Jeremiah 2:17 - De Beebaa Dabu

¹⁷ Gai e dee go koe ne hidi mai ai de hai adu mee nei gi goe, i dau tili Tagi Maolunga doo Maadua, i de masavaa aana ne dagi mai ai goe i lo te haiava?

Jeremiah 2:17 Referans Kwoze

Jeremiah 4:18

Au dahulinga ma au hegau gu hai ma gu duu adu de mee nei gi de goe. Deenei doo hagaduasala. Gai e kona naa donu! Gai e velo naa donu oo lodo!”

Jeremiah 2:19

Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.

Jeremiah 2:13

Ogu dangada gu hai e lua baubau: gilaadeu gu tili au, ssaalingaa vai o de mouli, gai gilaadeu ne hoda mommee e hagasahu ai vai, go mommee e dee maua gi daakodo ai vai.

Hosea 13:9

Israel, au e oha naa goe; gai goai naa donu e maua i de bale adu goe?

Psalm 107:7

Ia ne dagi gilaadeu i de haiava soe ga kave gilaadeu gi nnoho i dahi aduhale.

Psalm 77:20

Koe e dagi oo dangada bei dahi hagabuulingaa ssiibi i daho Moses ma Aaron.

Isaiah 1:4

E vakaa naa de huaahenua haisalasala, ma de huaadangada e honu i de baubau, gai ni gauligi e haia de baubau, go dama e haia hegau hakino gee! Gilaadeu gu daahuli gee i Tagi Maolunga, gilaadeu gu hagangadi mee de Ia Dabu o Israel, gilaadeu gu huuhuli ange olaadeu dua gi de ia.

Psalm 136:16

go ia ne dagina mai ono dangada laa lodo henua; Dono abodonu e dagodo ga hano ai.

De Beebaa go Job 4:8

Au gu gidee bolo gilaadeu e doo ina de baubau, ma gilaadeu e dooa de hai ngadaa e hagihagi naa hogi ono hua.

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

Deuteronomy 32:19

Tagi Maolunga gu kino i gilaadeu i dana gide mee nei, i hiidinga ana dama daane ma damaa hine gu hai ia gi lili.

Deuteronomy 32:10

Ia ne gidee dono huaadangada i lodo henua, i de ngadi mommee i de vao. Ia ne duuli gilaadeu ga tilo ange gilaadeu, gai ia ne hagaloosi gilaadeu bei tama legalega eidu o dono ganomada.

Numbers 32:23

Aagai noo goodou e dee hai gi bei muna nei, gai goodou e haisala ange donu gi Tagi Maolunga; goodou gi iloo bolo oodou haisala e aahe adu naa donu huu gi goodou.

Jeremiah 5:25

Gai hegau baubau gu daohi mee nei gi dee loomai; oodou haisala gu daohi mee danuaa i goodou.

Jeremiah 13:22

Gai noo koe e ssili i oo lodo, “Gu aha gu hai mai ai mee nei gi de au?” — go hiidinga de lagolago oo baubau ne aau gee ai oo malo ma doo haia gi de mahi.

Jeremiah 19:4

Go hiidinga gilaadeu gu tili au, gai gu hai de mommee nei gi se mommee hakino gee, gilaadeu gu dudu mee maanongi e sigidaumaha ange ai gi denga diinonga, go diinonga olaadeu ma olaadeu dubuna madagidagi, aama denga hodooligi o Judah e dee iloo laa. Gai gilaadeu gu hagahonu honga de henua nei, i dodo o dangada tigi haisala.

Jeremiah 44:3

go hiidinga baubau alaadeu ne hai ga lili ai au, i delaadeu dudu denga mee maanongi ma de daumaha ange gi denga diinonga alaadeu ma olaadeu dubuna tigi iloo.

Ezekiel 39:24

Au ne hagaduasala gilaadeu gi bei dagodo o olaadeu vai gelegele ma olaadeu haisala, gai au ne hagammuni luoogu mada i gilaadeu.

2 Chronicles 15:2

gai ia ne hano ga hedae ange gi Asa, ga hai ange gi de ia, “Asa, ma denga daane alodahi o Judah ma Benjamin, goodou hagalaangona agu muna. Tagi Maolunga e noho madali goodou, noo goodou e nnoho madali ia. Noo goodou e ssala ia, gai goodou e gidee naa donu ia, aagai noo goodou e tili ia, gai ia e tili naa hogi goodou.

De Beebaa go Job 34:27

go hiidinga gilaadeu gu daahuli gee ma gu dee daudali ange i de ia, gilaadeu gu hagangadi mee ono haiava.

Proverbs 15:10

Tangada e hano gee laa i de haiava heohi e kona dono haelenga, gai tangada e kino laa i dono hagaheohi ina e magau naa donu.

Isaiah 59:13

Gimaadeu ne hagamaanege ma de hagadee iloo Tagi Maolunga, gimaadeu ne daahuli gee i demaadeu Maadua; gimaadeu ne hai denga hagatau hagadaemaha ma de hai baasi, gimaadeu e tala muna hhadu ne loage laa i omaadeu lodo.

Micah 1:5

Mee nei gu hai i hiidinga haisala o Jacob, ma hiidinga baubau o de gau Israel. Dee hee de haisala o Jacob? E dee go Samaria? Gai dee hee de mommee daumaha o Judah? E dee go Jerusalem?