James 3:9 - De Beebaa Dabu

⁹ Odaadeu alelo e tuhi taadeu Dagi Maolunga ma Tamana, gai go ia hogi adaadeu hagamalaia ai dangada, ne hai laa ga hagadulagi ange gi dagodo o de Maadua.

James 3:9 Referans Kwoze

Psalm 10:7

Dono ngudu e honu i muna baubau, ma de hadu muna, aama muna hagamaatagu; gai lalo dono alelo iai de vaivai dagodo ma de baubau.

Psalm 62:4

Gilaadeu gu nnoho e aau gee ia mai i dono duulanga maolunga; gilaadeu e malangilangi i denga muna hhadu. Gilaadeu e hagamanuuia dangada i alaadeu muna, aagai olaadeu lodo e hagamalaia gilaadeu. Selah

Psalm 59:12

I hiidinga haisala o olaadeu ngudu aama alaadeu muna gu tala, gai olaadeu hagamaolunga gi aahe ange donu huu gi gilaadeu. I hiidinga alaadeu muna hagamalaia aama alaadeu muna hhadu ne tala,

Genesis 9:6

Be goai e daia dahi dangada ga magau, gai ia e daa naa hogi gi magau; go hiidinga de Maadua ne hai tangada ga hagadulagi ange gi ono dagodo.

Acts 2:26

Deenei ai, ogu lodo gu malangilangi, gai dogu alelo gu tuhi; gai e dahi agu tali i de mouli nei.

2 Samuel 19:21

Gai Abishai, tama daane a Zeruiah, ne hai ange, “E danuaa donu de daa Shimei gi magau, go hiidinga ia ne hagamalaia taane a Tagi Maolunga gu hagadabu.”

Genesis 5:1

Deenei de beebaa e tala ai dagodo o de aamuli o Adam. De masavaa a de Maadua ne hai ai tangada, gai ia ne hai tangada gi bei ono hagadulagi.

1 Corinthians 11:7

Gai taane e dee heohi de haoli dono biho, i hiidinga go ia de hagadulagi aama de mahamaha o de Maadua; gai de hine go de mahamaha o taane.

Romans 3:14

Olaadeu ngudu e hoohonu i denga muna baubau ma de mmala.

Matthew 26:74

Aagai ia ga daamada de hagamalaia donu huu ia ma de hagatoo donu, ga hai ange, “Au e dee iloo donu taane naa!” De masavaa laa donu huu gai gu goo de gaagoo daane.

Matthew 5:44

Aagai au e hai adu gi goodou, aaloha ange gi oodou hagadaumee, gai dalodalo i gilaadeu e vaivai haia goodou,

Isaiah 29:13

Gai e hagadaba de Ia Aamua: “De huaadangada nei e hagapaa mai gi de au i olaadeu ngudu, ma de hagadubu donu huu au i alaadeu muna e tala, aagai olaadeu lodo e mmao gee donu i de au. Alaadeu hai daumaha mai gi de au, e daudali i dahulinga ne ago mai i daho dangada.

Ecclesiastes 7:22

gai koe e iloo bolo gu lagolago hanonga aau ne basa hagamalaia ai i de gau ange laa.

Psalm 108:1

De Maadua, ogu lodo e dee sui donu. Au e daahili ma de tuhi goe!

Psalm 71:24

Gai au e tala naa dagodo o au hegau heohi i taiao ga boo ai, go hiidinga gilaadeu e nnoho laa e daa au gi magau gu hagadookaa ina ma de hagangadi mee ina.

Psalm 63:4

Au e tuhi goe i taulooloa dogu mouli, au e haalo luoogu lima gi lunga e hagahi ai doo ingoo.

Psalm 57:8

Dogu hagasaalunga, alahage! De harp ma de lyre, gooluu aalahage! Au e alahage naa hogi i taiao gohugohu.

Psalm 51:14

De Maadua, hagaola ina mai au i de magau; de Maadua go koe dogu hagaola, gai au e daahili naa ga tuhi dagodo o doo heohi.

Psalm 35:28

Gai au e tala naa dagodo o doo heohi aama de tuhi goe mai i taiao ga boo ai.

Psalm 34:1

Au e tuhi Tagi Maolunga i masavaa alodahi; au e duudagi naa donu huu de tuhi ia.

Psalm 30:12

gai au ga tuhi ai goe i taahili, gu dee hagapuni dogu ngudu. Tagi Maolunga dogu Maadua, au e hagaahe adu de abodonu gi de goe ga hano ai.

Psalm 16:9

Deenei ai, ogu lodo gu malangilangi, gai dogu alelo gu tuhi; gai dogu angaanga gu noho baba hogi.

1 Chronicles 29:20

Muli mai gai David ne hai ange gi dangada alodahi gu hagabuni laa, “Duuhia Tagi Maolunga doodou Maadua.” Gai dangada alodahi ga tuhi Tagi Maolunga, de Maadua o olaadeu dubuna madagidagi, ga ino gi lalo ga daumaha ange gi Tagi Maolunga, ma de hagadubu de hodooligi.

1 Chronicles 29:10

Gai David ga tuhi Tagi Maolunga i madamada o dangada alodahi, ga hagadaba, “Duuhia goe, Tagi Maolunga, de Maadua o demaadeu dubuna madagidagi go Israel, mai i de masavaa e dee ngado mai ga dae ai gi de masavaa e dee ngado mai.

2 Samuel 16:5

De masavaa o de hodooligi ne dae ai gi Bahurim, gai tilo, dahi daane mai i de huaabodu o Saul, dono ingoo go Shimei, tama daane a Gera, ne humai ga hagamalaia David.

Judges 9:27

Gai gilaadeu ne hulo gi lodo alaadeu veelengaa grape ga hagihagi ai denga grape, ga kumi e hai ai taonga i de hale daumaha o delaadeu diinonga. Gai gilaadeu ne gaimee ma de unu aama de pasa hagabaubau Abimelek.

Ephesians 1:3

Duuhia de Maadua ma Tamana o taadeu Dagi Maolunga go Iesu Klisdo, ne hagamanuuia ina laa gidaadeu i daho Klisdo i denga manuuia alodahi i de baasi gi de hagasaalunga i de langi.

Psalm 145:21

Au e tala tuhi dagodo o Tagi Maolunga. Alodahi e mouli gi hagadegi ina dono ingoo dabu ga hano ai e dee ngado mai.

Psalm 145:1

Au e hagaamua goe, dogu Maadua de Hodooligi; au e hagadegi doo ingoo ga hano ai e dee ngado mai.

1 Peter 1:3

Gidaadeu ga tuhi de Maadua ma Tamana o taadeu Dagi Maolunga go Iesu Klisdo! Ia ne hai gi maua e gidaadeu de aahe ange e haanau hoou, gi maua ai e gidaadeu de tali hagalodolodo abodonu, i de mouli age o Iesu Klisdo i de magau, i hiidinga o dono degi laumalie,

James 1:27

Gai deenei de hai daumaha gilimalali ma de heohi i mada luu mada o Tamana go de Maadua: go de bale ange denga gauligi gu deai olaadeu maadua ma haahine gu maakau olaadeu bodu gu duasala laa, ma tee dugua ange henua i lalo gi haia gi hakino gee tangada.

James 3:10

De ngudu e hagaahe ange de abodonu, gai e hagamalaia hogi. Denga daina, e dee heohi donu doodou hai mee nei.