Jeremiah 10:10 - De Beebaa Dabu

¹⁰ Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.

Jeremiah 10:10 Referans Kwoze

Deuteronomy 32:4

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Psalm 76:7

Aagai go koe donu huu e heohi de maatagu ai o dangada! Goai e maua i de duu i mada luoo mada i de masavaa oou e lili ai?

Nahum 1:6

Goai e bau ange gi dono bole? Goai e maua gi ola noo e kona dono lili? Dono bole e humai bei de ahi ula, denga hadu e mahangahanga i ono mada i mua.

Psalm 42:2

Au e lodo mmao i de Maadua, go de Maadua e mouli laa. Gai go aahee oogu e humai ai gi mada luu mada o de Maadua?

Psalm 100:5

Go hiidinga Tagi Maolunga e danuaa; dono abodonu e dagodo ga hano ai, gai ia e hai hegau i de mee abodonu ange gi denga atangada alodahi.

Revelation 20:11

Gai au ne gidee dahi nohoanga hodooligi maolunga tea ma de ia e noho i ono elunga. Gai henua i lalo ma de langi ne moolau donu de ngaalue gee mai i mada luoono mada, gai teai selaau mommee ne gidee.

Psalm 31:5

Au e dugu adu dogu hagasaalunga gi lo too lima; Tagi Maolunga, de Maadua, e hai hegau laa i de muna abodonu, koe gi hagaola ina ngau.

Psalm 10:16

Tagi Maolunga e hodooligi ga hano ai e dee ngado mai; denga huaahenua e maakau naa ga dee maaleva i dono henua.

Psalm 18:7

Henua i lalo gu ngalungalue ma de bolebole; dagelo o denga mounga gu ngalungaalue, ma de bolebole i hiidinga ia gu lili.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

Hebrews 10:31

Gai se mee hagamaatagu mmao taadeu too ange gi lo te lima o de Maadua e mouli laa.

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

1 Thessalonians 1:9

Gai dangada gu tala dagodo o doodou abodonu mai gi gimaadeu, ma doodou daahuli gee mai i denga diinonga ga hai daumaha ange gi de Maadua abodonu e mouli laa,

Acts 14:15

“Goodou denga daane, gu aha goodou gu hai ai naa mee naa? Gimaau ni dangada donu huu bei oodou dagodo. Gimaau ne gaamai gi goodou de longo danuaa gi daahuli gee ai goodou i mee e deai olaadeu haigamaiana, gi daahuli ange gi de Maadua e mouli laa, go ia ne haia de langi ma henua i lalo ma tai aama mee alodahi iai.

Malachi 3:2

Aagai goai e maua i de lodo mmahi i de laangi oona e humai ai? Gai goai e maua i de duu i de masavaa oona e hagasula mai ai? Ia e bei naa dagodo o de ahi a de ia e hagagilimalali ina denga baalanga, ma soobe a de ia daa malo.

Habakkuk 3:6

Ia ne duu age, gai henua i lalo gu ngalungalue; ia ne galo ange ga tilo, gai denga huaahenua gu bolebole. Denga mounga mai i mua gu maoha ma gu malili iho, gai denga duuduu gu daulooloa laa gu baakuu — aagai ia e noho ga hano ai.

Micah 1:4

Denga mounga gu vaivai i lalo luoono vae, gai denga geelonga gu mahangahanga, bei denga wax e vaivai laa i de ahi, ma denga vai e ssali iho laa i de madadaagodo.

Psalm 146:6

go de ia ne haia de langi ma henua i lalo, tai, aama mee alodahi iai. Ia e hai hegau i de muna abodonu ga hano ai.

Psalm 145:13

Doo nohoanga hodooligi e dee ngado mai donu, gai doo sauaa e dagi ai e dagodo i denga atangada alodahi. [Tagi Maolunga e hai hegau i de mee abodonu i ana hagatoo donu alodahi, ma de malangilangi i mee alodahi aana ne hai.]

Psalm 114:7

Henua i lalo, bolebole i mada luu mada o de Ia Aamua, ma mada luu mada o de Maadua o Jacob,

Psalm 104:32

henua i lalo e bolebole, i dono galo ange aagena; denga mounga e buu ai de useahi, i dono poo ange aagena.

Psalm 97:4

Ana uila e hagamaalama henua i lalo; henua i lalo gu ngalungalue i dana gide mee nei.

Psalm 93:2

Doo nohoanga hodooligi ne hagaduu ga makaga madagidagi loo; koe e dee ngado mai ga hano ai.

Psalm 90:11

Goai e donu ange gi mahi o doo lili? Gai doo lili e laumalie mmao bei de madagu i de goe.

Psalm 84:2

Au e hinangalosaa aama de lodo mmao e tilo de buibui o de hale o Tagi Maolunga; ogu lodo ma dogu ngudu e daahili i de malangilangi ange gi de Maadua e mouli laa.

Psalm 77:18

De babaa o au hatuli e ngolo bei de madangi mmahi, au uila e hagamaalama henua i lalo, gai henua i lalo e ngalungalue ma de ngalullulu.

De Beebaa go Job 9:6

Ia e luuluu henua i lalo ga hagangalue gee i dono duulanga, ma de hai ono duludulu gi ngalungaalue.

2 Chronicles 15:3

Gai ne daulooloa mmao teai se Maadua abodonu i Israel, teai ai hogi se dangada haimeedabu e agoagona ange gilaadeu, gai teai hainga.

1 Kings 18:39

Gai ga gidee huu e dangada mee laa, gai gilaadeu ga ino gi lalo ga hagapaa olaadeu mada gi honga de gelegele, ga hagataba, “Iahweh go de Maadua abodonu! Iahweh go de Maadua abodonu!”

1 Samuel 17:36

Doo dangada hai hegau ne daa dahi laiono ma dahi bea; gai taane Philistia tigi tuu dagaholiage naa e bei naa donu dagodo o dahi luu manu laa, go hiidinga ia e basa hagamaolunga i de hagabuulinga hebagi o de Maadua e mouli laa.”

1 Samuel 17:26

Gai David ne ssili ange gi denga daane e tuu laa i ono gaogao, “Se aha e hai ange gi taane e daia gi magau taane Philistia nei, gi dee basa hagamaolunga ai e ia de gau Israel? Gai se aha taane Philistia tigi tuu dagaholiage naa, gai ia ga basa hagamaolunga ai i de hagabuulinga hebagi o de Maadua e mouli laa?”

Judges 5:4

Tagi Maolunga, de masavaa oou ne hano gee mai ai i Seir, de masavaa oou ne seesee mai ai i de henua o Edom, gai de henua ne ngalungalue, de langi gu pala, uaa, denga hagausinga ne llingi iho denga vai.

Deuteronomy 5:26

Gai gu dahi ange laa dangada ne langona de leo o de Maadua e mouli laa, e basa mai ai i lo te ahi, bei demaadeu hai ne langona ai anailaa nei, gai ia goi mouli huu?

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

John 17:3

Gai deenei de mouli e dee ngado mai: gi iloo e gilaadeu goe, gai e deai ange donu se Maadua abodonu, ma Iesu Klisdo, go de ia aau ne hai laa gi humai.

Matthew 26:63

Aagai Iesu e dee muu ange donu. Gai tangada haimeedabu maolunga ga hai ange, “Au e hai adu gi de goe i de ingoo o de Maadua e mouli laa, daalaa mai gi gimaadeu be go koe de Klisdo, Tama Daane a de Maadua.”

Matthew 16:16

Gai Simon Peter ga hai ange gi de ia, “Go koe donu de Klisdo, Tama Daane a de Maadua e mouli laa!”

Habakkuk 3:10

denga mounga ne bolebole i delaadeu gidee goe. Denga vai gu ssali iho; de moana gelo gu hagangolo gai ono beau gu kona de nnui.

Joel 2:11

Tagi Maolunga e basa i mada i mua o dono hagabuulinga hebagi; dono hagabuulinga hebagi e laumalie mmao, gai de ia e hagassula ina ana muna e mmahi mmao. De laangi o Tagi Maolunga e maolunga, ma de hagamaatagu mmao; goai e bau ange aagena?

Daniel 7:14

Gai gu gaavange gi de ia ssauaa e dagi ai, ma de mahamaha, ma de nohoanga hodooligi; gai denga hagadaagangaa dangada alodahi, ma huaahenua, aama huaadangada e pasa i denga hagadaagangaa muna gi daumaha ange gi de ia. Gai dono sauaa e dagi ai e dee ngado mai, gai dono nohoanga hodooligi e dee maua naa donu i de oha.

Daniel 6:26

Au gu hagasauaa dahi hainga i dogu nohoanga hodooligi alodahi, bolo dangada alodahi gi maatagu ma de hagadubu de Maadua o Daniel. Go ia de Maadua e mouli laa ga hano ai e dee ngado mai; dono nohoanga hodooligi e dee oha naa donu, dono sauaa e dagi ai e deai naa donu se odi.

Daniel 4:34

Gai ga odi huu denga ngadau e hidu laa, gai au, Nebuchadnezzar, ga galo age gi de langi, gai dogu biho gu ahe ange ga danuaa. Gai au ga tuhi de Ia Maolunga Mmao laa ma de hagadubu de ia e mouli laa ga hano ai. Dono sauaa e dagi ai e dee ngado mai donu; dono nohoanga hodooligi e dagodo naa donu huu i denga atangada alodahi.

Daniel 4:3

Ana hagailonga e maolunga mmao, gai ana hegau hagalele mouli e mmahi mmao! Dono nohoanga hodooligi e dee ngado mai donu, gai dono sauaa e dagi ai e dagodo naa donu huu i denga atangada alodahi.

Jeremiah 23:36

Aagai goodou e dee aahe ange donu e hagataba, ‘Muna hagadaemaha a Tagi Maolunga,’ go hiidinga dangada e tala muna nei e hagadonu ai alaadeu muna donu, ga hagahaisala ai muna a de Maadua e mouli laa, go Tagi o denga hagabuulinga hebagi, taadeu Maadua.

Isaiah 37:17

Tagi Maolunga, hagadaahuli ina mai luoo dalinga ma gi hagalaangona; Tagi Maolunga, huugea mai luoo mada ma gi diiloo; gai hagalaangona muna alodahi a Sennacherib, gu hagailoo mai e hagangadi mee ai de Maadua e mouli laa.

Isaiah 37:4

Kana adu Tagi Maolunga doo Maadua e hagallongo naa muna a de Rabshakeh, go muna a dono dangada aamua, go de hodooligi o Assyria ne hagailoo mai, ma de basa hagamaolunga ai i de Maadua e mouli laa, gai ia ga hagasee ai ia i hiidinga muna a Tagi Maolunga doo Maadua gu langona naa. Deenei ai, dalodalo i dangada goi mouli laa.’ ”

Psalm 68:11

De Ia Aamua e hagailoo ana muna, gai e soa haahine ne hagadele ina muna nei:

Genesis 21:33

Gai Abraham ga doo dahi tamarisk i Beersheba, gai ia ga dalodalo ange gi Tagi Maolunga, de Maadua e mouli laa ga hano ai.

1 Kings 8:60

gi iloo ai e dangada alodahi o henua i lalo bolo Tagi Maolunga go de Maadua abodonu; e deai ange donu.

Psalm 29:10

Tagi Maolunga e noho i honga vai o tolona; Tagi Maolunga gu hodooligi ga hano ai.

Psalm 68:8

gai henua i lalo gu ngalungalue, de langi gu hai gi pala iho de langi, i mada i mua o de Maadua, de Maadua o Sinai, i mada i mua o de Maadua, de Maadua o Israel.

Psalm 90:2

I mua de hai ga hanu mounga, aabe go dau hai henua i lalo ma mee alodahi iai, gai go koe de Maadua, mai i de masavaa e dee ngado mai ga dae ai gi de masavaa e dee ngado mai.

Isaiah 40:15

Tilo, denga huaahenua e bei dagodo o dahi madaua i lo te bagede, gilaadeu e bei denga mama i honga mee hagahidi; ia e hagahidi denga modu bei dagodo o de mama.

Isaiah 65:16

Gai be goai naa huu e hagamanuuia ina dahi i honga de henua, gai ia e hai de mee nei i de ingoo o de Maadua abodonu; gai tangada e haia dahi hagatoo donu i honga de henua, e hagatoo donu naa i de ingoo o de Maadua abodonu. Gai mee hai ngadaa gu hai i mua e ngalo naa, gai gu haoli gi dee gidee e au.

Jeremiah 4:2

gai noo koe e hagatoo donu i de mee abodonu, ma de hagamodu heohi aama de heohi, ga hagadaba, ‘Au e hagatoo donu i de mouli o Tagi Maolunga,’ gai au e hai naa ga manuuia denga huaahenua, gai gilaadeu ga tuhi ai au.”

Jeremiah 4:24

Au ne galo age gi denga mounga, gai tilo, gilaadeu e ngalungaalue; gai duuduu alodahi e ngalungaalue hogi.

Jeremiah 50:46

Gai henua i lalo e bolebole naa i delaadeu langona de hagadee kii ina o Babylon; gai dono leo e dangi ai e dae naa gi denga huaahenua.

Jeremiah 51:29

De henua gu bolebole ma de mmae, go hiidinga de hagatau a Tagi Maolunga e hai baasi ange ai gi Babylon, e hagasula donu; gai ia ga hai ai gi ngadi dagodo de henua go Babylon, gi deai ai dangada e nnoho i kilaa.

Joshua 3:10

Gai Joshua ga hai ange, “Deenei doodou hai e iloo ai bolo de Maadua e mouli laa e noho donu i oodou daha, gai ia e hai naa donu gi hulo gee de gau Canaan, mai i oodou mada i mua, ma de gau Heth, ma de gau Hiv, ma de gau Perez, ma de gau Girgash, ma de gau Amor, aama de gau Jebus.

1 Chronicles 29:11

Tagi Maolunga, koe e maolunga, gai e mmahi, koe e mahamaha, koe e kii, gai niiou ssauaa e dagi ai, gai niiau mee alodahi i de langi ma henua i lalo. Tagi Maolunga, niiou de nohoanga hodooligi, gai koe e aamua i honga mee alodahi.

Psalm 9:8

Ia e hagamodu naa muna o henua i lalo i de heohi, ma de hagamodu muna i tee hilihili dangada.

Psalm 74:12

Aagai koe, de Maadua, go demaadeu Hodooligi mai madagidagi loo, koe ne hagahai hegau de hagaola i henua i lalo alodahi.

Psalm 76:8

Koe e hagamodu muna mai i de langi; gai henua i lalo e dee mmuu naa i delaadeu maatagu,

Psalm 100:3

Goodou gi iloo bolo Iahweh go de Maadua donu. Go ia ne haia gidaadeu, gai niiana donu gidaadeu; gidaadeu go ono dangada, gai go ssiibi i dana mommee iai helii.

Isaiah 40:28

E aha, goodou tigi iloo naa donu? Goodou tigi langona naa donu? Tagi Maolunga de Maadua, e deai sono daamada be se hagaodi, go ia ne haia henua i lalo alodahi. Ia e dee dalea donu aabe e deai ono mahi, gai e deai donu se dangada e daea dono donu ange.

Daniel 6:27

Ia e hagaola ma de hagamouli, ia e hai denga sauaa ma mee hagalele mouli i de langi ma henua i lalo. Ia ne hagaola Daniel mai i denga laiono mmahi.”

Nahum 1:5

Denga mounga e ngalungaalue i ono mada i mua, gai denga duuduu e vaivai. Henua i lalo e bolebole i mada luoono mada, go de henua ma dangada alodahi e nnoho ai.