Jeremiah 15:19 - De Beebaa Dabu

¹⁹ Deenei ai, e hagadaba Tagi Maolunga: “Noo koe e dahuli oo lodo, gai au e hagaahe mai donu goe, gai koe ga hai hegau mai ai gi de au. Gai noo koe e tala muna haigamaiana, e dee go muna e deai haigamaiana, gai koe e hai naa go tangada e daalaa agu muna. De huaadangada nei gi aahe mai gi de goe, aagai koe e dee ahe ange gi gilaadeu.

Jeremiah 15:19 Referans Kwoze

Zechariah 3:7

“E hagadaba Tagi o denga hagabuulinga hebagi: Noo koe e hagallongo mai gi de au ma de daohi agu muna, gai koe e dagi naa i dogu hale ma de tilo ange ono buibui, gai au ga gaavadu gi de goe ssauaa madali gilaadeu e tuu nei i kinei.

Luke 21:15

Go hiidinga au e gaavadu naa donu gi goodou muna ma de heiangi e pasa ange ai gi oodou hagadaumee, gai gilaadeu e dee maua naa donu i de hagahadu muna aabe go de pasa adu gi oodou muna.

Leviticus 10:10

Goodou gi vaaea gee mee dabu mai i mee e dee dabu, ma mee e dee gilimalali mai i mee gilimalali;

Ezekiel 44:23

De gau haimeedabu gi agoago ina ange gi iloo e ogu dangada de hai e vvae ai de mee dabu aama de mee e dee dabu, ma de hagaago ange gi gilaadeu de hai e vvae ai de mee gilimalali ma de mee e dee gilimalali.

Ezekiel 22:26

Ono dangada haimeedabu e oha agu hainga ma de hagangadi mee agu mee dabu. Gilaadeu e dee maua i de vvae mee dabu mai i mee e dee dabu; gilaadeu e dee agoago tagodo gee o mee gilimalali ma mee e dee gilimalali; gai gilaadeu e dee anga ange e daohi agu Sabbath; deelaa ai, gilaadeu e dee hagadubu au.

Jude 1:24

Ange gi de ia e maua laa i de daohia goodou gi dee baakuu, ma de gaamai goodou gi tuu i mada i mua o dono mahamaha, gu deai oodou baubau gai gu malangilangi mmao,

Galatians 1:10

E aha, go dangada aagu e hagatale nei de hai gi malangilangi, aabe go de Maadua? Noo au goi hagatale huu de hagamalangilangi dangada, aagai au e dee se dangada hai hegau abodonu niio Klisdo.

Hebrews 5:14

Aagai denga gai makaga ni mee ange gi dangada gu maatua abodonu, i hiidinga gilaadeu gu agoago ma gu hagaabo ange gilaadeu gi de vvae mee danuaa ma mee baubau.

Acts 20:27

go hiidinga au tee hagammuni donu dahi mee i goodou, gai ne tala adu gi goodou lodo alodahi o de Maadua.

Luke 10:16

Tangada e hagalaangona oodou muna e hagallongo donu agu muna; gai tangada e kino i goodou e kino donu i de au. Aagai tangada e kino i de au e kino donu hogi i de ia ne haia nei au gi humai.”

Jeremiah 15:1

Gai Tagi Maolunga ne hai mai gi de au, “E dee galemu naa donu de tuu o Moses ma Samuel i ogu mada i mua, gai au e dee anga ange naa donu gi de huaadangada nei. Haia gilaadeu gi hulo gee mai i ogu daha! Gilaadeu gi hulo donu!

Exodus 4:12

Iainei gai koe hannoo, gai au e hano madali goe, ga tala adu gi de goe au muna alodahi e tala.”

Ezekiel 2:7

Gai koe daalaa ange agu muna gi gilaadeu, e dee hilihili be gilaadeu e llodo e hagallongo aabe deai; go hiidinga gilaadeu ni dangada hagamaanege.

Luke 12:12

Go hiidinga de Hagasaalunga Dabu e gaavadu naa donu gi goodou mee e heohi doodou tala i de aoaa laa donu huu.”

Luke 1:19

Gai tangada de langi ne hai ange gi de ia, “Go au go Gabriel, au e duu i mada luu mada o de Maadua. Au ne hai gi humai gi daalaa adu gi de goe de longo danuaa nei.

Jeremiah 20:9

Aagai noo au e hagadaba, “Au e dee tala naa donu ono dagodo aabe e ahe ange e basa i dono ingoo,” gai ana muna i ogu lodo e bei de ahi ula, se ahi e pono ange i lodo ogu ivi; au gu dalea mmao i de daohi, ni muna abodonu, au gu dee maua i de daohi.

Galatians 2:5

Gai gimaadeu tee dugu ange donu gi hai mee nei i dahi masavaa bodobodo, gi maua ai de mee abodonu o de longo danuaa gi dagodo adu gi goodou.

Luke 21:36

Aagai goodou dagitilo ma de dalodalo i masavaa alodahi gi mmahi ai goodou i de saavini e hulo gee i mee alodahi e loomai, ma de tuu i mada luu mada o Tama a Tangada.”

Proverbs 22:29

Koe e gidee laa dahi dangada labagau i de hai ana hegau? Ia e hai hegau naa i mada i mua o denga hodooligi; ia e dee hai hegau ange naa donu gi hanu ngadi dangada.

1 Kings 17:1

Gai Elijah, taane Tishbe mai i Gilead, ne hai ange gi Ahab, “Au e hagatoo donu adu gi de goe i de mouli o Tagi Maolunga, de Maadua o Israel, go de ia oogu e hai hegau ange nei aagena, bolo e deai naa donu se mee maluulu aabe se langi e pala i hanu ngadau, gai go dagu hagadaba donu huu bolo ga hai mee nei.”

2 Corinthians 5:16

Deenei ai, mai iainei gai gimaadeu gu dee tilo dangada bei de hai a dangada e tilo ai; e dee galemu donu gimaadeu nogo tilo Klisdo i mua bei de hai a dangada e tilo ai laa, gai iainei gimaadeu gu dee tilo bee nei.

Jonah 3:2

“Hidi age hannoo gi de aduhale laumalie go Nineveh ma gi daalaa ange ai agu muna e tala adu gi de goe.”

Jeremiah 4:1

“Israel, noo koe e lodo e ahe mai gi de au, gai ahe mai, go Tagi Maolunga e hagadaba. Noo koe e aau gee oo diinonga hakino gee i mada luoogu mada, gai goodou e dee aahe ange e hulo gee,

Jeremiah 6:29

Denga mee ili ahi, e hai ga mmahi de ahi e dudu ai gi deai lead, aagai e deai haigamaiana de duudagi de hagadanuaa mee nei; go hiidinga de gau baubau e dee maua donu i de hai gi gilimalali.

Jeremiah 35:19

Deenei ai, e hagadaba Tagi o denga hagabuulinga hebagi, de Maadua o Israel: Jonadab tama daane a Recab e duudagi naa donu huu de dahi ono hagadiilinga e hai hegau i mada luoogu mada.”

Lamentations 1:11

Ono dangada alodahi gu duasala i delaadeu hulo ga ssala alaadeu gai. Gilaadeu ne hagahesuihagi olaadeu goloa hagamogomogo i hanu gai, gi dee maakau ai gilaadeu. “Tagi Maolunga, galo mai diiloo dagodo o dogu hagangadi mee ina.”

Leviticus 14:57

gi iloo ai be e gilimalali aabe e dee gilimalali. Aanei hainga o denga gili baubau aama mee dongidongi.

Jeremiah 1:9

Gai Tagi Maolunga ne haalo mai dono lima ga poo mai dogu ngudu, ga hai mai, “Tilo, au gu hhao adu agu muna gi lo too ngudu.