James 3:14 - De Beebaa Dabu

¹⁴ Aagai noo goodou e llodo gaiaa ma de ssala donu huu oodou mee e llodo ai, gai goodou gi dee pasa hagasoenga, aabe gi hagahadu muna ina de mee abodonu.

James 3:14 Referans Kwoze

James 3:16

Gai de mommee iai de lodo gaiaa ma de hagamau mee, e hai hogi ga dee buni dangada, ma de hai denga dahulinga hakino gee alodahi.

1 Corinthians 13:4

De aloha e golomagi de lodo, ma de abodonu. De aloha e dee lodo gaiaa, e dee tuhi donu huu ia, gai e dee lodo maolunga.

Philippians 2:3

Goodou gi dee haia donu huu oodou mee e llodo ai aabe go de llodo maolunga, aagai goodou gi lodo maolalo ma de tala bolo de gau ange laa e danuaa ange i goodou.

1 Corinthians 3:3

go hiidinga goodou goi hai donu huu lodo o de angaanga. Gai e dee anaa hiidinga oodou e llodo gaiaa ai naa ma de hagadaumee i oodou magavaa: goodou e dee nnoho naa huu i lodo o de angaanga, ma de hai hegau bei dagodo o dangada?

Romans 13:13

Gidaadeu ga hai hegau gi danuaa, bei dagodo o dangada e hai hegau i de masavaa e ao ai de mee, e dee go de hai daonga ga hagalonga ai ma de unu ga ssenga, e dee go de hai be se manu ma denga dahulinga dagodo haisala, aabe go de hagadaumee aama de lodo gaiaa.

2 Corinthians 12:20

Gai au e manavasaa i dogu dae adu gi oodou daha, ga gidee bolo oodou dagodo gu dee bei mai dogu lodo ai, gai ogu dagodo gu dee bei adu hogi oodou lodo. Au e manavasaa i dagu gidee bolo goodou e dee buni, gai e llodo gaiaa, ma de moolau de llili, ma tee anga ange gi dangada, ma de hagadau hebagi, ma de hagadau hagabaubau, ma de hai samu, ma de llodo maolunga aama hellumi.

Philippians 1:15

Hanu e agoago Klisdo i delaadeu llodo gaiaa, ma de llodo e hagadau gaavange, aagai hanu e agoago i de lodo se muna abodonu.

James 5:19

Denga daina, noo dahi goodou e dahuli gee i de mee abodonu, gai dahi dangada ga hagaahe mai ia,

Acts 5:17

Gai tangada haimeedabu maolunga ne hidi age aama gilaadeu alodahi madali ia (go de hagabuulinga o denga Sadducee), gilaadeu gu kona mmao de llodo gaiaa,

Titus 3:3

Go hiidinga i mua gai gidaadeu alodahi ni dangada llodo ssenga, ma tee hagallongo i muna, gai ne daahangadia, ma de noodia i denga hagadaagangaa lodo odaadeu e malangilangi ai. Gidaadeu ne mouli i de kino ma de lodo gaiaa, gai e hai hegau i de lili ma de hagadau kino.

1 Timothy 6:4

gai ia se dangada hagasoenga hagamaolunga ma teai donu ana mee e iloo. Ia se dangada e lodo e hagadau gaavange ma de hagadaumee i hagadoonunga o denga muna, go mee e hidi mai ai de hagadau llodo gaiaa, ma de hagadau kino, ma de hagadau hagabaubau, ma de hagadau dee hagadonu,

1 Corinthians 5:2

Gai goodou e hagamaolunga! Gai de mee e heohi doodou hai go de daemaha oodou lodo ma aau gee tangada gu haia de hegau nei mai i oodou magavaa!

Romans 2:8

Aagai gilaadeu e dee anga ange gi dangada, ma tee hagallongo ange gi de mee abodonu, gai e hagallongo ange gi de mee dee heohi, e tuu ange donu gi de bole ma de lili ⌊o de Maadua⌋.

Proverbs 27:4

De lili e kona de alasala, gai de bole e kii ange donu de baubau, aagai goai e maua i de hai baasi ange gi de maagoda?

Proverbs 14:30

De baba i lodo o tangada e hai ga mmahi de angaanga, aagai de lodo gaiaa e hai ga pobo ivi o tangada.

2 Kings 10:31

Aagai Jehu tee kana ange e daohi hainga a Tagi Maolunga, de Maadua o Israel, i ono lodo alodahi. Ia tee hano gee i haisala o Jeroboam, go mee aana ne hagahaisala ai de gau Israel.

Galatians 6:13

Gai go dangada donu gu tuu dagaholiage laa e dee daohia de hainga, aagai gilaadeu e llodo hogi goodou gi tuu dagaholiage, gai gilaadeu ga tuhi ai delaadeu hai goodou ga tuu dagaholiage.

Galatians 5:26

Gidaadeu gi dee pasa hagassoenga, ga hagadau hagallili ai goodou, aama de hagadau llodo gaiaa i oodou magavaa.

Galatians 5:21

ma de lodo gaiaa, ma de llodo e unu gi ssenga, ma de hai daonga e unu ai ga ssenga dangada ga hagalongaa ai, aama de hai dahulinga alodahi bei mee nei. Au e tala adu gi goodou, bei dagu hai gu tala adu ai i mua, bolo dangada e haia mee nei e dee ulu donu i de nohoanga hodooligi o de Maadua.

Galatians 5:15

Aagai noo goodou e hagadau hebagi ma de hagadau vaivai hai goodou, gai goodou kana ange gi dee hagadau daia donu huu goodou gi maakau.

1 Corinthians 5:6

E dee danuaa doodou tuhi donu huu goodou. Goodou e dee iloo bolo hanu momo mee hagahua e hai ga hua de laabungaa pelaoaa alodahi?

Romans 2:17

Aagai noo koe e hagadaba bolo koe se dangada Ssuu e lango ange gi de hainga, ma de tala hagasoenga bolo koe se dangada niio de Maadua,

Romans 1:29

Gai alaadeu maanadu gu hoohonu i denga hagadaagangaa dahulinga dee heohi, ma de baubau, ma de nnoo hagamau mee, ma de maanadu baubau. Gilaadeu e llodo gaiaa mmao, ma de daa tangada gi magau, ma de hagadaumee, ma de daahanga dangada, ma de alasala, ma de kave muna hagabaubau,

Acts 26:9

Au ne hagadonusia hogi bolo au e hai mee alodahi aagu e mau e hai baasi ange ai gi de ingoo o Iesu taane Nazareth.

Acts 13:45

Gai de masavaa huu a de gau Ssuu ne gidee ai dangada soa laa, gai gilaadeu gu llodo gaiaa, gai gilaadeu ne hagadaumee ange gi muna a Paul e tala laa ma de hagahadu muna ana muna.

John 16:2

Dangada e hai naa goodou gi dee ulu i olaadeu synagogue, gai e dae mai naa donu de masavaa a tangada e daia goodou ga maakau, e maanadu ai bolo ia e hai lodo o de Maadua.

Matthew 27:18

Gai Pilate gu iloo bolo, dagi o de gau Ssuu ne gaavange Iesu, i hiidinga delaadeu llodo gaiaa.

Habakkuk 1:3

Gu aha gu hai ai naa goe gi gidee e au hegau baubau? Gu aha gu noho ai naa donu huu goe e tilo denga hegau dee heohi? Au e gidee de oha ma de vaivai haia o dangada i masavaa alodahi; dangada gu hagadau hebagi ma de hagadaumee.

Isaiah 11:13

De lodo gaiaa o Ephraim e tuu naa, gai hagadaumee o Judah gu deai donu; Ephraim gu dee lodo gaiaa ange gi Judah, gai Judah gu dee kino i Ephraim.

De Beebaa go Job 5:2

De lili e daa ga magau tangada lodo senga, gai de magiaa e daa ga magau tangada senga.

2 Kings 10:16

Gai Jehu ne hai ange, “Humai madali au e tilo ai goe ogu mahi i hiidinga o Tagi Maolunga.” Gai ia ga hagauda Jehonadab madali ia i lo tono hada hebagi ga hulo ai gilaau.

Genesis 37:11

Gai ono daina daane gu magiaa ange gi de ia, gai dono damana ne daohi mee nei i ono lodo.

Acts 7:9

Aagai odaadeu dubuna hagadubu ne hagao Joseph gi gaavee gi Egypt, i hiidinga delaadeu magiaa. Aagai de Maadua ne noho i ono daha,

Galatians 5:20

ma de daumaha ange gi denga diinonga, ma de hai huuhuaa mee, ma de hagadau kino, ma de hagadau hebagi, ma de lodo gaiaa, ma de lili, ma tee anga ange gi dangada, ma tee buni, ma de hagadau hai baasi,

1 Timothy 2:4

Gai ia e lodo mmao dangada alodahi gi hagamouli, aama de iloo de muna abodonu.

James 1:18

Gai ia ne lodo e hagadili gidaadeu i de muna abodonu, gai ia ga hai ai gidaadeu go hua i taamada o mee alodahi aana ne hai.

Genesis 38:9

Aagai Onan e iloo e ia bolo tama aana e hagadili laa e dee hagaingoo i dono ingoo; deelaa ai, de masavaa huu oona ne hagahebaa ai ma de bodu o dono daina daane, gai ia ga hai ono bii gi ssali gi honga de gelegele, gi dee hagadili ina ai e ia dahi dama ma dono daina daane.