Isaiah 8:2 - De Beebaa Dabu

² Gai hagahia ga gaamai e dogolua dangada abodonu, go Uriah tangada haimeedabu, ma Zechariah tama daane a Jeberekiah, e hagadonu ai agu muna.”

Isaiah 8:2 Referans Kwoze

2 Corinthians 13:1

Deenei tolu hanonga oogu e hanadu ai gi oodou daha. “Mee alodahi e hagadonu i muna a e dogolua aabe e dogodolu dangada tala hagadonu.”

2 Kings 18:2

Gai ia gu madalua ma lima ono ngadau i de masavaa oona ne dae ange ai ga hodooligi, gai ne hodooligi i e madalua ma siva ngadau i Jerusalem. Gai de ingoo o dono dinana go Abijah, tamaa hine a Zechariah.

Ruth 4:2

Gai a Boaz ga hagahi e dinoangahulu daane maatua o de aduhale laa, ga hai ange, “Goodou loomai hogi nnoho i kinei.” Gai gilaadeu ga loomai ga nnoho gi lalo.

Isaiah 8:16

Noodia de tala hagadonu nei; ma de daohi i daho ogu dangada agoago.

Jeremiah 32:10

Gai au ne ssaini de beebaa o de alahenua laa ga hagailonga ga pono, i madamada o de gau hagadonu, aama de hagahidi denga selevaa e hagao ai.