James 5:9 - De Beebaa Dabu

⁹ Denga daina, goodou gi dee nnanu i dahi dangada gee, gi dee hagamodu ai oodou muna. Tilo, tangada hagamodu muna gu duu donu i ma te haitoga.

James 5:9 Referans Kwoze

Leviticus 19:18

Aude suuia ange de baubau, aabe e golo age doo lili i dahi oo dangada, aagai koe aloha i tangada e baa adu gi de goe, bei doo aloha donu i de goe. Go au go Iahweh.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

James 4:11

Denga daina, goodou aude hagadau hagabaubau ina goodou. Tangada e hagabaubau ina dono daina aabe e hagamodu ina muna o dono daina, e hai baasi ange donu gi de hainga aama de hagamodu muna o de hainga. Aagai noo koe e hagamodu muna o de hainga, gai koe e dee daudali i de hainga, aagai se dangada e hagamodu ina muna o de hainga.

Matthew 24:33

E bei ai hogi, de masavaa naa huu oodou e gidee ai mee nei alodahi, gai goodou e iloo bolo ia gu dai humai donu, ia gu duu donu i gaogao de haitoga.

1 Peter 4:9

Goodou hagadau abodonu ange gi dangada i oodou hale, gai gi dee nnanu.

Genesis 4:7

Noo koe e hai de mee heohi, gai koe e dau i ogu daha! Gai noo koe e dee hai de mee heohi, gai de baubau e bei dagodo o de manu alasala e dogoduli laa i ma too haitoga; gai e lodo go ia e huahua i de goe, aagai koe haia go koe e dagina de baubau.”

Galatians 5:26

Gidaadeu gi dee pasa hagassoenga, ga hagadau hagallili ai goodou, aama de hagadau llodo gaiaa i oodou magavaa.

1 Peter 4:5

Aagai gilaadeu e tala ange naa dagodo o alaadeu hegau alodahi, gi de ia gu baba ange laa e hagamodu muna o dangada goi mouli laa ma gilaadeu gu maakau.

Galatians 5:14

Gai denga hainga e hagapuni alodahi i de muna nei, “Koe gi aloha i tangada e baa adu gi de goe bei doo aloha donu i de goe.”

1 Corinthians 10:11

Gai mee ne hai ange gi gilaadeu e hai ai taadeu mee hagaago, gai ne sisi ga daohi e hagakana ange ai gidaadeu, go gidaadeu gu nnoho i denga laangi hagaodi nei.

Mark 13:29

Gai e bei ai hogi, de masavaa naa huu oodou e gidee ai de hai mee nei, gai goodou gu iloo bolo ia gu dai humai donu, gai gu duu donu i gaogao haitoga o de buibui.

2 Corinthians 9:7

Gai dahi ma dahi gi gaavange dana mee gu baba age laa e gaavange, ia gi dee lodo lagolago ange aagena, aabe gi haia i hiidinga ia gu haia gi de mahi, go hiidinga de Maadua e lodo mmao i tangada e malangilangi laa i de ngadi gaavange mee.

Mark 6:19

Gai Herodias ne golo age mee laa i hiidinga dono lili i a John, ia ne lodo e daa a John gi magau. Aagai ia tee maua,

Psalm 59:15

Gilaadeu e hagadaga saele e sala gai, ma de koo bei denga manu e dee boobosu.

Revelation 3:20

Tilo, au e duu i de haitoga ma e dugidugi ai. Be goai e langona dogu leo ga hhuge mai de haitoga, gai au ga ulu gi ono daha ga gaimee madali ia, gai ia madali au.

Ezekiel 7:12

De masavaa gu dae mai, gai de laangi laa gu dae mai donu. Tangada e hagao mai ana mee gi dee malangilangi, gai tangada e hagao ina ana mee gi daha gi dee daemaha, go hiidinga de bole ⌊o de Maadua⌋ gu dagodo donu, i honga ono dangada soa laa.

James 4:12

Gai e dahi donu huu ia hai hainga ma de ia hagamodu muna; go ia e maua i de hagaola aabe go de daa gi magau. Aagai go koe goai, gai koe ga hagamodu ai muna o tangada e baa adu gi de goe?

James 5:7

Deenei ai, denga daina, golomagi ina oodou lodo ga dae ai gi de humai o Tagi Maolunga. Goodou kalo ange diiloo de hai a tangada hai veelenga i dana tali de hua manu i honga dono gelegele, ia e golomagi ono lodo ga tali ai de pala de langi i de hagaodi ma taamada o de ngadau.

James 5:10

Denga daina, goodou manadua dagodo de golomagi lodo o denga pelaabisi i de masavaa olaadeu ne hagaduasala ai, aanei gilaadeu ne agoago i de ingoo o Tagi Maolunga.