Jeremiah 2:12 - De Beebaa Dabu

¹² De langi, koe gi lele oo mouli i de mee nei, gai gi madagu ma de bolebole mmao, go Tagi Maolunga e hagadaba.

Jeremiah 2:12 Referans Kwoze

Isaiah 1:2

De langi ma henua i lalo, nnoho mai hagalaangona; go hiidinga Tagi Maolunga e basa: “Au ne haele hanu dama ga maatua, aagai gilaadeu gu hai baasi mai gi de au.

Micah 6:2

Denga mounga, hagalaangona muna a Tagi Maolunga e hagabaubau ai goodou; denga dagelo o henua i lalo e daakodo laa ga hano ai, goodou hagalaangona. Go hiidinga Tagi Maolunga e dahi ana mee e hai baasi ange ai gi dono huaadangada; ia e hagadaumee ange donu gi Israel.

Jeremiah 22:29

De henua, de henua, de henua, noho mai hagalaangona muna a Tagi Maolunga!

Jeremiah 6:19

Henua i lalo, goodou hagalaangona; tilo, au e hai naa gi humai dahi hai ngadaa gi de huaadangada nei, e sui ange ai hua o alaadeu hagatau, go hiidinga gilaadeu tee hagallongo mai gi agu muna; gai gilaadeu ne kino i agu hainga.

Deuteronomy 32:1

De langi i lunga, nnoho mai hagalaangona, gai au ga basa adu; henua i lalo gi hagalaangona agu muna e tala i dogu ngudu.

Matthew 27:45

Gai gu hagagohu honga de henua alodahi i de daa tuele ga dae ai gi tolu i de ahiahi.

Jeremiah 4:23

Au ne galo ange ga tilo dagodo o henua i lalo, gai tilo, e vinigoso ma tee hagatau danuaa; gai au ne galo age gi de langi, gai gu deai maalama iai.

Isaiah 29:9

Goodou gi llele mouli, ma de ssenga ange, haia gi dee kide goodou ma tee gidee; goodou gi ssenga, aagai e dee ssenga i denga uvaini; goodou gi ssee saele, aagai e dee ssenga i mee mmahi.

Jeremiah 18:13

Deenei ai, e hagadaba Tagi Maolunga: Siilia ange gi dangada i denga huaahenua: be gu hanu laa dangada ne langona de hai dahi hegau bee nei? De bua moe go Israel gu hai dahi hegau baubau mmao.