Jeremiah 14:19 - De Beebaa Dabu

¹⁹ E aha, koe gu tili naa donu Judah? Koe gu kino naa donu i Zion? Gu aha goe gu hagailiili ai naa gimaadeu gai omaadeu maanuga gu dee maua gi mmahu? Gimaadeu e ssala de nnoho paba, aagai teai donu se danuaa amaadeu e gidee. Gimaadeu e tali dahi masavaa o de hagaieiangi, aagai go de mee hagamaatagu donu huu ne humai.

Jeremiah 14:19 Referans Kwoze

Lamentations 5:22

aabe koe gu tili naa donu gimaadeu, ma de kona donu doo lili i gimaadeu.

Jeremiah 8:15

Gidaadeu ne tali delaadeu nnoho paba, aagai teai donu se mee danuaa ne humai; gidaadeu ne tali dahi masavaa o de hagaieiangi, aagai go de mee hagamaatagu donu huu ne humai.

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.

Jeremiah 6:30

Gilaadeu gu hagaingoo ange bolo ni selevaa gu tili, i hiidinga Tagi Maolunga gu tili gilaadeu.”

Jeremiah 30:13

Gai e deai se dangada e dangidangi i oo hiidinga, e deai hogi valaai e hai ai gi mahu doo maanuga, gai koe e dee maua donu gi ieiangi.

Jeremiah 15:18

Gu aha gu dee maua ai nei gi ui dogu mmae, gai ogu maanuga gu kona mmao, gu dee maua gi mmahu? Koe gu bei dahi ngadi saalingaa vai, ma de vai gu dee sali laa.

Jeremiah 12:8

Dogu boolonga gu bei dagodo o de laiono i lodo henua. Ia e goo mai gi de au; deenei ai, au gu kino ai.

Psalm 78:59

Gai ga langona huu e de Maadua, gai ia gu bole mmao, gai ia ga tili Israel.

De Beebaa go Job 30:26

Gai dagu masavaa ne tali ai tanuaa, aagai go de baubau aagu ne gidee; de masavaa aagu ne tali ai de maalama, aagai go de gohu ne humai.

Lamentations 4:17

Gimaadeu gu daalea i de tali, i teai donu se bale e humai; gimaadeu ne dagitilo mai i omaadeu hale hagaloosi maolunga be e dahi laa huaahenua e maua i de hagaola gimaadeu.

Lamentations 2:13

Tamaa hine o Jerusalem, dee hee dagu hai e tala ai oo dagodo? Gai se aha aagu e hagadagodo ange goe aagena? Tamaa hine o Zion, se aha aagu e hagadulagi ange goe aagena, gai au ga hagaaneane ai goe? Doo maanuga gu gelo bei dagodo o tai; gai goai naa e maua i de hagaieiangi goe?

Jeremiah 15:1

Gai Tagi Maolunga ne hai mai gi de au, “E dee galemu naa donu de tuu o Moses ma Samuel i ogu mada i mua, gai au e dee anga ange naa donu gi de huaadangada nei. Haia gilaadeu gi hulo gee mai i ogu daha! Gilaadeu gi hulo donu!

Jeremiah 8:22

E aha, gu deai laa valaai i Gilead? Gai e deai laa se dangada hai magi i kilaa? Gai gu aha gu deai ai se ia e hagaieiangi ina maanuga o ogu dangada?

Jeremiah 7:29

Duudia oo ngaangaaulu ma gi dilia, gai noho dangi i honga denga duuduu malaelae, go hiidinga Tagi Maolunga gu kino ma de tili de atangada nei i dono lili.

Psalm 89:38

Aagai koe gu tili ma de kino i gimaadeu, koe gu lili i de ia aau gu hagadabu i de lolo.

2 Chronicles 36:16

Aagai dangada ne hagadookaa dangada e daalaa muna a de Maadua, ma de hagangadi mee ana muna, ga hakadanga i ono pelaabisi, ga dae ai gi de dae mai de lili o Tagi Maolunga gi ono dangada, gai gu dee maua i de hagaieiangi gilaadeu.

Jeremiah 12:7

Au gu tili dogu hale; au gu tili de huaahenua o dogu boolonga; au e dugu ange naa de ia oogu e aloha ai gi ono hagadaumee.

Micah 1:12

Dangada e nnoho i Maroth e tali delaadeu bale danuaa, go hiidinga de hagaduasala gu humai i daho Tagi Maolunga gai gu dae mai donu gi de haitoga o Jerusalem.

Proverbs 29:1

Be goai e hagaseegina i hanonga lagolago, gai e hagamakaga ono lodo, e daa hagalele naa donu dono lagohia — gai ia e dee ieiangi naa donu.

Jeremiah 30:12

Gai e hagadaba Tagi Maolunga: Doo maanuga e dee maua gi mahu, gai doo mee lagohia e hagammae.

Jeremiah 51:5

Gai de Maadua, go Tagi o denga hagabuulinga hebagi, tigi tili donu Israel ma Judah, e dee galemu donu delaadeu henua gu honu i de haisala i mada luu mada o de Ia Dabu o Israel.

Lamentations 2:22

Koe ne hagahi gi loomai denga mee hagamaatagu bei dau ssala ange dangada gi taonga; gai e deai naa donu se dangada e maua gi ola aabe e mouli i de laangi o Tagi Maolunga e bole ai. Gilaadeu aagu ne haanau ma de haele gu lava i de daa a ogu hagadaumee ma gu maakau.