Isaiah 9:19 - De Beebaa Dabu

¹⁹ De lili o Tagi o denga hagabuulinga hebagi gu dudu de henua, gai dangada gu bei denga lahhie e haula ai de ahi; gu deai donu se dangada e hagaola ina dono daina.

Isaiah 9:19 Referans Kwoze

Micah 7:2

Gu deai donu dangada heohi i honga de henua, gu deai donu se dangada e hai hegau i de mee heohi e doe. Dangada alodahi gu nnoho huu e daa dangada gi maakau; dahi dangada e noho e daa dono daina.

Micah 7:6

Tama daane e hagangadi mee dono damana, tamaa hine e hai baasi ange gi dono dinana, ssaulaba e hai baasi ange gi dono maa; gai hagadaumee o tangada go dangada donu i dono hale.

2 Peter 2:4

Gai noo de Maadua tee hagaola de gau de langi i de masavaa olaadeu ne haisala ai, aagai ne tili ange gilaadeu gi lo te ahi o Gehenna, ma de noonooa gilaadeu ga dugu i lo te geelonga gohu ga dae mai ai de masavaa hagamodu muna;

Acts 2:20

De laa e hagagohu naa, gai de maasina e bei naa denga dodo i mua de dae mai o de laangi maolunga ma de hagamaatagu o Tagi Maolunga.

Matthew 27:45

Gai gu hagagohu honga de henua alodahi i de daa tuele ga dae ai gi tolu i de ahiahi.

Amos 5:18

E vakaa naa goodou e llodo laa gi dae mai de laangi o Tagi Maolunga! Gu aha gu llodo ai goodou gi dae mai de laangi o Tagi Maolunga? De laangi laa se laangi gohu, e deai donu se maalama iai.

Joel 2:2

se laangi gohu ma teai se maalama iai, se laangi hagausinga ina ma de gohu boo dangodango. Gai de hagabuulinga hebagi soa ma de mmahi gu bei de haolia o honga denga mounga i de gohu, gai tigi ai donu mee bee nei ne hai madagidagi, gai e deai naa hogi mee bee nei e hai i muli mai, i ngadau o denga atangada alodahi e loomai.

Ezekiel 9:5

Gai au ne langona ia ne hai ange gi dangada ange laa, “Goodou hulo madali ia gi lo te aduhale daia ai gi maakau dangada, goodou e dee abodonu ange aabe e lodo aloha ange gi gilaadeu.

Jeremiah 13:16

Hagamahamaha ina Tagi Maolunga doodou Maadua i mua dana gaamai de gohu, ma mua doodou baakuu i honga denga mounga gohu. Goodou e tali gi humai de maalama, aagai ia e hai gi kona de gohu, ma de hai gi gohu boo dangodango.

Isaiah 60:2

Tilo, de gohu gu haoli henua i lalo, gai de gohu boo dangodango gu haoli denga huaadangada; aagai Tagi Maolunga e humai naa gi oo elunga, gai dono mahamaha e gidee naa i oo daha.

Isaiah 24:6

Deelaa ai, de malaia gu hagadohu henua i lalo, gai dangada iai gu hagaduasala i hiidinga o olaadeu haisala. Deelaa ai, dangada e nnoho i henua i lalo gu dudu i de ahi, gai gu sogoisi donu huu dangada e doe.

Isaiah 13:18

Alaadeu mee hholu e daa naa ga maakau denga dama daane, gilaadeu e dee abodonu ange naa gi denga gaagaa, aabe e llodo aaloha ange gi denga gauligi.

Isaiah 13:13

Deelaa ai, au e hai naa gi ngalungalue de langi; gai henua i lalo gi ngalue gee mai i dono duulanga, i de laangi o de bole o Tagi o denga hagabuulinga hebagi, ma de laangi o dono lili laumalie.

Isaiah 13:9

Tilo, de laangi o Tagi Maolunga gu dae mai donu, gai se laangi hagaduasala, ma de bole aama de lili laumalie, e oha ai de henua ga hai gu se ngadi mommee, gai e daa naa gi maakau de gau haisala i kilaa.

Isaiah 8:22

Gai gilaadeu e kalo ange naa ga tilo henua i lalo, gai gilaadeu e gidee naa donu huu de hai ngadaa, ma de gohu aama de gohu hagamaatagu. Gai gilaadeu e hai naa gi nnoho i lo te gohu boo dangodango.

Isaiah 5:30

Gilaadeu e hagangolo naa i de manu laa i de laangi laa, bei de hagangolo o beau o de moana. Gai noo tangada e galo ange ga tilo de henua, gai tilo, gu gohu ma de hai ngadaa; denga hagausinga e haoli naa de maalama.

Isaiah 1:31

Taane mmahi e bei dahi deleisi, gai ana hegau e bei dahi galo ahi; luu mee nei ngaadahi e dudu naa, gai e deai donu se dangada e maua i de diinei.

Isaiah 3:5

Dangada e hagadau vaivai daakodo naa i olaadeu magavaa, dahi dangada e vaivai hai tangada ange laa ma tangada e baa ange gi de ia. De gauligi e hai baasi ange naa gi tangada madumadua, tangada maolalo e hai baasi ange naa gi tangada hagadubu.

Isaiah 4:4

Gai de Ia Aamua laa e hagagilimalali naa denga mee hakino gee o denga haahine o Jerusalem; ia e hhui naa denga dodo e baalau laa i Jerusalem i de hagasaalunga e hagamodu ina laa muna i de ahi.

Isaiah 5:24

Deenei ai, e bei de ahi ula e dudu ai laa denga helii mmasa gai denga helii mmasa e dudu ga odi i lo te ahi ula, gai olaadeu aga e hulo ga pobo; olaadeu huaala e ilihia e de madangi bei de mama o denga gelegele, go hiidinga gilaadeu gu tili de hainga a Tagi o denga hagabuulinga hebagi, ma de hagangadi mee muna a de Ia Dabu o Israel.

Isaiah 10:6

Au ne hai ia gi hano gi hai baasi ange gi dahi huaahenua baubau, au ne kave ia gi hai baasi ange gi dahi huaadangada oogu e lili ai laa, ma de hai gi de mahi gilaadeu ga kave olaadeu goloa, aama de dagadagahi gilaadeu bei denga bela i honga denga haiava.

Isaiah 26:11

Tagi Maolunga, doo lima gu hagaabo aagai gilaadeu e dee gidee. Haia gi gidee e gilaadeu doo lodo mmahi i hiidinga o oo dangada, ma de hai gilaadeu gi dookaa; haia de ahi gu baba ange laa gi oo hagadaumee gi duungia gilaadeu.

Isaiah 33:14

De gau haisala i Zion gu maatagu mmao; dangada e dee hai lodo o de Maadua gu bolebole: “Goai de gidaadeu e maua i de noho madali de ahi e duungia laa mee? Gai goai de gidaadeu e maua i de noho i de mommee iai de ahi e ula laa ga hano ai?”

Isaiah 42:25

Deelaa ai, ia ne gaamai gi de ia de hagaduasala i de kona dono lili, ma de hebagi laumalie. Gai ne duuli luoono baasi i de ahi ula, aagai ia tee donu ange aagena; de ahi ne dudu ia, aagai gilaadeu tee maanadu dagodo o mee laa.

Ezekiel 20:47

gai hai ange gi de lodo henua o Negev, ‘Hagalaangona muna a Tagi Maolunga. E hagadaba de Ia Aamua go Iahweh: Tilo, au e dahu naa dahi ahi i kilaa, ga dudu ai denga manu ssomo alodahi, go manu ssomo lau kohu ma manu ssomo maakau; gai de ula o de ahi e dee maua naa donu i de diinei, gai de mommee laa alodahi e odi naa i de dudu, mai i de bido gi ngaage ga dae ai gi de bido i ngaiho.

Joel 2:3

De ahi e dudu naa mee i ono mada i mua, gai de ula o de ahi e hanadu naa i olaadeu dua. De henua gu bei de veelenga o Eden i olaadeu mada i mua, gai olaadeu dua gu lodo henua e ngadi dagodo, gai e deai donu mee e maua gi ola mai i gilaadeu.

Obadiah 1:18

Dangada o Jacob e bei naa dahi ahi, dangada o Joseph e bei naa de ula o dahi ahi; gai dangada o Esau e bei naa denga gainga, gai gilaadeu e dudu naa gilaadeu ga odi. Gai e deai naa donu dangada e ola i dangada o Esau,” go Tagi Maolunga e hagadaba.

Zechariah 11:6

Au e dee lodo aloha ange naa gi dangada o de henua, go Tagi Maolunga e hagataba. Au e dugu ange naa dangada gi olaadeu hodooligi ma dangada e paa ange gi gilaadeu gi vaivai haia gilaadeu. Gai gilaadeu e oha naa de henua, gai au e dee hagaola naa donu dahi gilaadeu.”

Malachi 4:1

“Gai tilo, e dae mai naa de laangi o de ahi ula, bei de ahi i lo te mommee dao mee. Gai de gau hagamaolunga ma dangada alodahi e haia de baubau, e dudu naa i de ahi, bei denga lau manu mmasa, go Tagi o denga hagabuulinga hebagi e hagadaba, gai e deai naa donu se aga aabe se laa daudahi e doe.

Leviticus 26:26

De masavaa naa huu aagu e hai ai gi deai oodou gai, gai e dinoangahulu haahine e dao naa alaadeu momo pelaoaa i e dahi umu, gai gilaadeu e hagahidi naa pelaoaa laa ga duha dagi de momo. Goodou e gaimee naa, gai e dee maua gi boobosu.

Zechariah 11:9

Gai au ne hagadaba, “Au gu dee hagaloosi adu goodou. Tangada gu dai magau gi magau, gai tangada e daia gi magau gi daia gi magau. Gai dangada e doe gi hagadau daia donu huu gilaadeu.”