Jeremiah 11:21 - De Beebaa Dabu

²¹ “Deenei ai, e hagadaba Tagi Maolunga i dagodo o denga daane o Anathoth, go dangada e saalaa goe e daa gi magau ma de hai adu, ‘Aude basa pelaabisi i de ingoo o Tagi Maolunga, gimaadeu kana daa goe gi magau’ —

Jeremiah 11:21 Referans Kwoze

Amos 2:12

Aagai goodou ne hai denga Nazirite gi unumia uvaini, ma de tala ange gi denga pelaabisi, ga hai ange, ‘Goodou aude pasa pelaabisi.’

Jeremiah 20:10

Au e langona dangada soa e hagadau musumusu, De mee hagamaatagu gu i mommee alodahi! “Gaavange ia! Gaavange ia gi de hainga!” Ogu soa alodahi e dagitilo de masavaa oogu e haisala ai, gai gilaadeu ga hagataba, “Kana adu ia e hagasengalia naa; gai gidaadeu ga hagadee kii ia ma de sui ange ana mee ne hai.”

Isaiah 30:10

Gilaadeu e hai ange gi dangada e gidee mee tigi loomai, “Goodou e dee hai gi gidee e goodou denga midi hagaago ange!” gai e hai ange gi denga pelaabisi, “Goodou aude pasa pelaabisi mai gi gimaadeu i de heohi! Aagai daalaa donu huu amaadeu e llodo e hagallongo, go muna pelaabisi e dee ni muna abodonu.

Luke 4:24

Gai ia ga hai ange, “Ni muna abodonu aagu e hai adu nei gi goodou, e deai donu se pelaabisi e hagadubu ina i dono henua donu.

Matthew 22:6

gai gilaadeu ange laa ne booboo ono dangada hai hegau ga vaivai hai, ma de daa gilaadeu ga maakau.

Matthew 21:35

Aagai de gau laa ga poo ono dangada hai hegau ga hagailiili dahi, gai ga daa dahi gu magau, gai ne maga dahi i denga hadu.

Matthew 10:21

Dahi dangada e gaavange naa dono daina daane e daa gi magau, gai tamana e gaavange naa dana dama. Denga dama e hai baasi ange naa gi olaadeu maadua ga daa gilaadeu gu maakau.

Micah 7:6

Tama daane e hagangadi mee dono damana, tamaa hine e hai baasi ange gi dono dinana, ssaulaba e hai baasi ange gi dono maa; gai hagadaumee o tangada go dangada donu i dono hale.

Jeremiah 26:8

Aagai de masavaa huu a Jeremiah ne tala ai ga odi muna alodahi a Tagi Maolunga ne tala ange, ia gi daalaa ange gi dangada alodahi, gai de gau haimeedabu ma denga pelaabisi ma dangada alodahi i kilaa ga poo ia, ga hai ange, “Koe e daa donu gi magau!

Jeremiah 1:1

Muna a Jeremiah, tama daane a Hilkiah, dahi dangada haimeedabu i Anathoth i de vaaenga o Benjamin.

Jeremiah 32:7

Tilo, Hanamel tama a Shallum, taina daane o doo damana, e humai naa ga hai adu, ‘Hagao ina dogu alahenua i Anathoth, i hiidinga go koe hugadoo dogu dangada e baa mai gi de au, gai niiau donu de hegau nei ma ssauaa e hagao ai.’

Jeremiah 34:20

au e dugu ange naa gi olaadeu hagadaumee e saalaa gilaadeu e daa gi maakau. Olaadeu angaanga e gaavange gi denga manu llele aama manu dolodolo gi gaina.

Jeremiah 1:19

Gilaadeu e hebagi adu naa gi de goe, aagai gilaadeu e dee kii naa donu, go hiidinga au madali goe ma de hagaola goe,” go Tagi Maolunga e hagadaba.