Isaiah 9:15 - De Beebaa Dabu

¹⁵ denga daane maatua ma de gau aamua go de biho, gai denga pelaabisi e agoagona laa denga muna hhadu go ssugi.

Isaiah 9:15 Referans Kwoze

Matthew 24:24

Go hiidinga denga klisdo ma pelaabisi hadu muna e ssula age naa donu, ga hai denga hagailonga ma mee hagalele mouli e daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

Isaiah 29:10

Tagi Maolunga gu hai goodou gi bei tangada seni magau: ia gu haoli oodou ganomada (bei denga pelaabisi), ia gu haoli oodou biho (bei dangada e daalaa mee e loomai).

Ezekiel 13:19

Goodou ne hagangadi mee au i magavaa o dogu huaadangada i hiidinga o hanu momo barley ma hanu amuamu pelaoaa. Goodou ne daa dangada e dee heohi de daa gi maakau, aagai ne hagaola dangada e dee heohi de dugu gi mouli, i doodou hadu muna ange gi ogu dangada e hagalaangona oodou muna hhadu.

1 Samuel 9:6

Aagai dono dangada hai hegau ga hai ange gi de ia, “Tilo, e dahi daane o de Maadua e noho i de aduhale nei, ia se daane e hagadubu; mee alodahi aana e tala e hai donu ga bei. Gidaau ga hulo gi ono daha; kana adu ia e maua i de tala mai be dee hee taau hai e hulo ai.”

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.

1 John 4:1

Ogu soa hagamogomogo, goodou gi dee hagadonusia denga hagasaalunga alodahi, gai hagataalea denga hagasaalunga ga tilo be gilaadeu ni mee mai i daho de Maadua, go hiidinga gu soa pelaabisi hadu muna gu hulo saele i henua i lalo.

Matthew 7:15

“Goodou kana ange dagidiiloo denga pelaabisi hadu muna, gilaadeu e kahu naa bei denga ssiibi e loomai ai gi oodou daha, aagai olaadeu lodo e bei denga wolf.

Malachi 2:9

Gai au ne hai gi hagangadi mee ina goodou ma de hagamaolalo ina goodou i madamada o dangada alodahi, i hiidinga goodou tee daohi agu muna, aagai goodou ne vae dangada i doodou hai hegau i de hainga.”

Hosea 9:8

De pelaabisi, go de ia dagitilo o Ephraim madali dogu Maadua, gai sele e dada ai ia gu dugu i honga ono haiava alodahi, gai de hagadau kino gu dagodo i lo te hale o dono Maadua.

Ezekiel 13:22

Goodou gu hai ma gu llodo baageaa gilaadeu e heohi i oodou muna hhadu, gai e dee go au donu ne hagadaemaha ina gilaadeu; gai goodou ne hagammahi ange de gau baubau gi dee daahuli gee ai gilaadeu i alaadeu hegau baubau gi mouli ai gilaadeu.

Jeremiah 23:9

Dagodo o denga pelaabisi: Gu mmae mmao ogu lodo; ogu ivi alodahi gu bolebole. Au gu bei tangada gu unu laa ma gu senga, ma tangada gu dagina laa i denga uvaini, i hiidinga o Tagi Maolunga aama hiidinga o ana muna dabu.

Jeremiah 5:31

denga pelaabisi e hadu muna i delaadeu pasa pelaabisi, gai de gau haimeedabu e dagi i olaadeu sauaa donu huu; gai ogu dangada e malangilangi donu i mee nei! Aagai ni aha naa oodou ga hai i dua mee nei?

Isaiah 28:17

Au e hai naa de hagamodu muna heohi go de uga haide mee, gai de heohi go de mee e hagassoe ai muna; denga dibadibaa haisi e oha naa doodou buibui, e hai laa go muna hhadu, gai denga vai e haoli naa doodou mommee mmuni.

Isaiah 5:13

Deelaa ai, ogu dangada e gaavee naa gi denga henua gee, go hiidinga teai selaadeu iloo mee; olaadeu daane maolunga e maakau naa i de hiikai, gai olaadeu hagabuulinga soa e maakau naa i de hieunu.

Isaiah 3:5

Dangada e hagadau vaivai daakodo naa i olaadeu magavaa, dahi dangada e vaivai hai tangada ange laa ma tangada e baa ange gi de ia. De gauligi e hai baasi ange naa gi tangada madumadua, tangada maolalo e hai baasi ange naa gi tangada hagadubu.

1 Kings 13:18

Gai ia ga hai ange gi taane laa, “Au se pelaabisi hogi bei oo dagodo, gai tangada de langi ne tala mai muna a Tagi Maolunga, ga hai mai, ‘Hannoo hagaahea mai ia madali goe gi doo hale, e gaimee ai ia ma de unu.’ ” Aagai ia ne hadu muna ange gi de ia.

De Beebaa go Job 22:8

Tangada mmahi niiona de alahenua, gai go de gau hagadubu e nnoho ai.

Isaiah 19:15

Egypt gu deai ana mee e maua i de hai; go de biho be go ssugi, go de lau o de palm be go de aalege gu ni ngadi mee.

Isaiah 23:9

De hagatau nei nii Tagi o denga hagabuulinga hebagi gai ia ga oha ai de mahamaha alodahi o Tyre e hagamaolunga ai laa, ma de hai gi hagangadi mee ina gilaadeu alodahi e hagadubulia laa i henua i lalo.

Isaiah 28:7

Gilaadeu nei e ssenga hogi i denga uvaini, ma de ssee saele i de unu mee mmahi; de gau haimeedabu ma denga pelaabisi gu ssee saele i de unu mee mmahi ma uvaini; gilaadeu e ssenga ange naa i de unu mee mmahi; gilaadeu e ssee saele i delaadeu gidee denga midi, gilaadeu gu dee maua i de hagamodu muna.

Isaiah 28:15

Goodou e hagataba, “Gimaadeu gu hai dahi hagatoo donu hagaheloongoi madali de magau, gimaadeu gu hagaheloongoi ange gi de mommee o de gau maakau. Gai de masavaa naa huu e dae mai ai de hagaduasala laumalie, gai e dee maua gi duu mai gi gimaadeu, go hiidinga demaadeu buibui go de muna hhadu, gai demaadeu mommee mmuni go muna hagasenga.”

Isaiah 43:27

Doo dubuna i taamada ne haisala; oodou dagi ne haisala mai gi de au.

Isaiah 59:3

Oodou lima gu hai ma gu hakino gee i denga dodo, gai oodou madannia gu hai goodou ma gu haisala. Oodou ngudu gu tala muna hhadu, gai oodou alelo gu musumusu denga mee baubau.

Isaiah 59:4

Gu deai donu dangada e daalaa de muna abodonu i de masavaa hagamodu muna e deai hogi e gaavange tangada gi de hainga i de muna abodonu. Dangada alodahi gu hagadonu alaadeu ngadi muna e hagadaumee ai ma alaadeu muna hadu; gilaadeu e hagahale denga hai ngadaa, ma de hai gi sula de baubau.

Jeremiah 23:32

Tilo, au e hai baasi ange gi gilaadeu e pasa pelaabisi i denga midi hhadu, go Tagi Maolunga e hagadaba. Gilaadeu e dagi gee ogu dangada i alaadeu muna hagassoenga, gai e dee go au donu ne haia gilaadeu gi hulo, aabe go au ne hilia gilaadeu. Deenei ai, e deai donu olaadeu haigamaiana ange gi dangada, go Tagi Maolunga e hagadaba.

Amos 2:4

E hagadaba Tagi Maolunga: “Tolu hanonga o Judah e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu gu tili hainga a Tagi Maolunga, ma tee daohi ana mee gu hagasauaa, aagai gilaadeu ne hagasengalia i denga diinonga hadu muna, go diinonga a olaadeu dubuna ne daumaha ange laa aagena.

Micah 3:5

E hagadaba Tagi Maolunga: “Dagodo o denga pelaabisi e hagasengalia laa ogu dangada, noo dangada e haangai ange gilaadeu, gai gilaadeu ga hagataba, ‘De baba gi dagodo i oo daha;’ noo tangada e dee haangai ange gilaadeu, gai gilaadeu ga hagadabena e hebagi ange gi de ia.

Isaiah 3:12

Denga gauligi e vaivai hai naa ogu dangada, denga haahine e dagudagu ange naa gi gilaadeu. Ogu dangada, oodou dagi e dagi gee goodou; gilaadeu e kave gee goodou i de haiava.

Lamentations 2:14

Oo pelaabisi ne gidee denga midi hagaago ange hadu muna ga daahanga ai dangada; gilaadeu tee hagaago adu oo baubau gi hagaahea mai ai goe gi de henua, aagai gilaadeu ne hagassenga goe i denga muna pelaabisi ga dagi gee ai goe.