Jeremiah 12:3 - De Beebaa Dabu

³ Tagi Maolunga, koe e iloo ogu dagodo; koe e gidee ogu dagodo ma de hagatale dagodo o ogu lodo adu gi de goe. Daagina gilaadeu gaavee bei denga ssiibi e kave laa e daa gi maakau, gai vaae gilaadeu e hagadabena ange gi de laangi o de daa gi maakau!

Jeremiah 12:3 Referans Kwoze

Jeremiah 17:18

Haia gi dookaa dangada e vaivai haia nei au, aagai haia gi deai sogu hagadogaa ina; haia gi manavasaa olaadeu lodo, aagai haia gi dee manavasaa ogu lodo. Haia gi dae mai de hai ngadaa gi gilaadeu, gai haia gi lua hano e kona ai dau hagaduasala gilaadeu!

2 Kings 20:3

“Tagi Maolunga, au e dangidangi adu koe gi manadua bolo au ne hai hegau adu gi de goe i de muna abodonu i ogu lodo alodahi, ma de hai hegau i de heohi i mada luoo mada.” Gai Hezekiah ne kona mmao dono dangi.

James 5:5

Goodou ne duadonu ma de hagamalangilangi donu huu goodou i doodou nnoho i henua i lalo. Goodou gu hai gi pedi goodou bei dagodo o manu gu paba ange e daa gi maakau i de laangi laa.

Psalm 17:3

Koe gu hagatale dagodo o ogu lodo, gai ga hagataalea naa donu e goe ogu dagodo i de boo, gai koe e dee gidee dahi mee daudahi; au gu hagatau bolo au e dee haisala donu i agu muna e tala.

Jeremiah 50:27

Daia gi maakau ana kaau alodahi; haia gilaadeu gi loiho gi de mommee e daa ai manu. E vakaa naa gilaadeu! Go hiidinga gu dae mai delaadeu masavaa, go de laangi olaadeu e hagaduasala ai.

Psalm 139:23

De Maadua, koe diiloo gi iloo ogu dagodo ma ogu lodo; hagataalea ogu dagodo gi iloo ai dagodo o agu maanadu.

Psalm 26:1

Tagi Maolunga, koe gi daalaa bolo au e heohi, go hiidinga au e seesee i de heohi; au e hagadonu Tagi Maolunga, au e dee lua lodo donu.

John 21:17

Ia ne ssili ange hogi gi Peter i tolu hanonga, “Simon, tama daane a John, koe e aloha i de au?” Gai Peter gu daemaha ono lodo, i hiidinga gu dolu hanonga aana ne ssili ange ai gi de ia, “Koe e aloha i de au?” Gai ia ga hai ange gi de ia, “Tagi Maolunga, koe e iloo mee alodahi; koe e iloo bolo au e aloha i de goe.” Iesu ne hai ange gi de ia, “Diiloo haangai ina ange agu ssiibi.

Jeremiah 51:4

Gilaadeu e daa naa ga maakau i de henua o de gau Babylon, aama de lagolagohia ga maakau i honga ono haiava.

Jeremiah 48:15

Gai Moab gu oha ma gu maoha, ono aduhale gu kage mai aagena denga daane hebagi, gai ono dama daane mmahi e daia naa ga maakau, go de Hodooligi e hagadaba, gai dono ingoo go Tagi o denga hagabuulinga hebagi.

Jeremiah 20:12

Tagi o denga hagabuulinga hebagi, koe e hagatale dagodo olaadeu e heohi, koe e tilo dagodo lodo aama maanadu a dangada, haia gi gidee e au dau sui ange alaadeu hegau baubau, go hiidinga au gu dugu adu goe gi hagamodu ina ogu dagodo.

Psalm 11:5

Tagi Maolunga e tilo dagodo o dangada heohi, aagai ia e kino i de gau baubau, ma gilaadeu e vaivai haia dangada.

Psalm 7:9

De Maadua heohi, go de ia e iloo dagodo lodo ma maanadu a dangada, haia gi dee ssula hegau a tangada baubau, gai hagassula ina hegau a tangada heohi.

De Beebaa go Job 23:10

Aagai ia e iloo dogu haiava e hano ai; ga lava naa huu dana hagatale au, gai au gu gilimalali bei dagodo o denga goolo mai i lo te ahi.

1 Chronicles 29:17

Dogu Maadua, au e iloo bolo koe e tilo dagodo o de lodo, gai koe e malangilangi i de lodo e hai hegau i de heohi. Au ne malangilangi donu i de ngadi gaavadu mee nei i de lodo se muna abodonu, gai au gu gidee hogi bolo oo dangada gu hagabuni nei i kinei anailaa nei, ne malangilangi hogi i de ngadi gaavadu gi de goe.

2 Peter 2:12

Aagai de gau bee nei e bei dagodo o denga manu alasala, e dee maua i de hagasaele dahi mee, gai ne haanau mai e daa gi maakau; gilaadeu e pasa hagangadi mee i mee olaadeu e dee tonu ange aagena, gai e daa naa donu gi maakau bei olaadeu dagodo.

Jeremiah 15:15

Tagi Maolunga, koe e iloo mee alodahi, manadua mai au ma de bale mai au, suuia ange hegau a dangada ne hagaduasala ina dogu mouli. Koe e golomagi mmao oo lodo — koe gi dee gaavee gee au; manadua dogu hagangadi mee ina i hiidinga o doo ingoo.

Jeremiah 17:16

Au tee savini donu ga hano gee i hegau a tangada hagaloosi; koe e iloo bolo au tee lodo hogi gi humai de laangi hai ngadaa. Koe e iloo agu muna gu tala gai e daakodo donu i mada luoo mada.