Jeremiah 14:14 - De Beebaa Dabu

¹⁴ Gai Tagi Maolunga ne hai mai gi de au, “Denga pelaabisi e pasa pelaabisi naa i dogu ingoo, ni daane hadu muna. Gai e dee go au donu ne haia gilaadeu gi loadu, au tee hili hogi gilaadeu, aabe gu basa ange gi gilaadeu. Gilaadeu e tala adu gi goodou hanu midi hhadu, ma de tala mee e loomai e deai haigamaiana, gai e daahanga donu huu gilaadeu.

Jeremiah 14:14 Referans Kwoze

Ezekiel 12:24

Gai e deai ange naa donu midi hagaago ange hadu muna aabe ni muna e daahangadia de gau Israel.

Jeremiah 29:31

“Alumia hai ange gi dangada alodahi ne gaavee gi Babylon, ‘E hagadaba Tagi Maolunga i dagodo o Shemaiah taane Nehelam: Go hiidinga Shemaiah ne basa pelaabisi adu gi goodou, gai e dee go au ne haia ia gi hanadu, gai ia gu hai goodou gi hagadonusia ana muna hhadu,

Lamentations 2:14

Oo pelaabisi ne gidee denga midi hagaago ange hadu muna ga daahanga ai dangada; gilaadeu tee hagaago adu oo baubau gi hagaahea mai ai goe gi de henua, aagai gilaadeu ne hagassenga goe i denga muna pelaabisi ga dagi gee ai goe.

Micah 3:11

Dagi o Jerusalem e hagamodu muna e kave ai denga ngadi gaavange hagasenga, de gau haimeedabu e agoago e kave ai dahi hagaoanga, gai denga pelaabisi e tala mee tigi loomai e kave ai denga sseene. Aagai gilaadeu e hagataba bolo delaadeu tali go Tagi Maolunga, “E aha, Tagi Maolunga e dee noho nei i odaadeu daha? E deai naa donu se hai ngadaa e baa i gidaadeu.”

Jeremiah 5:31

denga pelaabisi e hadu muna i delaadeu pasa pelaabisi, gai de gau haimeedabu e dagi i olaadeu sauaa donu huu; gai ogu dangada e malangilangi donu i mee nei! Aagai ni aha naa oodou ga hai i dua mee nei?

Ezekiel 21:29

Gilaadeu e hai denga midi hhadu i oo dagodo, ma de tala oo dagodo i mee e loomai i de hadu muna, ma de hagauda ange goe gi honga eu o de gau baubau gu dai daa laa gi maakau, gai delaadeu laangi e hagaduasala ai gu dae mai donu.

1 Timothy 4:2

Gai agoago nei e loomai i daho de gau hadu muna, go gilaadeu gu maaga tagi i olaadeu lodo i de baalanga ula.

Zechariah 13:3

Gai noo dahi dangada e basa pelaabisi, gai luoono maadua ne hagadili ina ia gi hai ange, ‘E heohi donu doo daa gi magau, go hiidinga koe gu hadu muna i de ingoo o Tagi Maolunga.’ Gai de masavaa naa huu oona e basa pelaabisi ai, gai luoono maadua donu e velo naa ia ga magau.

Zechariah 10:2

Denga diinonga e dee tala de muna abodonu, de gau e daalaa mee e loomai e hadu muna; gilaadeu e tala denga midi dee heohi, alaadeu muna hagaaneane e deai haigamaiana. Deelaa ai, dangada gu ssenga saele bei denga ssiibi; gilaadeu gu duasala i hiidinga gu deai selaadeu hagaloosi.

Ezekiel 13:23

Deenei ai, goodou e dee aahe ange naa donu e hai hanu midi hhadu, aabe daahanga dangada i doodou tala mee tigi loomai. Gai au e hagaola naa ogu dangada mai i oodou sauaa. Gai gi iloo ai e goodou bolo go au donu go Iahweh.’ ”

Jeremiah 37:19

I hee iai oodou pelaabisi e pasa pelaabisi laa ma e hai adu, ‘De hodooligi o Babylon e dee humai naa donu e hebagi adu gi goodou aabe go de henua nei’?

Jeremiah 29:21

E hagadaba Tagi o denga hagabuulinga hebagi, de Maadua o Israel i dagodo o Ahab, tama daane a Kolaiah, ma Zedekiah tama daane a Maaseiah, go luu daane ne hadu muna adu gi goodou i delaau pasa pelaabisi i dogu ingoo: Tilo, au e dugu ange naa gilaau gi Nebuchadnezzar, de hodooligi o Babylon, gai ia e daa naa gilaau gi maakau i oodou mada i mua.

Jeremiah 28:15

Gai de pelaabisi go Jeremiah ga hai ange gi de pelaabisi go Hananiah, “Hananiah, e dee go Tagi Maolunga donu ne haia goe gi humai, gai koe gu hai dangada gi hagadonusia hanu muna hhadu.

Jeremiah 28:13

“Hannoo daalaa ange gi Hananiah, hai ange: E hagadaba Tagi Maolunga: Koe ne hhadi dahi mee hagahai hegau e hai i laagau, aagai koe e hagauda naa dahi mee hagahai hegau e hai i baalanga.

Isaiah 9:15

denga daane maatua ma de gau aamua go de biho, gai denga pelaabisi e agoagona laa denga muna hhadu go ssugi.

1 John 4:1

Ogu soa hagamogomogo, goodou gi dee hagadonusia denga hagasaalunga alodahi, gai hagataalea denga hagasaalunga ga tilo be gilaadeu ni mee mai i daho de Maadua, go hiidinga gu soa pelaabisi hadu muna gu hulo saele i henua i lalo.

Deuteronomy 18:20

Gai tangada e basa pelaabisi ga tala hanu muna i dogu ingoo, gai e dee go au ne daalaa ange muna laa gi de ia, aabe ia e basa pelaabisi i de ingoo o hanu diinonga gee, gai de pelaabisi laa e daa donu gi magau.”

Isaiah 56:10

Denga daane dagitilo o Israel e dee kide, gilaadeu alodahi e deai donu olaadeu iloo mee; gilaadeu e bei denga gaaduu e dee pasa, gilaadeu dee maua i de koo; gilaadeu e daakodo ga sseni ma de midi, gilaadeu e llodo mmao e sseni.

Jeremiah 8:11

Gilaadeu e saabini maanuga o ogu dangada e dagodo be e dee ni maanuga kona. Gilaadeu e hagataba, ‘Nnoho paba, nnoho paba,’ aagai e deai ai donu se nnoho paba.

Jeremiah 20:6

Gai koe, Pashhur, ma dangada alodahi i doo hale, e gaavee naa gi dahi henua gee. Koe e hano naa gi Babylon, gai goodou alodahi e maakau naa ga danu i kilaa, go goodou ma oo soa oou ne basa pelaabisi ange gi gilaadeu i de hadu muna.’ ”

Jeremiah 28:11

Gai Hananiah ga basa i madamada o dangada alodahi, ga hai ange, “E hagadaba Tagi Maolunga: Deenei hogi dagu hai e hhadi ai de laagau hagahai hegau a Nebuchadnezzar, de hodooligi o Babylon i honga eu o denga huaahenua alodahi i dua e lua ngadau.” Gai de pelaabisi go Jeremiah ga hano ai loo.

Lamentations 2:9

Haitoga o de aduhale gu baakuu gi honga de gelegele; gai olaadeu laagau hagamakaga gu hadihadi ma de maoha. De hodooligi ma denga dagi o de henua gu gaavee gi denga huaahenua; gai gu deai donu hainga, gu deai hogi midi e hagaago ange gi denga pelaabisi mai i daho Tagi Maolunga.

Jeremiah 8:10

Deenei ai, au e gaavange naa olaadeu bodu gi hanu daane gee, gai olaadeu alahenua e gaavange naa gi olaadeu hagadaumee. Mai i tangada maolalo ga dae ai gi tangada maolunga, gilaadeu alodahi gu nnoo hagamau mee; denga pelaabisi ma de gau haimeedabu gu se dagodo daudahi donu, gilaadeu alodahi e hegau i de hagasenga.

Ezekiel 13:2

“Tama a tangada, basa pelaabisi hai baasi ange gi denga pelaabisi o Israel e pasa pelaabisi laa iainei. Gai hai ange gi gilaadeu e pasa pelaabisi laa donu huu i alaadeu maanadu: ‘Goodou hagalaangona muna a Tagi Maolunga!