Isaiah 8:17 - De Beebaa Dabu

¹⁷ Au e tali ange Tagi Maolunga, go de ia e hagamuunia luoono mada i dangada o Jacob. Gai au e tali ange naa donu ia.

Isaiah 8:17 Referans Kwoze

Habakkuk 2:3

Gai de midi hagaago ange e tali dono masavaa; de masavaa gu dae mai donu, gai e dee mmule naa donu. Gai ga mmule naa donu, gai koe daalia donu huu; e dae mai naa donu, e dee mmule naa donu.

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

Psalm 33:20

Demaadeu tali hagalodolodo go Tagi Maolunga; go ia demaadeu bale aama demaadeu mee hungihungi.

Isaiah 54:8

Au ne kona mmao dogu lili gai au ga haoli luoogu mada gi dee gidee e goodou i dahi masavaa bodobodo, aagai au e abodonu adu gi de goe ga hano ai ma de lodo aloha adu naa gi de goe, go Tagi Maolunga doodou Ia Hagaola e hagadaba.

Hebrews 9:28

gai e bei ai hogi dagodo o Klisdo: ia ne gaavange dono mouli e hai ai ssigidaumaha i e dahi donu huu hanonga, e kave gee ai haisala o dangada soa, gai ia e hagasula mai naa hogi i de lua hanonga, gai e dee se humai e hagauda haisala, aagai e hagamouli gilaadeu e daalia ia.

Psalm 27:14

Koe gi tali hagalodolodo ange gi Tagi Maolunga; koe gi lodo mmahi ma de lo taane, aama de tali ange Tagi Maolunga.

Isaiah 59:2

Aagai oodou baubau gu vvae gee goodou mai i doodou Maadua; oodou haisala gu haoli luoono mada i goodou, deelaa ai, ia gu dee langona oodou dalodalo.

Isaiah 50:10

Goai i oodou magavaa e madagu i Tagi Maolunga, ma de hagallongo ange gi muna a dono dangada hai hegau? Tangada e seesee i lo te gohu e deai laa se maalama iai, gi hagadonusia de ingoo o Tagi Maolunga ma de tali hagalodolodo ange gi dono Maadua.

1 Thessalonians 1:10

gai goodou e tali de humai o dana Dama Daane mai i de langi, go Iesu, de ia a de Maadua ne hagamouli age mai i de magau. Gai go Iesu donu hogi ne hagaola ina gidaadeu mai i de bole ⌊o de Maadua⌋ gu dai humai laa.

Micah 7:7

Aagai ogu dagodo, au e dagitilo naa ma de tali ange Tagi Maolunga, au e tali ange de Maadua dogu Ia Hagaola; gai dogu Maadua e hagallongo naa donu dagu dangi.

Micah 3:4

Gai gilaadeu e tangi ange naa gi Tagi Maolunga, aagai ia e dee basa ange naa donu gi gilaadeu. Ia e huli gee naa i gilaadeu i de masavaa laa, i hiidinga de baubau alaadeu hegau.

Hosea 12:6

Deenei ai, koe gi aahe mai gi doo Maadua; hai hegau i de abodonu ma de hagamodu heohi, ma de tali hagalodolodo ange gi doo Maadua i masavaa alodahi.

Deuteronomy 32:20

Gai ia ga hagadaba, “Au e huli gee naa i gilaadeu, e tilo ai be aahee olaadeu dagodo. Go hiidinga gilaadeu se atangada baubau, gai ni dama e dee hai hegau i de muna abodonu.

2 Thessalonians 3:5

Gai Tagi Maolunga gi dagina oodou lodo i de aloha o de Maadua aama de golomagi lodo o Klisdo.

Isaiah 64:7

E deai donu se dangada e hagahia adu doo ingoo, aabe e hagammahi e ssala goe; koe gu hagammuni luoo mada i gimaadeu, gai gu dugu ange omaadeu baubau gi hagaduasala ina gimaadeu.

Isaiah 1:15

De masavaa oodou e hhola ai oodou lima ga dalodalo ai, gai au e hagammuni naa luoogu mada i goodou; gai ga dalodalo mai naa donu goodou i hanonga lagolago, gai au e dee hagallongo donu oodou dalodalo. Oodou lima e hoohonu i dodo;

Psalm 39:7

Dogu Ia Aamua, goai aagu e tali ange aagena? Au e tali hagalodolodo adu gi de goe.

Isaiah 26:8

Tagi Maolunga, de masavaa omaadeu e daudali ai i au muna gu hagamodu, gai go koe donu demaadeu tali. Gai demaadeu mee e llodo mmao ai go de hagadeledele danuaa o doo ingoo.

Psalm 130:5

Au e tali ange Tagi Maolunga, dogu hagasaalunga e tali, gai au e tali hagalodolodo ange gi ana muna;

Genesis 49:18

Tagi Maolunga, au e tali dau hagaola.

Luke 2:38

De hine laa ne humai hogi i de masavaa laa ga hagadegi de Maadua, aama de tala ange dagodo o Tamaa gauligi laa gi dangada alodahi e daalia de hagaola o Jerusalem.

Isaiah 64:4

Mai madagidagi gai dangada tigi langona, be gu tonu ange aagena, aabe gu gidee dahi Maadua bei oo dagodo, ia e balea ange gilaadeu e daalia ange ia.

Isaiah 33:2

Tagi Maolunga, koe gi abodonu mai gi gimaadeu; gimaadeu e tali adu donu huu goe. Go koe omaadeu mmahi i daiao alodahi, ma demaadeu hagaola i de masavaa omaadeu e hai ngadaa ai.

Psalm 40:1

Au ne golomagi ogu lodo ga tali ai Tagi Maolunga; gai ia ne hagabaa mai ga hagallongo dagu dangi.

Psalm 37:34

Daalia ange Tagi Maolunga ma de daudali i dono haiava. Gai ia ga hagaamua goe, ga hai goe gi henua i de henua; gai koe e gidee naa de maakau o de gau baubau.

Luke 24:27

Gai Iesu ga daamada de hagadonu ange gi gilaau mee alodahi gu tala ai ono dagodo, mai i Moses ma denga pelaabisi alodahi i lo te Beebaa Dabu alodahi.

Hebrews 2:13

Ia e hagadaba hogi, “Au e hagadonusia ia.” Gai e hagadaba ange hogi, “Tilo, deenei au madali dama a de Maadua gu gaamai gi de au.”

De Beebaa go Job 13:24

Gu aha gu hagammuni ai naa luoo mada ma de dau au gi se hagadaumee niiou?

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Isaiah 45:15

Ni muna abodonu, koe se Maadua e hagamuunia goe, go koe de Maadua ma de Ia Hagaola i Israel.

Jeremiah 33:5

Hanu e hebagi ange gi de gau Babylon, gilaadeu e hhao naa denga hale i angaanga o de gau maakau, aagu e daa gi maakau i dogu lili ma dogu bole. Gai au e huli gee naa gi dee gidee ai e au de aduhale nei, i hiidinga o alaadeu hegau baubau alodahi.

De Beebaa go Job 14:14

Noo tangada e magau, gai e maua naa gi mouli age ange? Laangi alodahi oogu e hagadalea, gai au e tali ga dae ai dogu masavaa e ilaage mai ai i de magau.

De Beebaa go Job 35:14

Gai e kii ange dana dee hagallongo i dau hagadaba bolo koe e dee gidee ia, gai koe e tali ia gi hagamodu ina au muna hagabaubau!

Isaiah 57:17

Au ne lili i hiidinga dono nnoo hagamau mee; gai au e hagaduasala naa ia, ma de haoli luoogu mada i dogu lili, aagai ia ne duudagi donu huu de hai ono lodo.

Isaiah 64:6

Gimaadeu alodahi gu bei tangada e dee gilimalali laa, amaadeu hegau heohi alodahi e bei donu huu denga bido malo hakino gee; gimaadeu alodahi gu bei de lau manu gu mmae, gai omaadeu baubau gu bei dagodo o de madangi, e hagalleva saele gimaadeu.