Jeremiah 1:11 - De Beebaa Dabu

¹¹ Gai Tagi Maolunga ne hagaago mai gi de au ana muna, ga ssili mai, “Jeremiah, se aha aau e gidee naa?” Gai au ga hai ange, “Au e gidee de laa o dahi almond.”

Jeremiah 1:11 Referans Kwoze

Amos 7:8

Gai Tagi Maolunga ne ssili mai gi de au, “Amos, se aha aau e gidee laa?” Gai au ne hai ange, “Au e gidee dahi uga haide iai dahi soodo.” Gai de Ia Aamua ne hai mai gi de au, “Tilo, au e hai naa de uga haide iai dahi soodo, e haide ai dagodo o ogu dangada, go de gau Israel; au gu dee hagaola donu gilaadeu.

Amos 8:2

Gai ia ne ssili mai, “Amos, se aha aau e gidee laa?” Gai au ne hai ange, “Se gede iai huamanu lleu.” Gai Tagi Maolunga ne hai mai gi de au, “De hagaodi o ogu dangada go de gau Israel gu dae mai donu. Au gu dee hagaola donu gilaadeu.

Zechariah 5:2

Gai ia ne ssili mai gi de au, “Ni aha aau e gide laa?” Au ne hai ange, “Au e gidee dahi beebaa mulo e lele i lo te moana; dono looloa se madalua sugilima, gai de lahalaha se madaangahulu sugilima.”

Zechariah 4:2

Gai ia ne ssili mai gi de au, “Ni aha aau e gide laa?” Gai au ne hai ange, “Au e gidee dahi mee dugu laama goolo, gai e dahi boolo e dugu i de ulu, ma e hidu laama i ono elunga, gai e dagidahi olaadeu mommee e velo ange aagena de uvigi.

Jeremiah 24:3

Gai Tagi Maolunga ga ssili mai, “Jeremiah, se aha aau e tilo naa?” Gai au ne hai ange, “Ni fig; denga hua danuaa e kona donu tanuaa, gai denga hua baubau e kona donu de baubau, gu dee maua donu i de gai.”

Numbers 17:8

De laangi mai ange laa, gai Moses ne ulu gi lo te hale malo o de tala hagadonu; gai ia gu gidee bolo togo o Aaron o de aamuli o Levi gu somo ma gu hua, gai gu hanu huaala iai, aama hanu almond.

Ezekiel 7:10

Tilo, de laangi laa gu dae mai! Gu dae mai donu! De hagaduasala gu hua, de laagau gu iai huaala, de lodo maolunga gu loage ono huaala!

Genesis 30:37

Gai Jacob ne duuduu hanu laagau hoou mai i de poplar, ma de almond, aama de plane, gai ia ga isiisi olaadeu gili, ga hai gi ssula mai hanu mommee tea i denga laagau laa.

Isaiah 55:11

gai e bei ai hogi, muna e tala i dogu ngudu e dee ngadi aahe mai donu gi de au, aagai e hagassula ogu mee e lodo ai, ma de hai gi bei mee alodahi aagu gu tala ange gi haia.

Ezekiel 12:25

Aagai au, Tagi Maolunga, e basa naa ga tala dagu hagatau, gai e hagasula naa donu i de masavaa moolau. Gai e hai naa donu i oodou laangi, goodou de huaadangada hagamaanege. Gai au ga hagassula naa donu agu muna gu tala, go de Ia Aamua go Iahweh e hagadaba.’ ”

Ezekiel 12:28

Deelaa ai, hai ange gi gilaadeu: ‘E hagadaba de Ia Aamua go Iahweh: Agu muna gu tala e dee tali ange naa donu dahi masavaa, aagai agu muna gu tala e hagassula naa donu, go de Ia Aamua go Iahweh e hagadaba.’ ”