Jeremiah 10:16 - De Beebaa Dabu

¹⁶ Gai e dee aanei dagodo o de ia e hagabinga laa go Tuuhanga o Jacob; go hiidinga go ia ne haia mee alodahi, gai ia hogi ne haia Israel, de aamuli o dono boolonga; dono ingoo go Iahweh o denga hagabuulinga hebagi.

Jeremiah 10:16 Referans Kwoze

Deuteronomy 32:9

Gai tiba a Tagi Maolunga go dono huaadangada, Jacob go de vaaenga ne bolo ange gi de ia.

Jeremiah 32:18

Koe e lodo aloha ange gi dangada soa, aagai koe e hagao ange baubau o denga damana, gi alaadeu dama e loomai i olaadeu dua. Go koe de Maadua maolunga ma de mmahi, gai doo ingoo go Iahweh o denga hagabuulinga hebagi;

Jeremiah 31:35

E hagadaba Tagi Maolunga, go de ia ne haia de laa gi hagamaalama ina de laangi, go de ia ne hagatau ina huulonga o de maasina ma denga heduu gi hagamaalama ina ai de boo, gai go de ia e hagangalungalue ina tai gai ono beau gu haganguu — dono ingoo go Tagi o denga hagabuulinga hebagi:

Jeremiah 51:19

Gai e dee deenei tagodo o de ia e hagabinga laa go Tuuhanga o Jacob; gai go ia ne haia mee alodahi, aama Israel de aamuli o dono boolonga — dono ingoo go Iahweh o denga hagabuulinga hebagi.

Jeremiah 10:12

Go ia ne haia henua i lalo i ono mahi, ma de hagaduu henua i lalo i dono heiangi, ma de hhola de langi i hiidinga dono donu ange.

Psalm 119:57

Go Tagi Maolunga dogu duuhanga; au gu hagatoo donu bolo au e daohi au muna.

Psalm 74:2

Manadua doo huaadangada aau ne hagao madagidagi, go de aamuli aau ne hagaola e hai ai oo dangada, de mounga go Zion, go doo mommee e noho ai.

Lamentations 3:24

Au e hagadaba, “Go Tagi Maolunga dogu duuhanga; deenei ai, go ia dagu tali.”

Psalm 135:4

Tagi Maolunga gu hili Jacob gi se dangada niiona, gai ne hai Israel go dono huaadangada hagamogomogo.

Jeremiah 50:34

Aagai de ia e hagaola ina gilaadeu e mmahi mmao; dono ingoo go Tagi o denga hagabuulinga hebagi. Ia e bale ange naa donu gilaadeu, gai ia ga hai ai gi nnoho paba delaadeu henua, aagai e hai naa gi dee nnoho paba dangada e nnoho i Babylon.

Isaiah 45:7

Au ne hagaholi de maalama ma de hagadau de gohu; go au e haia de nnoho paba ma de hai ngadaa; go au go Iahweh, ne haia mee nei alodahi.

Psalm 73:26

Dogu angaanga ma ogu lodo e baageaa naa, aagai go de Maadua e hagammahi ina ogu lodo, go ia dogu duuhanga ga hano ai.

Exodus 19:5

Gai noo goodou e hagallongo mai gi agu muna ma de daudali i dagu hagatoo donu hagaheloongoi, gai au e hili naa goodou mai i magavaa o denga huaahenua alodahi, e hai ai dogu huaadangada hagamogomogo. Niiogu henua i lalo alodahi,

Isaiah 54:5

Go hiidinga doo bodu go ia ne haia goe, dono ingoo go Tagi o denga hagabuulinga hebagi; gai de Ia Dabu o Israel go doo Ia Hagaola, ia e hagaingoo ange go de Maadua o henua i lalo alodahi.

Isaiah 51:15

Go au donu go Iahweh doodou Maadua, go au ne saugalo ina lo te moana ga hai gi beabeau; dogu ingoo go Iahweh o denga hagabuulinga hebagi.

Isaiah 47:6

Au ne lili i ogu dangada, ga hai gi dee se mee dabu dogu boolonga; au ne dugu adu goe gi hagadee kii ina gilaadeu, gai koe tee lodo aloha ange gi gilaadeu. Koe ne hagahai hegau kona donu hogi de gau madumaatua.

Isaiah 47:4

Demaadeu Ia Hagaola, dono ingoo go Tagi o denga hagabuulinga hebagi, gai go de Ia Dabu o Israel.

Proverbs 16:4

Tagi Maolunga e hagahai hegau mee alodahi gi bei dana hagatau; ia e hagadabena ange donu hogi tangada baubau gi de laangi o de hagaduasala.

Psalm 142:5

Tagi Maolunga, au e dangi adu gi de goe; au e hai adu, “Go koe donu dogu buibui, ma dogu duuhanga i dogu mouli nei.”

Jeremiah 10:6

Tagi Maolunga, e deai donu e bei oo dagodo; go hiidinga koe e maolunga, gai doo ingoo iai de mmahi.

Jeremiah 33:2

“E hagadaba Tagi Maolunga, de ia ne haia henua i lalo, go Tagi Maolunga ne hagadau ina ma de hai gi dahi — dono ingoo go Iahweh:

Amos 4:13

Tilo, de ia ne haia denga mounga, ma de hai de madangi, ma de hagaago ange ana maanadu gi tangada, gai go de ia e haia de laangi gi gohu, ma de seesee i honga mommee maolunga o henua i lalo — dono ingoo go Iahweh, de Maadua o denga hagabuulinga hebagi.

Zechariah 2:12

Tagi Maolunga e hai naa Judah go dono boolonga i honga de henua dabu, ma de ahe ange ga hili Jerusalem.

Exodus 34:9

Gai ia ga hai ange, “Dogu Ia Aamua, noo koe e abodonu mai gi de au, gai au e dangidangi adu gi de goe, dogu Ia Aamua, koe gi humai madali gimaadeu. Ni muna abodonu gimaadeu ni dangada e makaga omaadeu lodo; aagai koe degi mai gi omaadeu baubau ma omaadeu haisala, mage haia gimaadeu go oo dangada donu.”

Psalm 33:6

Tagi Maolunga ne tala de muna, gai gu hai de langi, gai mee alodahi iai ne hai i de madangi ne busi mai i lo tono ngudu.

Isaiah 19:25

Gai Tagi o denga hagabuulinga hebagi gu hagamanuuia naa gilaadeu, ga hai ange, “E manuuia ogu dangada go de gau Egypt, ma de gau Assyria aagu ne hai laa i luoogu lima donu, aama de gau Israel, dogu boolonga.”

Jeremiah 46:18

Au e hagatoo donu i dogu mouli, go de Hodooligi e hagadaba, dono ingoo go Tagi o denga hagabuulinga hebagi: E humai naa dahi bei dagodo o Tabor i magavaa o denga mounga, ma dagodo o Carmel i gaogao tai.