Isaiah 8:7 - De Beebaa Dabu

⁷ deenei ai, tilo, de Ia Aamua gu dai hai naa gi humai gi hai baasi ange gi gilaadeu, de mee mmilo mmahi o ssaalingaa vai go Euphrates — go de hodooligi o Assyria ma dono mahamaha alodahi. Gai ssaalingaa vai laa e hagahoohonu age naa ono ava alodahi aama luu baasi alodahi,

Isaiah 8:7 Referans Kwoze

Amos 9:5

De Ia Aamua go Tagi o denga hagabuulinga hebagi e poo ange gi henua i lalo gai gu vaivai, gai dangada alodahi e nnoho i kilaa e tangi naa; de henua e hagahonu age naa bei de Nile, gai e hano iho naa hogi bei de Nile i Egypt —

Amos 8:8

E aha, e dee ngalungalue naa de henua i hiidinga hegau nei, gai dangada alodahi i honga de henua e tangi naa? De henua alodahi e de hagahonu age naa bei de Nile, gai e hagahonu age naa ga lava ga ahe bei dagodo o de Nile i Egypt.”

Isaiah 7:20

De laangi laa gai de Ia Aamua e dahi naa ngaangaaulu i doo biho ma luoo vae, aama doo gumigumi i de leesaa aana e hai gi humai i de baasi laa o Euphrates: go de hodooligi o Assyria.

Isaiah 7:17

Tagi Maolunga e gaamai naa gi de goe ma oo dangada, aama doo huaabodu dahi masavaa hai ngadaa, gai tigi ai ange donu se masavaa bee nei mai i de laangi o Ephraim ma Judah ne mavaevae ai: ia e gaamai naa gi goodou de hodooligi o Assyria.”

Genesis 6:17

Gai au e hai naa gi dolona honga henua i lalo e daa ai gi maakau mee alodahi e mouli ma e manamanava i lalo de langi. Mee alodahi i henua i lalo e odi naa i de maakau.

Revelation 17:15

Gai ia ne hai mai gi de au, “Au vai e gidee naa i de mommee o de hine hai be se manu e noho ai laa, ni huaadangada soa ma huaahenua aama dangada e pasa i denga hagadaagangaa muna.

Nahum 1:8

aagai ia e hai naa tolona laumalie gi hagalilo ina Nineveh; gai ia e doolohi naa ono hagadaumee gi hulo gi lo te gohu.

Daniel 11:22

Gai denga hagabuulinga hebagi soa e maoha saele naa i ono mada i mua, aama tagi o de hagatoo donu hagaheloongoi.

Daniel 11:10

Gai ana dama daane e hagadabena naa e hebagi ma de hagabuni mai dahi hagabuulinga hebagi soa mmao; gai gilaadeu e loomai naa bei dagodo o tolona e gage mai laa gi honga de henua ga dae ai gi de mommee buibui makaga o delaadeu hagadaumee.

Daniel 9:26

Gai dua naa huu de madaono ma lua uvigi laa, gai de ia gu hagadabu laa e daa naa ga magau, gai ia e deai naa donu ana mee. Gai dangada o tagi gu dai tae mai laa, e loomai naa ga oha de aduhale ma de mommee dabu laa. Gai de hagaodi e dae mai naa bei de humai o tolona. Gai de hebagi e duudagi naa donu huu ga dae ai gi de hagaodi, gai de oha o de aduhale gu lava donu i de hagamodu.

Isaiah 59:19

Gai dangada i baasi dai e maatagu naa i de ingoo o Tagi Maolunga, dangada e hagadubu naa dono mahamaha mai i de sobo age o de laa. Gai ia e humai naa bei denga vai nogo bonodia laa, gai de madangi o de manava a Tagi Maolunga e ili ga kave gee.

Isaiah 28:17

Au e hai naa de hagamodu muna heohi go de uga haide mee, gai de heohi go de mee e hagassoe ai muna; denga dibadibaa haisi e oha naa doodou buibui, e hai laa go muna hhadu, gai denga vai e haoli naa doodou mommee mmuni.

Psalm 72:8

Ia e hodooligi naa mai dahi dai ga dae ai gi tai ange laa, ma mai i ssaalingaa vai go Euphrates ga dae ai gi de bido laa o henua i lalo.

Luke 6:48

ia e bei dagodo o tangada e hagaduu laa dono hale, gai ia ga geli gi maolalo ga hagaduu tagelo o dono hale i honga de baba. Gai de masavaa huu ne hagahonu age ai de vai ga usu de hale laa, gai tee maua gi ngalungalue, go hiidinga gu hagaduu ma gu makaga.

Ezra 4:10

ma dangada o denga huaahenua a taane maolunga ma de hagadubu go Osnappar ne kave laa ga hagannoho i denga aduhale o Samaria aama denga mommee i baasi dai o Euphrates.”

2 Kings 19:32

Deenei ai, e hagadaba Tagi Maolunga i dagodo o de hodooligi o Assyria: Ia e dee humai naa donu gi lo te aduhale nei, be e tili dahi dao o de mee hholu i kinei, be e humai gi gaogao de aduhale ma dana mee hungihungi laumalie, aabe e hagabudubudu age denga gelegele e gage age ai e hebagi ange gi de aduhale.

Isaiah 10:5

E vakaa naa Assyria, de laagau aagu ne hagahai hegau i dogu lili, dono lima go togo aagu ne hagahai hegau i dogu bole.

Isaiah 10:16

Deenei ai, de Ia Aamua, Tagi o denga hagabuulinga hebagi, e hai naa gi mmagi ono daane hebagi mmahi, gai dono hagadubu e haula naa i de ahi ula.

Isaiah 11:15

Gai Tagi Maolunga e hai naa gi masa vai i lo te mada loolodo o Egypt. Ia e haalo naa dono lima ga hai gi humai de madangi hagavvela gi honga ssaalingaa vai go Euphrates. Ia e hagaili naa honga de vai laa ga hai ai e hidu saalingaa vai vaaligiligi, gai dangada e maua naa i de seesee ga hulo gi de baasi laa.

Isaiah 28:2

Tilo, de Ia Aamua e dahi ana ia sauaa ma de mmahi. Bei denga duudangaa haisi ma de madangi mmahi e oohaa laa mee, ma de langi mmahi ma de maadolu e pala iho laa, gai ia e poo ga maga iho naa gi honga de gelegele.

Isaiah 43:2

De masavaa oou e hano ai laa lo te vai, gai au madali goe; gai ga seesee naa donu goe i lodo saalingaa vai, gai koe e dee maua donu gi abulu, gai de masavaa oou e seesee ai i lo te ahi, gai koe e dee maua donu gi vela, gai de ula o de ahi e dee maua donu i de dudu goe.

Jeremiah 47:2

E hagadaba Tagi Maolunga: “Tilo, denga vai e hagahonu age naa i ngaiho, ga loomai bei de mee mmilo mmahi. Gai e haoli naa honga de henua ma mee alodahi iai, go denga aduhale ma dangada e nnoho ai. Dangada e oo naa ga tangi, gai dangada alodahi e nnoho i de henua e tangi see naa,

Jeremiah 51:42

Tai e honu age naa ga haoli Babylon, gai denga beau hadihadi mai naa ga haoli de henua.

Ezekiel 26:19

E hagadaba de Ia Aamua go Iahweh: Dagu masavaa naa huu e hai ai goe gi ngadi dagodo, bei aduhale gu deai laa dangada e nnoho ai, ma de hai tai gelo ma ono lausedi lagolago gi haolia goe,

Micah 1:9

Go hiidinga dono maanuga gu dee maua gi mahu, gai gu lele ange hogi gi Judah; gai gu dae gi haitoga o Jerusalem, go de aduhale o ogu dangada.

Micah 5:5

Gai ia e hai naa go delaadeu nnoho paba. De masavaa o de gau Assyria e kage mai ai gi honga taadeu henua ma de ulu mai gi lodo odaadeu hale buibui makaga, gai gidaadeu e hili naa e dogohidu dangada hagaloosi gi hai baasi ange gi de ia, gai e dogovalu dagi mai i daho dangada,

Psalm 46:4

E dahi saalingaa vai e sali mai ma e hagamalangilangi de aduhale o de Maadua, go de mommee dabu e noho ai laa de Ia Maolunga Mmao laa.

Isaiah 28:15

Goodou e hagataba, “Gimaadeu gu hai dahi hagatoo donu hagaheloongoi madali de magau, gimaadeu gu hagaheloongoi ange gi de mommee o de gau maakau. Gai de masavaa naa huu e dae mai ai de hagaduasala laumalie, gai e dee maua gi duu mai gi gimaadeu, go hiidinga demaadeu buibui go de muna hhadu, gai demaadeu mommee mmuni go muna hagasenga.”

Micah 5:4

Ia e duu naa ga hagaloosi ana ssiibi i mahi o Tagi Maolunga, ma ssauaa o Iahweh dono Maadua. Gai gilaadeu e nnoho paba naa, gai ia e maolunga naa i henua i lalo alodahi.