Jeremiah 15:18 - De Beebaa Dabu

¹⁸ Gu aha gu dee maua ai nei gi ui dogu mmae, gai ogu maanuga gu kona mmao, gu dee maua gi mmahu? Koe gu bei dahi ngadi saalingaa vai, ma de vai gu dee sali laa.

Jeremiah 15:18 Referans Kwoze

Jeremiah 30:15

Gu ahe gu dangi ai naa goe i doo lagohia, gai e dee maua gi helui doo mmae? Go hiidinga oo baubau nnui, ma oo haisala e lagolago, aagu ne hai adu ai nei mee nei gi de goe.

De Beebaa go Job 34:6

E dee galemu donu au e heohi, gai gu hagabinga bolo se dangada hadu muna; e dee galemu donu au tigi haisala, gai ogu maanuga e dee maua gi mahu.’

Micah 1:9

Go hiidinga dono maanuga gu dee maua gi mahu, gai gu lele ange hogi gi Judah; gai gu dae gi haitoga o Jerusalem, go de aduhale o ogu dangada.

Jeremiah 30:12

Gai e hagadaba Tagi Maolunga: Doo maanuga e dee maua gi mahu, gai doo mee lagohia e hagammae.

Jeremiah 20:7

Tagi Maolunga, koe gu daahanga donu au, gai au gu senga hogi; koe e mmahi ange i de au, gai koe gu kii i de au. Dangada e kada i de au i laangi alodahi; gilaadeu alodahi e doo mee i de au.

Jeremiah 14:19

E aha, koe gu tili naa donu Judah? Koe gu kino naa donu i Zion? Gu aha goe gu hagailiili ai naa gimaadeu gai omaadeu maanuga gu dee maua gi mmahu? Gimaadeu e ssala de nnoho paba, aagai teai donu se danuaa amaadeu e gidee. Gimaadeu e tali dahi masavaa o de hagaieiangi, aagai go de mee hagamaatagu donu huu ne humai.

Jeremiah 14:3

De gau aamua gu hai olaadeu dangada hai hegau gi hulo gi asu vai; gilaadeu ne hulo gi de vai i lo te baba, aagai teai alaadeu vai ne gide. Gilaadeu ne aahe mai ma alaadeu ngadi manu vai; gilaadeu gu dookaa ma de ssenga ange, gilaadeu gu haoli olaadeu biho.

Psalm 6:3

Gu duasala mmao ogu lodo; Tagi Maolunga, dee hee maa taulooloa?

Micah 1:14

Deenei ai, koe e gaavange hanu mee ngadi gaavange gi Moresheth Gath. De aduhale go Aczib e daahanga naa denga hodooligi o Israel.

De Beebaa go Job 14:11

De masavaa e deai ai vai i lo te vai, gai ssaalingaa vai gu mmasa bagubagu ma teai vai ia,

Jeremiah 20:18

Gu aha gu doo mai ai nei au i de mommee o denga dama, gi gidee ai e au de hai hegau kona ma taemaha, ma dogu hagadogaa ina i taulooloa dogu mouli?