Jeremiah 2:11 - De Beebaa Dabu

¹¹ Gu dahi laa huaahenua ne suuia olaadeu diinonga? (Olaadeu diinonga e dee ni diinonga abodonu.) Aagai ogu dangada gu hagahesuihagi de mahamaha o delaadeu Maadua i denga diinonga e deai olaadeu haigamaiana.

Jeremiah 2:11 Referans Kwoze

Romans 1:23

gilaadeu gu sui de daumaha ange gi de Maadua e deai laa se magau, gai ga daumaha ange gi denga diinonga e hagadulagi ange laa gi dagodo o dangada e maakau laa, ma denga manu llele, ma manu dolodolo aama manu e tolo laa i honga de gelegele.

Isaiah 37:19

gai ne tili ange olaadeu diinonga gi lo te ahi ga dudu ai, go hiidinga diinonga laa e dee ni maadua abodonu, gai ni mee nii dangada ne hagatuu i laagau ma hadu. Deelaa ai, gilaadeu gu lava i de oha.

Jeremiah 16:20

E aha, e maua e tangada i de hai hanu diinonga moona? Diinonga nei e dee ni maadua abodonu!”

Psalm 106:20

Gilaadeu ne hagahesuihagi de mahamaha o delaadeu Maadua i dahi diinonga ne hagadulagi ange gi de kaau, e gai laa denga helii.

Micah 4:5

Denga huaahenua alodahi e daudali ange naa i de ingoo o olaadeu diinonga; gai gimaadeu e daudali i de ingoo o Tagi Maolunga demaadeu Maadua, ga hano ai e dee ngado mai.

1 Corinthians 8:4

Gai aanei dagodo o de gai mee gu sigidaumaha ange laa gi denga diinonga: gidaadeu e iloo bolo “tiinonga e dee se mee abodonu,” aagai “e dahi donu huu Maadua abodonu.”

Jeremiah 2:8

De gau haimeedabu tee ssili, ‘I hee iai Tagi Maolunga?’ De gau hai hainga tee iloo e gilaadeu au; gai de gau hagaloosi ssiibi gu haisala mai gi de au. Denga pelaabisi gu pasa pelaabisi i de ingoo o Baal, ma de daudali i denga diinonga deai haigamaiana.

Jeremiah 2:5

E hagadaba Tagi Maolunga: “Se baubau aha a oodou dubuna ne gidee laa i ogu daha, gai gilaadeu ga hagammao gee ai laa i de au? Gilaadeu ne daudali ange i denga diinonga dee haigamaiana, ga deai ai olaadeu haigamaiana.

Psalm 115:4

Aagai olaadeu diinonga ni mee e hai i selevaa ma goolo, gai ne hai i lima o dangada.

Psalm 3:3

Aagai koe, Tagi Maolunga, go de mee hungihungi e duuli ina mai au, koe e hagamahamaha ogu dagodo, ma de hai gi maua e au i de dangage age dogu biho.

Deuteronomy 33:29

De gau Israel, goodou gu manuuia! Goai e bei oodou dagodo, dangada a Tagi Maolunga gu hagaola? Ia e bei doodou mee hungihungi ma doodou bale aama doodou gadilaasa e kii ai. Oodou hagadaumee e maatagu naa i goodou, gai goodou e dagadagahi naa olaadeu mommee daumaha.”

1 Peter 1:18

Goodou e iloo bolo goodou ne hagaola mai i oodou mouli dee haigamaiana, go mee oodou ne ago mai i daho oodou damana madagidagi, gai tee hagao i hanu mee e moolau laa de llilo, bei selevaa ma goolo,

Galatians 4:8

I mua gai goodou e dee iloo de Maadua, goodou ni dangada hai hegau niio mee e dee ni Maadua abodonu.

1 Samuel 4:21

Gai ia ga hagaingoo ange dana dama daane go Ichabod, ga hagadaba, “Gu deai donu se mahamaha o Israel!”, go hiidinga de ngavesi a de Maadua gu gaavee, gai dono saulaba ma dono bodu gu maakau.

2 Chronicles 13:9

Gai e aha, tee haia e goodou de gau haimeedabu o Tagi Maolunga, go de aamuli o Aaron ma de aamuli o Levi gi hulo gee mai i oodou daha, gai goodou ne hili hanu dangada gee bei dagodo hegau a de gau henua gee? Gai be goai naa huu e gaamai dahi kaau gauligi aabe e hidu ssiibi daane e hagadabu ai ia, gai ia e maua i de hai gi se dangada haimeedabu o mee e dee ni maadua abodonu.

Jeremiah 5:7

“Dee hee dagu hai e degi adu ai gi de goe? Au dama gu daahuli gee i de au gai gu hagatoo donu i denga diinonga e dee ni maadua abodonu. Au ne haangai ange gilaadeu ga boobosu, aagai gilaadeu ne dagodo haisala ma de daga ga hulo gi hale o de gau hai be ni manu.

Jeremiah 18:13

Deenei ai, e hagadaba Tagi Maolunga: Siilia ange gi dangada i denga huaahenua: be gu hanu laa dangada ne langona de hai dahi hegau bee nei? De bua moe go Israel gu hai dahi hegau baubau mmao.

Ezekiel 5:7

Deenei ai, e hagadaba de Ia Aamua go Iahweh: Goodou e kii ange doodou hagamaanege i denga huaahenua i oodou gaogao, gai goodou tee daudali i agu hainga gu hagasauaa, gai tee daohi agu hainga, aagai goodou ne ago ange i dahulinga a denga huaahenua e paa adu gi goodou.

Ezekiel 14:5

Gai au ga hagaahe mai ai lodo o de gau Israel alodahi gu hulo gee laa i de au i hiidinga delaadeu daumaha ange gi denga diinonga.’

Deuteronomy 32:16

Gilaadeu ne hai ia ga maagoda i olaadeu diinonga, ma de hai ga lili ia i alaadeu hegau hakino gee.

Deuteronomy 32:21

Gilaadeu ne hai au ga maagoda i denga diinonga e dee ni maadua abodonu; gilaadeu gu hai au gi lili i olaadeu ngadi diinonga. Au e hai naa gilaadeu gi llodo gaiaa i dangada tigi se huaahenua; au e hai naa gilaadeu gi llili i dahi huaahenua dee heiangi.

1 Kings 11:33

Au e hai de hegau nei i hiidinga gilaadeu ne tili au gai gu daumaha ange gi Ashtoreth, tiinonga hahine o de gau Sidon, ma Chemosh, tiinonga o de gau Moab, ma Milcom, tiinonga o de gau Ammon; gilaadeu tee daudali i ogu haiava, ma tee hai hegau i de heohi i mada luoogu mada, gilaadeu tee daohi hogi agu muna gu hagasauaa, ma agu hagamodu, bei dagodo hegau a David, tamana o Solomon ne hai.

2 Kings 1:3

Gai tangada de langi o Tagi Maolunga ga hai ange gi Elijah, taane Tishbe, “Hannoo hedae ange gi denga daane o de hodooligi o Samaria siilia ange, ‘E aha, gu deai laa donu se Maadua o Israel, gai goodou ga hulo ai laa e ssili hanu mee i daho Baal-Zebub, tiinonga o Ekron?