Jeremiah 17:27 - De Beebaa Dabu

²⁷ Aagai noo goodou e dee hagallongo mai, goodou e dee hai gi dabu de laangi o Sabbath, ga dee hagauda mai mee laa lodo haitoga o Jerusalem i de laangi o Sabbath, gai au e dudu naa denga haitoga o Jerusalem aama ono hale danuaa, gai e dee maua naa donu i de diinei.’ ”

Jeremiah 17:27 Referans Kwoze

2 Kings 25:9

Gai ia ne dudu de hale o Tagi Maolunga, ma de hale o de hodooligi, aama denga hale alodahi i Jerusalem. Ia ne dudu hogi denga hale hagamogomogo alodahi i kilaa.

Jeremiah 7:20

Deenei ai, e hagadaba de Ia Aamua go Iahweh: Au e hai naa gi humai dogu lili aama dogu bole gi honga de mommee nei, ma honga o dangada ma manu dolodolo, ma honga manu ssomo ma hua o de gelegele. Mee nei e dudu naa, gai e dee maua naa donu i de diinei.”

Jeremiah 21:14

Au e hagaduasala naa goodou gi bei hua o oodou hegau, go Tagi Maolunga e hagadaba. Au e haula naa dahi ahi i lodo henua i doo henua ga dudu ai mee alodahi i luu baasi.”

Amos 1:14

Au e haula naa dahi ahi i lo te buibui o Rabbah, e dudu ai gi deai ono mommee buibui makaga, gai dangada e hevaalogi naa i de laangi o de hebagi, madali de madangi mmahi i de laangi e ssau ai de madangi.

Ezekiel 22:8

Goodou gu hagangadi mee agu mee dabu ma de hagangadi mee agu Sabbath.

Lamentations 4:11

Tagi Maolunga gu bole mmao, ia gu hagahai hegau dono lili, Ia gu dahu dahi ahi i Zion e dudu ai de aduhale alodahi.

Jeremiah 52:13

Gai ia ne dudu de hale o Tagi Maolunga, ma de hale o de hodooligi, aama hale alodahi i Jerusalem. Ia ne dudu hogi denga hale hagamogomogo alodahi i kilaa.

Jeremiah 49:27

Gai au e dudu naa denga buibui o Damascus, gai de ahi e oha naa denga hale danuaa o Ben-Hadad.”

Jeremiah 39:8

Gai de gau Babylon ne dudu de hale o de hodooligi ma hale o dangada, ma de oha iho de buibui o Jerusalem.

Isaiah 1:20

aagai noo goodou e dee llodo gai e hai oodou hai, gai goodou e daia naa ga maakau i de gadilaasa.” Tagi Maolunga gu tala muna nei.

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Amos 2:2

Deenei ai, au e gaamai naa de ahi gi duungia Moab, gai e dudu naa donu gi deai mommee buibui makaga o Kerioth. Dangada i Moab e maakau naa i de masavaa o de hebagi, ma de masavaa o dangada e hevaalogi ai aama de ili ai o de hanga manu.

Amos 1:12

Au e hai naa gi humai de ahi gi duungia Teman, gai e dudu naa donu gi deai mommee buibui makaga o Bozrah.”

Amos 1:10

Au e hai naa gi humai de ahi gi duungia de buibui o Tyre, gai e dudu naa donu gi deai ono mommee buibui makaga.”

Amos 1:7

Au e gaamai naa de ahi gi duungia de buibui o Gaza, gai e dudu naa donu ga deai ono mommee buibui makaga.

Amos 1:4

Au e hai naa gi humai de ahi e dudu ai de hale o Hazael, gai e dudu donu ga deai mommee buibui makaga o Ben-Hadad.

Ezekiel 16:41

Gai gilaadeu e dudu naa oo hale i de ahi, ma de hagaduasala goe i madamada o denga haahine soa. Gai au e hai naa goe gi dee maua i de hano e dagodo haisala, koe e dee maua naa hogi i de hagao ange oo dau soa.

Jeremiah 44:16

“Gimaadeu e dee hagallongo donu au muna gu tala mai i de ingoo o Tagi Maolunga!

Jeremiah 32:29

Gai de gau Babylon e hebagi ange nei gi de aduhale nei e ulu mai naa ga dudu de aduhale i de ahi, madali denga hale a dangada e dudu ai laa mee maanongi ange gi Baal i tua olaadeu hale, aama de sigidaumaha ange mee unu gi denga diinonga ga hidi mai ai dogu bole.

Jeremiah 22:5

Aagai noo goodou e dee daudali i muna nei, gai au e hagatoo donu adu i dogu ingoo, go Tagi Maolunga e hagadaba, bolo de hale nei e maoha naa ga ngadi dagodo.’ ”

Jeremiah 21:12

de huaabodu o David, e hagadaba Tagi Maolunga: Goodou hai hegau i de mee heohi i laangi alodahi; hagaola ina tangada gu gaiaadia ono goloa, i tangada e vaivai haia ia; kana dae mai dogu bole gi goodou, bei de ahi ula e dee maua laa i de diinei, i hiidinga o oodou hegau baubau.’

Jeremiah 17:24

Aagai noo goodou e kana ange ga hagallongo mai gi de au, go Tagi Maolunga e hagadaba, ga dee hagauda mai hanu mee laa lodo haitoga o de aduhale nei i de laangi o Sabbath, aagai ga hai gi dabu de laangi o Sabbath, goodou gu dee hai hegau ai,

Jeremiah 17:4

Gai go goodou donu huu ne hidi mai ai de gaavee gee de boolonga aagu gu gaavadu gi goodou. Au e hai naa goodou gi hai hegau ange gi oodou hagadaumee i dahi henua oodou e dee iloo laa, i hiidinga goodou gu hai au ma gu lili, gai dogu lili e bei naa de ahi mmahi e ula laa ga hano ai.”

Jeremiah 6:17

Au ne hili hanu dangada dagitilo moodou, ga hai ange, ‘Goodou hagalaangona de ili o de hanga manu!’ Aagai goodou e hagataba, ‘Gimaadeu e dee hagallongo donu.’

Isaiah 1:31

Taane mmahi e bei dahi deleisi, gai ana hegau e bei dahi galo ahi; luu mee nei ngaadahi e dudu naa, gai e deai donu se dangada e maua i de diinei.

2 Chronicles 36:19

Gai gilaadeu ne dudu de hale o de Maadua, ma de oha de buibui o Jerusalem; gilaadeu e dudu naa denga hale danuaa alodahi ma de oha denga goloa hagamogomogo alodahi i kilaa.

2 Kings 22:17

Gilaadeu ne tili au gai ga sigidaumaha ange mee maanongi gi denga diinonga, ga hagadaemaha ai ogu lodo i alaadeu hegau alodahi ne hai. Deenei ai, au e hai baasi ange gi de mommee nei i dogu lili, gai e dee maua donu i de haganoho.’

Deuteronomy 32:22

Gai de ahi gu hakaa i hiidinga o dogu lili, gai e ula ga hano gi de mommee o de gau maakau, gai e dudu naa honga de henua ma mee alodahi e ssomo ai, ma de haula ga kaa daahido o denga mounga.

Psalm 122:7

De baba gi dagodo i lodo oo buibui, gai gi deai e maatagu i lodo oo hale hagaloosi!”

Jeremiah 18:1

Gai Tagi Maolunga ne hagaago ange ana muna gi Jeremiah, ga hai ange,

Lamentations 2:6

Ia gu oha dono baasi hale bei dagodo o dahi veelenga; ia gu oha dono mommee hagabuni. Tagi Maolunga gu hai Zion gi ngalo denga daonga ma denga Sabbath, ia ne hagangadi mee de hodooligi ma tangada haimeedabu i hiidinga de kona dono lili.

Ezekiel 21:15

Gai dangada e maatagu naa, gai e soa naa donu e maakau. Au e gaamai naa de gadilaasa gi olaadeu aduhale. Tilo, de gadilaasa laa e dabadaba bei de uila, gai gu poo i de lima o de ia daa dangada.

Ezekiel 23:38

Aanei alaau mee ne hai mai gi de au: gilaau ne hai hogi ga hakino gee dogu mommee dabu i de masavaa laa, ma de hagangadi mee agu Sabbath.

Hosea 8:14

Israel gu ngalo de ia ne haia ia, gai gu hagatuu denga hale danuaa; Judah gu hagalagolago ono aduhale buibui. Aagai au e gaamai naa de ahi gi duungia ono aduhale, gai de ahi e dudu naa ga odi denga mommee buibui makaga.

Ezekiel 21:3

hai ange gi de henua laa, ‘E hagadaba Tagi Maolunga: Tilo, au e hai baasi adu donu gi de goe. Au e dada mai naa dagu gadilaasa i lo tono hale e daa ai gi maakau dangada heohi ma de gau baubau alodahi i oo daha.