James 5:14 - De Beebaa Dabu

¹⁴ Noo dahi goodou e magi, gai ia gi alumia denga dagi o de nohoanga dabu, gi loomai gi dalodalo i de ia aama de hagasulu ia i lolo i de ingoo o Tagi Maolunga.

James 5:14 Referans Kwoze

Mark 6:13

Gai gilaadeu ne hai gi hulo gee denga hagasaalunga baubau soa, ma de hagasulu denga magi soa i de lolo ga hagaieiangi gilaadeu.

Acts 28:8

De masavaa laa gai tamana o Publius e vvela dono angaanga ma de hanohano. Gai a Paul ne hano gi ono daha, gai dua dono dalodalo, ga dugu luoono lima gi ono elunga, gai ia gu ieiangi.

Mark 16:18

gilaadeu e booboo naa denga labodo hagammau, ma de unu mee hagammau, gai mee nei e dee maua donu i de hagammae gilaadeu; gilaadeu e dugu ange naa olaadeu lima gi honga o denga magi, gai gilaadeu e ieiangi donu.”

2 Kings 5:11

Aagai Naaman ga hano gee i kilaa gu kona donu dono lili, ga hagadaba, “Tilo, au ne maanadu bolo ia e sao mai naa gi ogu daha, ga duu ga hagahi Iahweh dono Maadua, ma de daodaohi age luoono lima gi honga ogu maanuga ga hagaieiangi ai ogu lebelaa.

Titus 1:5

Au ne hai goe gi noho i Crete, gai koe ga hagalava ai mee tigi lava, ma de hili denga dagi o de nohoanga dabu i denga aduhale hugadoo, bei dagu hai gu tala adu ai.

Acts 15:4

Gai ga tae huu gilaadeu gi Jerusalem, gai de nohoanga dabu i kilaa, ma de gau tala aama denga dagi ne abodonu ange gi gilaadeu. Gai gilaadeu ga tala ange dagodo mee a de Maadua gu hai i olaadeu daha.

Acts 14:23

Gai gilaau ga hili denga dagi i dahi nohoanga dabu ma dahi nohoanga dabu, i de dalodalo ma de hagahiikai, ga gaavange gilaadeu gi Tagi Maolunga, de ia olaadeu e kai ange laa aagena.

Acts 9:40

Aagai Peter ga hai gilaadeu alodahi gi ssao gi duaahaho, gai ia ga duuduli ga dalodalo, gai ia ga huli ange gi de angaanga, ga hai ange, “Tabitha, hidi age.” Aagai de hine laa gu aala luoono mada, gai de masavaa huu aana ne gidee ai Peter gai ia ga noho age gi lunga.

2 Kings 4:33

Gai ia ga ulu gi lo te aabi laa ga pono de abaaba ga dalodalo ange gi Tagi Maolunga.

1 Kings 17:21

Gai Elijah ne dagodo ange gi honga o de gauligi daane laa i e dolu hanonga, gai ia ga dalodalo ange gi Tagi Maolunga, ga hai ange, “Tagi Maolunga, dogu Maadua, haia gi mouli age ange tamaa nei.”

Acts 11:30

Gai gilaadeu ne hai donu de hegau nei, ga gaavange denga sseene laa gi Barnabas ma Saul gi gaavee gi denga dagi i kilaa.