Isaiah 7:23 - De Beebaa Dabu

²³ De masavaa laa, gai mommee alodahi nogo ssomo ai laa e mano grapevine, e hagao laa i e mano shekel, gu ssomo ai denga manu duiduia ma manu daladala.

Isaiah 7:23 Referans Kwoze

Isaiah 5:6

Au e hai naa de veelenga laa gi se ngadi gelegele; au e dee velevele naa donu aabe hagabalabala de veelenga laa, gai gi ssomo age ai denga manu duiduia ma manu daladala; au e hai ange naa gi denga hagausinga gi haia gi dee pala iho de langi gi ono elunga.

Matthew 21:33

“Goodou nnoho mai ange hagalaangona dahi mee hagasengasenga. E dahi daane aamua ne doo dahi veelengaa grape ga buibui luu baasi, ma de geli dono mommee kumi grape, aama de hagaduu ai dahi hale dagitilo, ga dugu ange gi hanu dangada hai veelenga, gai ia ga hano gi dahi henua gee.

Hebrews 6:8

Aagai de gelegele e ssomo ai manu daladala ma manu duiduia, e deai ono haigamaiana gai gu baa ange donu gi de hagamalaia. Gai e dudu naa donu i de hagaodi.

Jeremiah 4:26

Au ne galo ange ga tilo, gai de henua iai hua lagolago gu se ngadi mommee; ono aduhale alodahi gu oha ma gu maoha i mada luu mada o Tagi Maolunga ma dono bole laumalie.

Isaiah 5:10

Gai de madaangahulu acre o denga veelengaa grape e dahi donu huu bath uvaini e maua ai, e dahi homer golee e doo naa aagai e dahi ephah e maua ai.”

Isaiah 7:24

Gai de gau dili manu e loomai naa gi kilaa ma de mee hholu ma ono dao, go hiidinga de henua alodahi gu ssomo ai denga manu duiduia ma manu daladala.

Isaiah 32:10

E dahi ange naa donu huu ngadau ma hanu mee, gai goodou e nnoho paba naa e bolebole naa; i hiidinga gu deai donu grape e hagihagi, gai gu deai hogi se hagihagi o denga huamanu ange laa.

Ezekiel 12:20

Gai denga aduhale iai dangada e maoha naa ga daakodo ai, gai de henua e hai naa ga se mommee e ngadi dagodo. Gai gi iloo ai e goodou bolo go au donu go Iahweh.’ ”

Hosea 2:12

Au e sele iho naa ana grapevine ma ana fig go mee aana e hagadaba laa bolo go dono hagaoanga mai i daho ono dau soa. Au e hai naa mommee laa gi se lodo henua, gai denga manu lodo henua e gai naa mee iai.

Hosea 9:6

Tilo, ga ola naa donu gilaadeu i de hebagi, gai Egypt e hagabuni naa gilaadeu, gai Memphis e danu naa gilaadeu. Denga manu duiduia e haoli naa olaadeu goloa selevaa; denga manu daladala e ssomo age naa i lodo olaadeu hale malo.

Genesis 3:18

Gai denga manu dabeo aama manu daladala e ssomo age naa i honga de gelegele, gai koe e gaimee naa i hua o manu i honga de gelegele.