James 4:9 - De Beebaa Dabu

⁹ Goodou llodo baubau ma de tangi aama de tangi see. Goodou gi dee kada aagai gi llodo baubau, gai haia gi dee malangilangi goodou gai gi daemaha.

James 4:9 Referans Kwoze

Matthew 5:4

E manuuia gilaadeu e daemaha olaadeu lodo; gilaadeu e hagamaamaane naa olaadeu lodo!

Proverbs 14:13

Ga gadagada naa donu tangada, gai ono lodo e mmae donu, gai de malangilangi e sui naa donu ga se lodo baubau.

Luke 6:25

E vakaa naa goodou e boobosu iainei; goodou e hiikai naa! E vakaa naa goodou e kada iainei; goodou e hinangalosaa naa ma de tangi!

Psalm 119:67

I mua dogu hagaduasala gai au ne haisala; iainei gai au gu daohi au muna.

Ezekiel 16:63

Gai koe e manadua naa ma de dogaa; koe e dee ahe ange naa donu e tala hanu muna, i hiidinga doo dogaa, i dagu masavaa e hagaheohi ai au mee alodahi gu hai, go de Ia Aamua go Iahweh e hagadaba.’ ”

Ezekiel 7:16

Gai dangada e ola laa e saavini naa ga hulo gi denga mounga, gilaadeu e tangi naa bei denga manu kono i lodo geelonga, dahi ma dahi e dangi naa i hiidinga o ono baubau.

Luke 16:25

Aagai Abraham ga hai ange gi de ia, ‘Dagu dama, koe gi manadua doo masavaa nogo mouli ai gai koe ne kave au mee danuaa, aagai Lazarus ne kave mee baubau, aagai iainei gu hagaaneane ono lodo gai koe gu duasala.

De Beebaa go Job 30:31

Dagu harp e hua denga daahili hagahinangalosaa, gai dagu flute e hagadangidangi madali gilaadeu e tangi.

Luke 6:21

E manuuia goodou e hiikai iainei; goodou e hai naa ga boobosu! E manuuia goodou e tangi iainei; goodou e kada naa!

Lamentations 5:15

Gu deai donu se malangilangi i omaadeu lodo; gimaadeu gu dee aanu, gai gu hinangalosaa.

Jeremiah 31:13

Gai denga bua moe e aanu naa i de malangilangi, madali denga dama daane aama de gau maatua hogi. Au e hai naa gilaadeu gi dee tangi gai gi malangilangi; au e hagaaneane naa olaadeu lodo ma de hai gilaadeu gi malangilangi gu dee daemaha.

Jeremiah 31:9

Gilaadeu e loomai naa ma de tangi; gai gilaadeu e dalodalo mai naa i de masavaa aagu e hagaahe mai ai gilaadeu. Gai au e dagi mai naa gilaadeu i gaogao denga saalingaa vai, ma de haiava ssoe gi dee baakuu ai gilaadeu, i hiidinga go au tamana o Israel, gai Ephraim go dagu dama daane madua.

Ecclesiastes 2:2

Au ne hagadaba, “De gadagada o tangada se lodo senga donu, gai se aha naa donu e kii ange ai?”

Psalm 119:71

Gai ne haigamaiana donu dogu hagaduasala, gai au ga agoago ai i au hainga gu hagasauaa.

Psalm 119:136

Au e dangi ma de ssali ogu loimada, i hiidinga dangada e dee daohi au hainga.

Nehemiah 8:9

Gai Nehemiah, de goobenaa, ma Ezra, tangada haimeedabu ma ssisi, ma denga daane de aamuli o Levi ne agoago ina ange laa dangada, ga hai ange gi dangada alodahi, “Anailaa nei se laangi e dabu ange gi Tagi Maolunga doodou Maadua; goodou aude llodo baubau aabe gi tangi.” Go hiidinga dangada alodahi gu tangi i de masavaa alaadeu ne langona ai muna o de hainga.

Matthew 21:41

Gilaadeu ne hai ange gi de ia, “Ia e hagaduasala naa de gau baubau laa ga daa gilaadeu gu maakau, gai ga gaavange de veelenga laa gi hanu dangada gee, gai gilaadeu ga gaavange ai gi de ia dana diba i denga huamanu i de masavaa e hagihagi ai.”