Jeremiah 10:20 - De Beebaa Dabu

²⁰ Dogu hale malo gu maoha, ono daula gu modumodu. Agu dama gu hulo gee mai i ogu daha, gilaadeu gu dee maaleva; gai gu deai donu se dangada e doe e hagaduulia age dogu hale malo aabe go de dau age dogu buibui.

Jeremiah 10:20 Referans Kwoze

Jeremiah 4:20

Gu lagolago mmao mee ne oha ga maoha, de henua alodahi gu maoha ma gu ngadi dagodo ai. Gai ne daa hagalele donu de maoha ogu hale malo, ma malo e buibui ai luu baasi.

Jeremiah 31:15

E hagadaba Tagi Maolunga: “Dangada e langona de leo o dahi i Ramah, e dangi ma de dangi see. Rachel e dangi i hiidinga o ana dama; ia tee lodo gi hagaaneane ina ono lodo, i hiidinga ana dama gu odi i de maakau.”

Isaiah 54:2

Hagalaumalie ina de mommee o doo hale malo, gai doohaa gi madoha malo buibui o doo hale, aude daohia mai, gai hagatolo ina gi daha oo daula, ma de hagatuu gi makaga oo laagau hagamakaga.

Lamentations 1:5

Dangada e kino i Zion gu ni dagi i kilaa, ono hagadaumee gu nnoho paba. Tagi Maolunga gu hagaduasala Zion, i hiidinga ono haisala gu lagolago mmao. Ana dama gu gaavee gee mai i de henua, gai gu hai gi seesee i mada i mua o olaadeu hagadaumee.

Isaiah 51:16

Au gu hhao agu muna gi lo too ngudu, ma de haoli goe i de malu o dogu lima; go au donu ne hagaduulia de langi, ma henua i lalo i olaau mommee, go au ne hagadagodo denga dagelo o henua i lalo, gai go au ne hai ange gi Zion, ‘Go goodou ogu dangada.’ ”

Proverbs 12:7

De gau baubau e hagadee kii ina naa donu ma de llilo, aagai de huaabodu o olaadeu e heohi e duudagi naa donu huu.

De Beebaa go Job 7:8

Koe e gidee au iainei, gai e dee daulooloa naa donu. Koe e gidee naa au, gai au gu magau.

Isaiah 51:18

Gai gu deai dangada e dagina ia i magavaa o ana dama ne haanau; aabe go dahi gilaadeu aana ne haele e boogia dono lima ga dagi ai ia.

Micah 2:9

Goodou e alualu denga haahine o ogu dangada mai i olaadeu hale danuaa. Goodou gu kave gee agu manuuia mai i daho alaadeu dama ga hano ai.

Jeremiah 30:17

Aagai au e hagaieiangi naa goe, ma de hai gi mmahu oo maanuga, go Tagi Maolunga e hagadaba, go hiidinga koe ne hagaingoo ange bolo se ia e kino ai dangada, ma Zion e deai laa dangada e anga ange aagena.