Jeremiah 18:15 - De Beebaa Dabu

¹⁵ Aagai ogu dangada gu ngalo au, gilaadeu e dudu mee maanongi ange gi denga ngadi diinonga, gai denga diinonga gu hai gilaadeu gi dee maua i de seesee i de haiava madagidagi. Denga diinonga laa gu hai gilaadeu gi hulo i denga dao haiava gee, aama honga haiava tigi bae.

Jeremiah 18:15 Referans Kwoze

Jeremiah 6:16

E hagadaba Tagi Maolunga, “Goodou tuu i sugusuguinga o denga haiava diiloo ai, gai ssili be i hee denga haiava madagidagi, ma de ssili be i hee de haiava danuaa, gai goodou ga seesee i ono lodo, gi maua ai e oodou hagasaalunga i de hagamaabunga. Aagai goodou e hagataba, ‘Gimaadeu e dee seesee donu i de haiava laa.’

Hosea 11:2

Aagai ga dee modu huu dagu hagaagahi gilaadeu, gai gu kii ange donu delaadeu hulo ga hagammao gee i de au. Gilaadeu ne sigidaumaha ange gi denga Baal, ma de dudu mee maanongi ange gi denga diinonga.

Jeremiah 2:32

E aha, e maua e de gauligi hahine gi ngalo ono mee hagalaagii, aabe go de hine gu dai hai bodu i de ngalo ono malo? Aagai ogu dangada gu ngalo au i hanu laangi lagolago.

Isaiah 57:14

Gai hanu e hagataba naa, “Hagaduulia age, hagaduulia age, hagadabena ina de haiava! Aaua gee mee e buibuia de haiava o ogu dangada.”

Malachi 2:8

Aagai goodou gu hulo gee i de haiava heohi, gai oodou agoago gu hagahaisala dangada soa; goodou gu oha de hagatoo donu hagaheloongoi a Levi, go Tagi o denga hagabuulinga hebagi e hagadaba.

Jeremiah 2:13

Ogu dangada gu hai e lua baubau: gilaadeu gu tili au, ssaalingaa vai o de mouli, gai gilaadeu ne hoda mommee e hagasahu ai vai, go mommee e dee maua gi daakodo ai vai.

Jeremiah 17:13

Tagi Maolunga, go de tali a Israel, dangada alodahi e dilia goe e dookaa naa. Gilaadeu e daahuli gee i de goe e bei mee e sisi i honga de gelegele ⌊e moolau laa de llilo⌋, i hiidinga gilaadeu gu tili Tagi Maolunga, go ssaalingaa vai iai de mouli.

Jeremiah 10:15

E deai olaadeu haigamaiana, gai ni mee hakadanga; gilaadeu e llilo naa i de masavaa o delaadeu hagaduasala.

Isaiah 41:29

Tilo, gilaadeu alodahi ni ngadi mee, alaadeu hegau e deai donu haigamaiana, olaadeu diinonga baalanga e bei de ngadi madangi.

Matthew 15:6

gai e danuaa donu dana dee hagadubu dono damana ma dono dinana.’ Deenei ai, goodou gu hai gi dee hai hegau de hainga a de Maadua i oodou dahulinga donu.

Hosea 2:13

Au e hagaduasala naa ia i hiidinga laangi aana nogo dudu ai mee maanongi ange gi denga Baal; ia ne hagalaagii ia i denga buulei ma hadu hagamogomogo, ga doolohi saele ai ono dau soa, aagai ia gu ngalo donu au, go Tagi Maolunga e hagadaba.

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Jeremiah 13:25

Deenei doodou duuhanga, go tuuhanga aagu gu hagamodu adu gi de goe, go Tagi Maolunga e hagadaba, go hiidinga koe gu ngalo au gai koe gu tali hagalodolodo ange gi denga ngadi diinonga.

Jeremiah 3:21

De leo o dahi e langona i ulu denga duuduu, go de tangi ma tangi see o dangada o Israel, go hiidinga gilaadeu gu hagahaisala delaadeu haiava; gilaadeu gu ngalo Tagi Maolunga, delaadeu Maadua.

Romans 14:21

Gai e danuaa ange taadeu dee gai giidagi be go de unu denga uvaini, aabe go de hai dahi mee daudahi e hidi mai ai laa de haisala o doo daina.

Jeremiah 44:25

E hagadaba Tagi o denga hagabuulinga hebagi, de Maadua o Israel: Goodou ma oodou bodu gu hagatoo donu i oodou ngudu ma de hagassula de mee nei i oodou lima, ma de hagataba, ‘Gimaadeu e hagassula donu mee amaadeu gu lava i de hagatoo donu ai, bolo gimaadeu e hai ssigidaumaha o mee maanongi, ange gi de hine hodooligi o de langi, aama de hai sigidaumaha o mee unu ange gi de ia.’ Hano, goodou haia donu gi bei oodou mee gu hagatoo donu ai! Hagassula ina oodou hagatoo donu!

Jeremiah 19:5

Gai gilaadeu gu hagatuu denga mommee daumaha o Baal e dudu ai alaadeu dama e hai ai ssigidaumaha ange gi a Baal. Gai de mee nei se mee donu niiagu tee tala ange aabe ne basa ange ai gi gilaadeu, gai se mee donu tee dagodo i ogu lodo.

Isaiah 62:10

Ulu laa lodo, ulu laa lodo haitoga! Hagadabena ina de haiava o dangada e ulu ai. Hagaduulia age, hagaduulia age de haiava laumalie! Aaua denga hadu; hagaduulia age de hagailonga ange gi denga huaadangada.

Isaiah 9:16

Go hiidinga dagi o de huaadangada gu dagi gee gilaadeu, gai gilaadeu gu daahanga dangada alaadeu e dagi.

Isaiah 3:12

Denga gauligi e vaivai hai naa ogu dangada, denga haahine e dagudagu ange naa gi gilaadeu. Ogu dangada, oodou dagi e dagi gee goodou; gilaadeu e kave gee goodou i de haiava.

Jeremiah 2:19

Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.

Isaiah 65:7

go oodou baubau ma baubau o oodou dubuna, go Tagi Maolunga e hagadaba. Go hiidinga gilaadeu ne dudu denga sigidaumaha i honga denga mounga ma de hai baasi mai gi de au i honga duuduu, au e hagabau ange naa gi gilaadeu de hagaoanga o alaadeu hegau i mua.”

Jeremiah 7:9

E aha, goodou e gaiaa laa ma de daa dangada, ma de dagodo haisala, ma de hagatoo donu i denga diinonga, ma de dudu mee maanongi ange gi Baal, aama de daumaha ange gi denga diinonga oodou e tee iloo i mua,

Jeremiah 18:14

E aha, e maua gi deai snow i honga hadu i ulu o Lebanon? E aha, e maua i de pono gi dee ssali mai denga vai maluulu i de mommee mmao?

Jeremiah 51:18

E deai olaadeu haigamaiana, gai ni mee hakadanga; gilaadeu e llilo naa i de masavaa o delaadeu hagaduasala.

Ezekiel 21:15

Gai dangada e maatagu naa, gai e soa naa donu e maakau. Au e gaamai naa de gadilaasa gi olaadeu aduhale. Tilo, de gadilaasa laa e dabadaba bei de uila, gai gu poo i de lima o de ia daa dangada.

Ezekiel 36:15

Au e hai naa donu gi dee langona e goe de hagammae manava a de huaahenua, gai koe e dee hagangadi mee ina naa donu i daho denga huaadangada, aabe gilaadeu e hagadee kii doo henua, go de Ia Aamua go Iahweh e hagadaba.”

Hosea 2:6

Deenei ai, au e pono naa dono haiava i denga manu daladala, ma de buibui ia gi dee gidee ai e ia dono haiava.

Deuteronomy 32:21

Gilaadeu ne hai au ga maagoda i denga diinonga e dee ni maadua abodonu; gilaadeu gu hai au gi lili i olaadeu ngadi diinonga. Au e hai naa gilaadeu gi llodo gaiaa i dangada tigi se huaahenua; au e hai naa gilaadeu gi llili i dahi huaahenua dee heiangi.

Nehemiah 9:17

Gilaadeu tee llodo e hagallongo adu, gai tee hagamaanadu i denga hegau hagalele mouli aau ne hai i olaadeu daha, aagai ne hagamakaga olaadeu lodo ga hili dahi dagi e aahe ai gi de mommee olaadeu ne hagahai hegau ina ai i Egypt. Aagai koe se Maadua e degi, ma de abodonu aama de lodo aloha mmao, e dee moolau de lili gai e honu i de aloha; koe tee tili donu gilaadeu.

Jeremiah 1:16

Gai au e hagailoo adu dagodo o dagu hagaduasala ogu dangada, i hiidinga o alaadeu hegau baubau alodahi ma delaadeu tili au; gilaadeu ne dudu mee maanongi ange gi denga diinonga ma de daumaha ange gi mee alaadeu ne hai i olaadeu lima.

Jeremiah 11:12

Denga aduhale o Judah, ma dangada o Jerusalem e hulo naa ga tangi ange, gi diinonga alaadeu e sigidaumaha ange laa mee maanongi aagena, gai denga diinonga laa e dee bale ange donu gilaadeu i de masavaa hai ngadaa.

Jeremiah 11:13

Judah, oo diinonga gu lagolago donu bei oo aduhale, gai oo mommee o ssigidaumaha ma de dudu ai mee maanongi ange gi tiinonga hagadookaa go Baal, gu bei donu de lagolago haiava o Jerusalem.

Jeremiah 11:17

Tagi o denga hagabuulinga hebagi, go de ia ne dooa goe, gu hagamodu dahi hai ngadaa e hai adu gi de goe, go hiidinga baubau o dangada o Israel ma dangada o Judah gu hagadaemaha ogu lodo, i delaadeu dudu ange denga mee maanongi gi Baal.”