James 4:4 - De Beebaa Dabu

⁴ Goodou dangada e dee hai hegau i de mee abodonu! Goodou e dee iloo laa bolo tangada e hai soa ange gi henua i lalo e hai baasi ange donu gi de Maadua? Deenei ai, be goai e lodo e hai soa ange gi henua i lalo, gai ia e hai donu ia gi se hagadaumee niio de Maadua.

James 4:4 Referans Kwoze

Romans 8:7

Go hiidinga maanadu a de angaanga e hagadaumee ange donu gi de Maadua, ma tee hagallongo ange gi hainga a de Maadua, gai e dee maua donu i de hai mee nei.

Galatians 1:10

E aha, go dangada aagu e hagatale nei de hai gi malangilangi, aabe go de Maadua? Noo au goi hagatale huu de hagamalangilangi dangada, aagai au e dee se dangada hai hegau abodonu niio Klisdo.

John 15:19

Noo goodou ni dangada henua i lalo, gai henua i lalo e aloha i ono dangada donu; gai goodou e dee ni dangada henua i lalo, aagai au gu hili ma gu vvae gee goodou mai i henua i lalo, deelaa ai, henua i lalo e kino i goodou.

Matthew 6:24

“E deai donu se dangada e maua i de hai hegau ange gi e dogolua dangada aamua; go hiidinga ia e kino naa i dahi gai e aloha i de ia ange laa, aabe ia e hagapigi ange naa gi dahi gai ga hagangadi mee de ia ange laa. Goodou e dee maua hogi i de hai hegau ange gi de Maadua ma sseene.

John 17:14

Au gu gaavange gi gilaadeu au muna; gai henua i lalo e kino i gilaadeu, i hiidinga gilaadeu e dee ni mee mai henua i lalo, bei ogu dagodo, au e dee se mee mai henua i lalo.

James 1:27

Gai deenei de hai daumaha gilimalali ma de heohi i mada luu mada o Tamana go de Maadua: go de bale ange denga gauligi gu deai olaadeu maadua ma haahine gu maakau olaadeu bodu gu duasala laa, ma tee dugua ange henua i lalo gi haia gi hakino gee tangada.

Romans 5:10

Gai noo de masavaa odaadeu ni hagadaumee ai niio de Maadua, gai gidaadeu ne hagadanuaa odaadeu magavaa ma de Maadua, i de magau o dana Dama, gai dee hee maa ai naa de kii ange taadeu maua de hagamouli i hiidinga o dono mouli, i dua de hagadanuaa oodou magavaa ma de Maadua.

Matthew 16:4

De atangada baubau ma tee hai hegau i de mee abodonu e ssala dahi hagailonga, gai e deai ange donu se hagailonga e hagaago ange gi gilaadeu, go de hagailonga donu huu o Jonah.”  Gai ia ga hano gee mai i olaadeu daha.

Hosea 3:1

Gai Tagi Maolunga ne hai mai gi de au, “Hannoo ahe ange aloha i de hine gu aloha laa i dahi daane gee, gai se hine dagodo haisala, bei de hai a Tagi Maolunga e aloha ai laa i de gau Israel, e dee galemu donu delaadeu aaloha i denga diinonga ma de llodo i denga duudangaa raisin.”

John 7:7

Henua i lalo e dee kino i goodou, aagai e kino i de au, go hiidinga au e tala bolo hegau e hai i henua i lalo e baubau.

Psalm 73:27

Tilo, dangada e hagammao gee i de goe e maakau donu; gai koe e daa gi maakau gilaadeu e hulo gee mai i de goe.

Luke 19:27

Aagai goodou gaamai gilaadeu e dee llodo laa au gi hodooligi i gilaadeu, gai daia gi maakau i ogu mada i mua.’ ”

Matthew 12:39

Iesu ne basa ange ga hai ange gi gilaadeu, “De atangada baubau ma tee hai hegau i de mee abodonu e ssala dahi hagailonga. Gai e deai ange donu se hagailonga e hagaago ange gi gilaadeu, go de hagailonga donu huu o de pelaabisi go Jonah.

Psalm 21:8

Koe e booboo naa oo hagadaumee alodahi; doo lima madau e booboo naa gilaadeu e kino i de goe.

Jeremiah 9:2

Mee naa gi dahi ogu mommee i de vao, se mommee e nnoho gaainga ai dangada e hagadaga saele, gai au ga dugu ogu dangada ga hano gee mai i olaadeu daha, go hiidinga gilaadeu alodahi ni dangada e dagodo haisala, gai se hagabuulingaa dangada e dee hai hegau i de mee abodonu.

Isaiah 57:3

Aagai goodou — dama a de hine e haia gi loage hagasaalunga, loomai kinei, goodou hagadiilinga o denga haahine dagodo haisala ma de hai be se manu!

Psalm 50:18

Noo koe e gidee dahi dangada gaiaa, gai koe e hai soa ange gi de ia, koe e hagabuni ange gi de gau dagodo haisala.

Jeremiah 2:2

“Hannoo daalaa ange gi langona e dangada o Jerusalem, hai ange: ‘E hagadaba Tagi Maolunga, Au e manadua dau hagadubu au i doo masavaa e dama daane ai, ma doo aloha i de au bei de hine gu dai hai bodu, ma doo daudali mai i de au i de vao, go de mommee e deai mee ssomo ai.

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

Ezekiel 16:32

Koe se hine dau bodu dagodo haisala! Koe e kii doo lodo i denga daane ange laa i doo bodu donu!

1 Corinthians 1:20

Gai go hee ai naa iai tangada heiangi? Gai go hee ai naa iai tangada sisi? Gai go hee naa iai tangada e hagadau gaavange i muna iainei? Gai de Maadua tee hai laa de heiangi o henua i lalo gi se lodo senga?

1 Corinthians 1:21

Gai go hiidinga de heiangi o de Maadua, henua i lalo tee maua gi iloo de Maadua i olaadeu heiangi donu huu, gai de Maadua ne malangilangi i de hagamouli dangada gu hagadonusia laa, i muna e deai ono haigamaiana, go mee omaadeu e agoago ai nei.