James 5:5 - De Beebaa Dabu

⁵ Goodou ne duadonu ma de hagamalangilangi donu huu goodou i doodou nnoho i henua i lalo. Goodou gu hai gi pedi goodou bei dagodo o manu gu paba ange e daa gi maakau i de laangi laa.

James 5:5 Referans Kwoze

1 Timothy 5:6

Aagai de hine gu magau dono bodu gai e hagamalangilangi donu huu ia gu magau donu, e dee galemu donu ia goi mouli huu.

Luke 16:25

Aagai Abraham ga hai ange gi de ia, ‘Dagu dama, koe gi manadua doo masavaa nogo mouli ai gai koe ne kave au mee danuaa, aagai Lazarus ne kave mee baubau, aagai iainei gu hagaaneane ono lodo gai koe gu duasala.

Luke 16:19

“E dahi daane lava, e gahu i malo purple ma linen danuaa aama de hai daonga i laangi alodahi.

Amos 6:1

E vakaa naa gilaadeu e nnoho duadonu i Zion, ma gilaadeu e nnoho paba i honga de mounga go Samaria, goodou denga daane dau o de huaahenua e maolunga i denga huaahenua, go gilaadeu o de gau Israel e hulo aagena!

Jeremiah 12:3

Tagi Maolunga, koe e iloo ogu dagodo; koe e gidee ogu dagodo ma de hagatale dagodo o ogu lodo adu gi de goe. Daagina gilaadeu gaavee bei denga ssiibi e kave laa e daa gi maakau, gai vaae gilaadeu e hagadabena ange gi de laangi o de daa gi maakau!

Revelation 18:7

Hagaduasala ina ia ma de hagadaemaha ina ia gi bei de hagamahamaha ma de mouli danuaa aana ne kave. Ia ne hagadaba i ono lodo, ‘Au se hine hodooligi e noho i honga dogu nohoanga hodooligi. Au e dee se hine gu magau dogu bodu, au e dee haihai naa donu ga hinangalosaa.’

Jeremiah 25:34

De gau hagaloosi, goodou tangi ma de tangi ssee; dagi o de hagabuulingaa ssiibi, goodou tige saele i lodo gelegele; go hiidinga gu tae mai laangi oodou e maakau ai ma de mavaevae saele ai, goodou e bei naa de ssaa hadu hagamogomogo, e too iho laa ga mahaahaa.

Isaiah 22:13

Aagai tilo, goodou e daonga i de malangilangi ma de hagalongaa, goodou e daa naa denga kaau ma ssiibi ga gai ma de unu uvaini. Goodou e hagataba, “Gidaadeu ga gaimee ma de unu uvaini, go hiidinga daiao gai gidaadeu e maakau!”

1 Samuel 25:36

Gai Abigail ne ahe gi daho Nabal, gai tilo, ia e hai dahi daonga laumalie mmao i de hale, bei taonga e hai ange laa gi de hodooligi. Gai Nabal gu malangilangi, i hiidinga ia gu senga mmao. Deelaa ai, Abigail tee tala ange hanu muna gi de ia ga dae ai gi taiao age.

Jude 1:12

De gau nei e bei dagodo o mee dongidongi gelegele i de masavaa oodou e hagabuni ai e daonga i de hagadau aaloha; gilaadeu e dee maatagu donu i de gaimee madali goodou, gilaadeu e bei de gau hagaloosi ssiibi e hangaina laa donu huu gilaadeu. Gilaadeu e bei giliiga e ilihia saele laa i de madangi, gai e deai donu vai langi iai, gai e bei hogi manu ssomo e deai olaadeu hua i malama e malili ai lau o denga manu ssomo; tee hhua gai ne unuunusi age — ne lua hanonga ne maakau ai.

2 Peter 2:13

Gilaadeu e kave naa de hagaoanga o alaadeu hegau baubau gu hai. Gilaadeu e maanadu bolo de malangilangi abodonu go de hai daonga ga hagalongaa ai i de laangi. Gilaadeu e bei dagodo o denga duulangaa mee gelegele ma mee baubau, i delaadeu hai denga daonga ga hai ai denga dahulinga hakino gee olaadeu e malangilangi ai laa, gai e loomai hogi ma e daonga madali goodou.

2 Timothy 3:4

gilaadeu e hagabaubau dangada, e moolau olaadeu lodo, e hagamaolunga, gai e kii ange de llodo e hai olaadeu mee e malangilangi ai, i delaadeu aaloha i de Maadua;

Romans 13:13

Gidaadeu ga hai hegau gi danuaa, bei dagodo o dangada e hai hegau i de masavaa e ao ai de mee, e dee go de hai daonga ga hagalonga ai ma de unu ga ssenga, e dee go de hai be se manu ma denga dahulinga dagodo haisala, aabe go de hagadaumee aama de lodo gaiaa.

Ezekiel 39:17

Gai koe, tama a tangada, e hagadaba de Ia Aamua go Iahweh: Hagahia denga hagadaagangaa manu llele ma manu lodo henua alodahi, hai ange, ‘Goodou hagabuni mai i mommee alodahi gi taonga o ssigidaumaha aagu gu dai hagadabena adu gi goodou, go ssigidaumaha laumalie i honga denga mounga o Israel. Gai goodou ga gai ai denga kano ma de unu denga dodo.

Isaiah 56:12

Gilaadeu e hagataba, “Loomai, gidaadeu ga gaamai uvaini! Gidaadeu ga unu gi ssenga i mee mmahi! Gai daiao gidaadeu ga aahe ange hogi e hai mee mau, aabe e hai gi dubu ange i mee anailaa nei.”

Isaiah 47:8

Deenei ai, noho mai hagalaangona, de hine e haia donu huu ono mee e lodo ai, ma de noho baba, gai koe e hagadaba i oo lodo, “Go au donu huu, e deai ange donu e bei au. Au e dee haihai naa donu ga see hine gu magau dono bodu, aabe gu maakau agu dama.”

Isaiah 3:16

E hagadaba Tagi Maolunga, “Denga damaa hine o Zion e hagamaolunga, gilaadeu e seesee hagassoenga saele, ma de galogalo hai kai saele; gilaadeu e lagalaga maalie i delaadeu seesee, gai mee dau i olaadeu gubu vae e dadangi.

Ecclesiastes 11:9

Tama daane, koe gi malangilangi i de masavaa oou e dama daane ai, gai oo lodo gi malangilangi i laangi oou e dama daane ai. Gai haia oo mee e lodo ai i mee alodahi aau e gidee, gai koe gi iloo bolo de Maadua e hagamodu naa oo muna i mee nei alodahi.

Proverbs 17:1

E danuaa ange dau gai de bagu pelaoaa gai e noho i de mommee iai de baba ma de malino, i doo noho i dahi hale e hai ai taonga gai dangada iai e hagadaumee.

Proverbs 7:14

“Au ne hai ssigidaumaha hagadanuaa magavaa anailaa nei, gai au gu lava i de hagassula agu mee gu hagatoo donu ai.

Psalm 17:14

Tagi Maolunga, hagaola ina ngau mai i de gau bee nei, ma mai i dangada o henua i lalo nei, go gilaadeu e kave olaadeu hagaoanga i de mouli nei. Gai koe gaavange gi gilaadeu de hagaduasala aau gu hagadabena ange gi gilaadeu; alaadeu dama e duadonu, gai gilaadeu e dugu ange olaadeu goloa lagolago gi alaadeu dama.

1 Samuel 25:6

Gai goodou ga hagaboo ange, ga hai ange, ‘De baba gi dagodo i oo daha, ma daho dangada i doo hale, aama au mee alodahi.

Psalm 73:7

Olaadeu ganomada e hhua i hiidinga delaadeu pedi, gai olaadeu lodo e hoohonu i denga maanadu baubau.

Ezekiel 16:49

Tilo, deenei de mee o doo daina hahine go Sodom ne haisala ai: gilaadeu ma ana damaa hine ne llodo maolunga, ne lagolago alaadeu gai ma de ilaage; gai tee bale ange hogi de gau hagaau aloha ma gilaadeu e duasala.