James 1:18 - De Beebaa Dabu

¹⁸ Gai ia ne lodo e hagadili gidaadeu i de muna abodonu, gai ia ga hai ai gidaadeu go hua i taamada o mee alodahi aana ne hai.

James 1:18 Referans Kwoze

1 Peter 1:23

Goodou gu aahe ange ma gu haanau hoou, gai tee hhaa mai i mee e hulo laa ga pobo, aagai go mee e dee maua laa gi pobo, go muna a de Maadua e mouli laa ga hano ai e dee ngado mai;

John 1:13

gai gilaadeu e dee ni dama ne hagadili i de baasi gi de angaanga, be go lodo o de angaanga, aabe go de hagatau a dahi daane, gai go lodo o de Maadua.

1 Peter 1:3

Gidaadeu ga tuhi de Maadua ma Tamana o taadeu Dagi Maolunga go Iesu Klisdo! Ia ne hai gi maua e gidaadeu de aahe ange e haanau hoou, gi maua ai e gidaadeu de tali hagalodolodo abodonu, i de mouli age o Iesu Klisdo i de magau, i hiidinga o dono degi laumalie,

Revelation 14:4

Gai de gau laa alodahi ni daane gilimalali, gilaadeu tigi hulo gi daho denga haahine e hai ai gi hakino gee gilaadeu. Aanei gilaadeu e daudali ange laa i Ssiibi Gauligi i mommee alodahi oona e hano aagena. Gilaadeu nei gu lava i de hagao ma gu hagaola mai i magavaa o dangada e hai ai denga hua i taamada ange gi de Maadua ma Ssiibi Gauligi.

Jeremiah 2:3

Israel ne hagadabu ange gi Tagi Maolunga, gai go hua aana ne hagihagi i taamada. Dangada alodahi ne oohaa ina ia gu haisala; gai de hai ngadaa ne duu ange gi gilaadeu, ’ ” go Tagi Maolunga e hagadaba.

Ephesians 1:12

gai gidaadeu ne haia laa Klisdo go taadeu tali hagalodolodo i taamada ga tuhi ai dono mahamaha.

1 John 3:9

E deai donu se dangada gu haanau i daho de Maadua e aheahe ange ga haisala, go hiidinga hua o de Maadua e dagodo i ono daha; ia e dee maua donu i de aheahe ange e haisala, go hiidinga ia gu haanau i daho de Maadua.

Hebrews 12:23

aama de nohoanga dabu o denga ganimua, go dangada gu sisi olaadeu ingoo i de langi. Goodou gu loomai gi de Maadua, de Ia Hagamodu Muna o dangada alodahi, ma hagasaalunga o dangada e heohi ma de hoohonu abodonu olaadeu dagodo,

James 1:21

Deenei ai, goodou dilia denga dahulinga hakino gee ma dahulinga baubau alodahi, gai daohia agoago gu daakodo laa donu i oodou lodo, i de lodo maolalo, go muna e maua i de hagamouli goodou.

1 Corinthians 4:15

Gai ga soa naa donu dangada e agoago ina adu goodou i lodo o Klisdo, gai e dahi donu huu oodou damana. Go au doodou damana i lodo o Klisdo Iesu i hiidinga o de longo danuaa.

Romans 4:17

Gai gu sisi e hai ange, “Au gu hai goe go tamana o denga huaahenua soa”  — i mada luu mada o de Maadua aana ne hagadonusia laa, go de Maadua e gaavange laa de mouli gi gilaadeu e maakau ma de basa ga hai gi hanu mee tigi ai laa.

Amos 6:1

E vakaa naa gilaadeu e nnoho duadonu i Zion, ma gilaadeu e nnoho paba i honga de mounga go Samaria, goodou denga daane dau o de huaahenua e maolunga i denga huaahenua, go gilaadeu o de gau Israel e hulo aagena!

Leviticus 23:10

“Basa ange gi de gau Israel, hai ange, ‘De masavaa naa huu oodou e hulo ai ga nnoho i de henua aagu e gaavadu gi goodou, gai goodou ga hagihagi hua manu i honga o oodou gelegele, gai goodou gaamai gi tangada haimeedabu dahi noodangaa grain mai i oodou grain e hagihagi i taamada.

2 Corinthians 6:7

ma de tala de muna abodonu, ma ssauaa o de Maadua, ma denga goloa hebagi o de heohi i de lima madau ma de lima masui;

Ephesians 1:13

Goodou gu dau hogi madali Klisdo, i de masavaa oodou ne langona ai de muna abodonu, go de longo danuaa oodou ne hagamouli ai, ma doodou hagadonusia ia, ga hagailonga i de Hagasaalunga Dabu gu lava laa i de hagatoo donu ai,

2 Timothy 2:15

Gai koe hagaduu ngae haia gi se dangada goe e hagamalangilangi ina de Maadua, se dangada hai hegau e dee dogaa, gai e maua i de agoago muna a de Maadua gi heohi.

James 1:15

Gai dua de hagadili o de lodo baubau nei, gai de lodo nei gu haanau de haisala; gai ga madua huu de haisala, gai de haisala ga haanau de magau.

James 3:14

Aagai noo goodou e llodo gaiaa ma de ssala donu huu oodou mee e llodo ai, gai goodou gi dee pasa hagasoenga, aabe gi hagahadu muna ina de mee abodonu.