Jeremiah 16:17 - De Beebaa Dabu

¹⁷ Gai au gu gidee danuaa olaadeu dagodo alodahi; mee nei e dee hagammuni donu i de au, gai olaadeu baubau e dee haoli donu gi dee gidee ai e au.

Jeremiah 16:17 Referans Kwoze

Proverbs 15:3

Luu mada o Tagi Maolunga i mommee alodahi, ia e dagitilo de gau baubau aama gilaadeu e danuaa.

Jeremiah 23:24

E aha, e maua e tangada i de mmuni i dahi mommee gi dee gidee ai e au ia? go Tagi Maolunga e hagadaba. E aha, e dee noho au i mommee alodahi i de langi ma henua i lalo? go Tagi Maolunga e hagadaba.

Proverbs 5:21

Tagi Maolunga e gidee danuaa hegau a tangada, gai ia e tilo dagodo o ana hegau alodahi e hai.

Psalm 90:8

Koe e gidee omaadeu baubau, gai omaadeu haisala e hagammuni laa e daakodo donu i mada luoo mada.

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

Jeremiah 32:19

au hagatau e danuaa mmao gai au hegau e mmahi mmao. Koe e gidee dagodo hegau alodahi a dangada, gai koe e hagao ange hegau a dangada gi bei alaadeu hegau.

2 Chronicles 16:9

Gai luu mada o Tagi Maolunga e daumada henua i lalo alodahi, gai ia ga hagammahi ai gilaadeu e heohi olaadeu lodo i mada luoono mada. Koe ne hai mee nei i doo lodo senga, dua iainei gai e deai naa donu se tuu de hebagi i oo daha.”

Ezekiel 9:9

Gai ia ne hai mai gi de au, “Haisala o dangada o Israel ma dangada o Judah gu kona mmao de baubau; de henua gu honu i todo, gai gu deai se hagamodu heohi i de aduhale. Gilaadeu e hagataba, ‘Tagi Maolunga gu tili de henua; Tagi Maolunga e dee gidee mee gu hai.’

Isaiah 29:15

E vakaa naa gilaadeu e hagammahi laa e hagammuni alaadeu hagatau i Tagi Maolunga, gilaadeu e hai alaadeu hegau i lo te gohu, ma de hagataba, “Goai naa donu e gidee gidaadeu? Gai goai naa donu e iloo?”

Psalm 139:3

Koe gu gidee danuaa dogu seesee saele aama dogu dagodo iho, gai koe e donu danuaa ange donu gi ogu dagodo alodahi.

Ezekiel 8:12

Aagai ia ne ssili mai gi de au, “Tama a tangada, koe e gidee naa mee a dagi o de gau Israel e hai i lo te gohu, dahi ma dahi e hano gi de aabi iai ada o ono diinonga? Gai gilaadeu e hagataba, ‘Tagi Maolunga e dee gidee donu gidaadeu; Tagi Maolunga gu tili de henua.’ ”

Psalm 51:9

Hagamuunia luoo mada i ogu haisala, gai sooloa ogu baubau alodahi.

Psalm 109:15

Olaadeu haisala gi daakodo donu huu i mada i mua o Tagi Maolunga i masavaa alodahi, gai ia ga hai ai gi deai dangada e manadua gilaadeu i de henua.

Jeremiah 2:22

Gai ga gaugau naa donu goe i denga lye ma de soobe i soobe lagolago, gai oo baubau goi daakodo donu i ogu mada i mua, go de Ia Aamua go Iahweh e hagadaba.

Jeremiah 29:23

Go hiidinga gilaau ne baubau alaau hegau ne hai i Israel, gilaau ne hulo gi daho bodu o daane e paa ange gi gilaau, gai ne tala hanu muna hhadu i dogu ingoo, gai e dee go au donu ne hai ange gilaau gi daalaa muna laa. Au e iloo donu de mee nei ma de tala hagadonu ono dagodo, go Tagi Maolunga e hagadaba.”

Zephaniah 1:12

De masavaa laa, gai au e ssala naa mee i Jerusalem i denga laama, ma de hagaduasala dangada e maanadu laa bolo gilaadeu e danuaa donu huu, go gilaadeu e hagataba laa i olaadeu lodo, ‘Tagi Maolunga e deai naa donu ana mee e hai i mee nei.’

Zechariah 4:10

Be goai e hagangadi mee ina de laangi o de hegau damaa mee nei, gai gilaadeu e malangilangi naa ma de gidee de uga haide i lo te lima o Zerubbabel. Denga laama e hidu nei go ganomada o Tagi Maolunga e tilo ai laa henua i lalo alodahi.”

De Beebaa go Job 10:14

noo au gu haisala, gai koe e dagitilo au, koe e dee degi mai donu gi ogu baubau.

De Beebaa go Job 31:4

E aha, de Maadua e dee gidee agu mee e hai, gai e dau hanonga e lagalaga ai luoogu vae?

Psalm 33:15

de ia ne haia lodo o dangada alodahi, go de ia hogi e gidee mee alodahi alaadeu e hai.

Isaiah 66:18

Gai au e iloo dagodo o alaadeu hegau ma maanadu i olaadeu lodo; gai e dae mai naa de masavaa e hagabuni mai ai denga huaahenua alodahi ma dangada e pasa i muna henua gee. Gai gilaadeu e loomai naa ga gidee dogu mahamaha.

Jeremiah 7:11

E aha, de hale e hagaingoo nei i dogu ingoo, gai goodou gu hai gi se mommee niio de gau gaiaa? Aagai au gu gidee donu mee nei, go Tagi Maolunga e hagadaba.