Jeremiah 15:10 - De Beebaa Dabu

¹⁰ Gu hagaaloha ogu dagodo, dogu dinana, mee naa koe tee haanau donu au, au se daane e hai baasi ma de hagadaumee ange de henua aagena! Au tee gaavange sseene e sui aabe gu kave sseene e sui, gai dangada alodahi e pasa baubau i de au.

Jeremiah 15:10 Referans Kwoze

Luke 6:22

E manuuia goodou noo dangada e kino i goodou, ma de vvae gee goodou ma de pasa baubau i goodou, ma de hagangadi mee goodou ma de hagamalaia goodou i hiidinga o Tama a Tangada!

Exodus 22:25

Noo koe e bale ange dahi dangada hagaau aloha i oodou magavaa, gai koe gi dee bei dagodo o tangada hagasomo sseene; koe gi dee haia gi kona de laumalie dana mee e hagao i dau sseene ne gaavange gi de ia.

Luke 2:34

Gai Simeon ne hagamanuuia gilaadeu ga hai ange gi Mary, dono dinana, “Tamaa gauligi nei gu hagababa ange gi oohaa ma de hagaahe age o dangada soa o Israel, gai se hagailonga e hai baasi ange dangada aagena i alaadeu muna,

Matthew 24:9

Dangada e gaavange naa goodou e hagaduasala ma de daa goodou ga maakau, gai dangada alodahi e kino naa i goodou i hiidinga o dogu ingoo.

Matthew 5:44

Aagai au e hai adu gi goodou, aaloha ange gi oodou hagadaumee, gai dalodalo i gilaadeu e vaivai haia goodou,

Jeremiah 15:20

Au e hai naa goe gi bei de bae makaga ange gi de huaadangada nei, gai se bae bronze makaga; gilaadeu e hebagi adu naa gi de goe aagai gilaadeu e dee maua gi kii i de goe, go hiidinga au madali goe e buibui ma de hagaola goe, go Tagi Maolunga e hagadaba.

Proverbs 26:2

De hagamalaia gai teai hiidinga e dee duu adu naa donu gi de goe, bei de sparrow e ngadi gabagaba laa, aabe go de swallow e ngadi lele saele laa.

Psalm 109:28

Gilaadeu gi hagamalaia ina au, aagai koe ga hagamanuuia ai au; gilaadeu e hebagi mai gi de au gi dee kii; aagai au, doo dangada hai hegau gi malangilangi.

Psalm 15:5

tangada e balea ange dangada i ana sseene, gai e dee kave dahi mee laa honga de mee aana ne gaavange e hagabaubau ai tangada tigi haisala. Tangada e haia de hegau nei e dee dai ngalungalue donu.

1 Kings 22:8

Gai de hodooligi o Israel ne hai ange gi Jehoshaphat, “E dahi ange daane adaau e maua i de hai ia gi saalaa gi iloo lodo o Tagi Maolunga, dono ingoo go Micaiah, tama daane a Imlah; aagai au e kino i de ia, go hiidinga ia e dee haihai donu ga tala mai dahi mee danuaa gi de au, go mee baubau donu huu.” Gai Jehoshaphat ne hai ange, “E dee danuaa donu de tala a de hodooligi hanu muna bee naa.”

1 Kings 21:20

Ahab ne hai ange gi Elijah, “Dogu hagadaumee, koe gu gidee ange naa hogi au?” Elijah ne hai ange, “Au gu gidee goe, go hiidinga koe gu lava i de hagao ange goe gi de baubau i mada luu mada o Tagi Maolunga.

Leviticus 25:36

Aude gaavee dahi mee laa honga mee aau ne gaavange gi dahi dangada; aagai koe gi madagu i de Maadua, gi maua ai e tangada laa i de noho madali goe.

Acts 28:22

Aagai gimaadeu e llodo e hagallongo au hagasaele. Go hiidinga gimaadeu gu iloo bolo gu soa dangada i mommee alodahi e hagabaubau ina de hagabuulinga naa.”

Leviticus 25:37

Aude gaavange sseene gi tangada e kave ai dahi sseene laa honga mee aau ne gaavange gi de ia, aabe gi hagao ina ange gi de ia, gai e kave ai dahi sseene laa honga mee aau ne bale ange ai ia.

Psalm 69:4

Gilaadeu e kino i de au, gai e deai donu hiidinga, e lagolago ange i ngaangaaulu o dogu biho; ogu hagadaumee e hadu muna i de au, gai e soa gilaadeu e hagatale de daa au gi magau. Gai gilaadeu e hai au gi hagaahe ange mee aagu tee gaiaa.

Habakkuk 1:3

Gu aha gu hai ai naa goe gi gidee e au hegau baubau? Gu aha gu noho ai naa donu huu goe e tilo denga hegau dee heohi? Au e gidee de oha ma de vaivai haia o dangada i masavaa alodahi; dangada gu hagadau hebagi ma de hagadaumee.