tili ange goodou gi Shishak.’ ”

2 Chronicles 21:10

Gai Edom goi hai baasi ange huu gi Judah ga dae mai ai gi anailaa nei. Gai de aduhale go Libnah ne hai baasi ange hogi gi Jehoram i de masavaa laa, go hiidinga ia ne tili Tagi Maolunga, de Maadua o ono dubuna madagidagi.

2 Chronicles 25:16

De masavaa o de pelaabisi laa e basa ai, gai de hodooligi ga hai ange gi de ia, “Goai ne hagasula ina goe gi se dangada e daalaa ange mee a de hodooligi e hai? Gu lava au muna e tala! Ni haigamaiana aha doo magau?” Gai de pelaabisi laa ga tuu de tala ana muna, aagai ia ne hai ange, “Au e iloo bolo de Maadua gu hagatau e daa goe gi magau, i hiidinga au hegau gu hai, koe tee lodo e hagallongo agu muna e bale adu ai goe.”

Jeremiah 1:16

Gai au e hagailoo adu dagodo o dagu hagaduasala ogu dangada, i hiidinga o alaadeu hegau baubau alodahi ma delaadeu tili au; gilaadeu ne dudu mee maanongi ange gi denga diinonga ma de daumaha ange gi mee alaadeu ne hai i olaadeu lima.

Jeremiah 7:19

E aha, go au alaadeu gu hai laa gi lili? go Tagi Maolunga e hagadaba. E aha, e dee go gilaadeu donu huu alaadeu e hagammae ma de hagadookaa?

Jeremiah 13:22

Gai noo koe e ssili i oo lodo, “Gu aha gu hai mai ai mee nei gi de au?” — go hiidinga de lagolago oo baubau ne aau gee ai oo malo ma doo haia gi de mahi.

Ezekiel 23:30

koe ne sae ange mmao gi denga huaahenua, ma de hai ga hakino gee goe i daho olaadeu diinonga.

Hosea 9:1

Israel, koe gi dee malangilangi; koe gi dee lodo danuaa bei denga huaadangada ange laa. Go hiidinga koe tee hai hegau ange gi doo Maadua i de mee abodonu; koe e llodo mmao i hagaoanga a de hine hai be se manu i denga mommee hili huamanu alodahi.