Jeremiah 14:21 - De Beebaa Dabu

²¹ Koe gi dee kino i gimaadeu, i hiidinga doo ingoo; koe gi dee hagangadi mee ina doo nohoanga mahamaha. Manadua dau hagatoo donu hagaheloongoi mai gi gimaadeu gai koe gi dee oohaa ina.

Jeremiah 14:21 Referans Kwoze

Jeremiah 14:7

Tagi Maolunga, omaadeu baubau gu hagahaisala gimaadeu, aagai koe balea mai i hiidinga o doo ingoo. Gu kona mmao tee modu demaadeu aahe dua; gimaadeu gu haisala adu donu gi de goe.

Psalm 106:45

Gai ia ne manadua dana hagatoo donu hagaheloongoi, ga sui dana maanadu ga abodonu ange gi gilaadeu.

Jeremiah 3:17

De masavaa laa gai Jerusalem e hagaingoo ange naa go de Nohoanga o Tagi Maolunga, gai denga huaahenua alodahi e hagabuni mai naa gi Jerusalem i mada luu mada o Tagi Maolunga. Gilaadeu gu dee aahe ange e hai de baubau ma de hagamakaga olaadeu lodo.

Jeremiah 17:12

De nohoanga mahamaha, se mommee hagaamua mai i taamada age, go taadeu mommee daumaha dabu.

Revelation 11:2

Gai koe aude haidea lo te buibui laa daha o de temple; dugua donu huu, go hiidinga gu dugu ange gi denga huaahenua, gai gilaadeu e hagadee kii naa ga kave de aduhale dabu laa i e madahaa ma lua malama.

Ephesians 2:7

gai ia ga hagaago mai ai dono abodonu laumalie ma dono degi mai gi gidaadeu i lodo o Klisdo Iesu i de masavaa e humai.

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Luke 1:72

ma de hagasula dono lodo aloha gu hagatoo donu ange laa gi odaadeu dubuna madagidagi, aama de hagamaanadu dana hagatoo donu hagaheloongoi dabu,

Amos 6:8

De Ia Aamua go Iahweh gu hagatoo donu i dono ingoo, go Tagi Maolunga, de Maadua o denga hagabuulinga hebagi e hagadaba: “Au e kino i de hagamaolunga o Jacob, ma ono mommee buibui makaga; gai au e dugu ange naa de aduhale ma mee alodahi iai gi olaadeu hagadaumee.”

Daniel 9:7

Dogu Ia Aamua, koe e heohi, aagai anailaa nei gimaadeu gu dookaa — go gimaadeu dangada o Judah, ma dangada e nnoho i Jerusalem, aama Israel alodahi, i mommee paa mai ma mommee mmao, i henua alodahi aau gu hai gimaadeu gi mavaevae saele aagena, i hiidinga gimaadeu tee hai hegau adu gi de goe i de mee abodonu.

Ezekiel 43:7

Ia ne hai mai, “Tama a tangada, deenei de mommee iai dogu nohoanga, ma de mommee e dugu ange aagena luoogu vae. Deenei dogu mommee e noho ai madali de gau Israel ga hano ai. Gai de gau Israel ma olaadeu hodooligi gu dee aahe ange e hagangadi mee dogu ingoo dabu, i delaadeu daumaha ange gi olaadeu diinonga, ma de danu olaadeu hodooligi i olaadeu mommee daumaha.

Ezekiel 39:25

Deenei ai, e hagadaba de Ia Aamua go Iahweh: Au e hagaahe ange naa de manuuia o de huaadangada o Jacob, ma de lodo aloha ange gi de huaadangada o Israel, gai au e lodo gaiaa naa i hiidinga o dogu ingoo dabu.

Ezekiel 24:21

‘Hai ange gi de gau Israel: E hagadaba de Ia Aamua go Iahweh: Tilo, au e hai naa gi hakino gee dogu mommee dabu, go de hale buibui makaga oodou e tuhi naa, ma de llodo ai mmao, aama de malangilangi ai, gai oodou dama daane ma damaa hine e doe e daia naa ga maakau i de gadilaasa.

Lamentations 2:20

Tagi Maolunga, galo ange diiloo! Goai ange aau gu hai ange mee nei aagena? E heohi nei de gai a denga haahine alaadeu dama ne haanau, go alaadeu dama nogo tilo danuaa ange? E heohi nei de daa gi maakau o de gau haimeedabu ma denga pelaabisi i lo te mommee dabu o de Ia Aamua?

Lamentations 1:10

De hagadaumee gu hagabudu ono goloa hagamogomogo alodahi. Gai ia ne gidee denga huaahenua gu ulu i dono mommee dabu — go dangada aau tee dugu ange gi ulu madali doo hagabuulingaa dangada.

Jeremiah 14:19

E aha, koe gu tili naa donu Judah? Koe gu kino naa donu i Zion? Gu aha goe gu hagailiili ai naa gimaadeu gai omaadeu maanuga gu dee maua gi mmahu? Gimaadeu e ssala de nnoho paba, aagai teai donu se danuaa amaadeu e gidee. Gimaadeu e tali dahi masavaa o de hagaieiangi, aagai go de mee hagamaatagu donu huu ne humai.

Psalm 106:40

Deelaa ai, Tagi Maolunga gu lili i ono dangada, ma de kino i dangada o dono boolonga.

Psalm 51:11

Koe gi dee aaua gee au i mada luoo mada, aabe gi gaavee gee doo Hagasaalunga Dabu mai i ogu daha.

Deuteronomy 32:19

Tagi Maolunga gu kino i gilaadeu i dana gide mee nei, i hiidinga ana dama daane ma damaa hine gu hai ia gi lili.

Leviticus 26:11

Gai au e hai naa dogu mommee noho i oodou magavaa, au gu dee kino i goodou.

Exodus 32:13

Manadua Abraham, ma Isaac, aama Israel, oo dangada hai hegau. Koe ne hagatoo donu ange gi gilaadeu i doo ingoo donu, ga hai ange gi gilaadeu, ‘Au e hai naa oodou aamuli gi soa bei de lagolago o denga heduu i lo te langi, gai au e gaavange naa gi oodou aamuli de henua aagu gu hagatoo donu adu gi gilaadeu gi henua ai ga hano ai.’ ”

1 Samuel 12:22

Gai Tagi Maolunga e dee tili naa donu ono dangada, i hiidinga o dono ingoo maolunga, gai go hiidinga Tagi Maolunga e malangilangi i de hai goodou go ono dangada.

Psalm 25:11

Tagi Maolunga, go hiidinga doo ingoo, degi mai gi ogu baubau, gai e lagolago mmao.

Psalm 145:11

Gilaadeu e tala naa dagodo de mahamaha o doo nohoanga hodooligi, aama dagodo o doo sauaa,

Isaiah 62:6

Jerusalem, au gu dugu denga daane dagitilo i honga doo buibui; gai gilaadeu e dee hagapuni naa donu olaadeu ngudu i de laangi ma boo. Goodou e dalodalo ange laa gi Tagi Maolunga, goodou aude damaa hagammabu donu,

Ezekiel 20:22

Aagai au tee hai mee nei i hiidinga dogu ingoo, gi dee hagangadi mee ina ai au i daho denga huaahenua, go gilaadeu ne gidee dagu hagassao mai gilaadeu.