Isaiah 66:8 - De Beebaa Dabu

⁸ Gai goai donu gu langona de hai dahi mee bee nei? Goai gu gidee dahi hegau bee nei? E maua i de hai gi dahi henua i dahi laangi daudahi, aabe e maua dahi huaahenua gi haanau i dahi masavaa bodobodo donu huu? Gai de masavaa donu huu o Zion ne hai ai ono hagalangona, gai ia gu haanau ana dama.

Isaiah 66:8 Referans Kwoze

Isaiah 64:4

Mai madagidagi gai dangada tigi langona, be gu tonu ange aagena, aabe gu gidee dahi Maadua bei oo dagodo, ia e balea ange gilaadeu e daalia ange ia.

1 Corinthians 2:9

Gai gu sisi e hai ange, “Mee a dangada tigi gidee, gai tigi langona, gai tigi maanadu i olaadeu lodo — go mee a de Maadua gu hagadabena ange gi gilaadeu e aaloha i de ia”  —

Acts 21:20

Gai ga langona huu e gilaadeu de mee laa, gai gilaadeu ga tuhi de Maadua. Gai gilaadeu ga hai ange gi Paul: “Taina, koe e gidee bolo gu soa de gau Ssuu ne hagadonusia, gai gilaadeu alodahi e mmahi hogi i de daohi denga hainga.

Acts 2:41

Gai gu soa dangada ne hagadonusia ana muna ga babudaisi, gai gu dolumano ange dangada ne hagapuni ange gi denga daina.

Acts 4:4

Aagai gu soa donu dangada ne langona laa alaau muna gu hagadonusia, agu made se limamano taelodo o dangada alodahi.

Jeremiah 18:13

Deenei ai, e hagadaba Tagi Maolunga: Siilia ange gi dangada i denga huaahenua: be gu hanu laa dangada ne langona de hai dahi hegau bee nei? De bua moe go Israel gu hai dahi hegau baubau mmao.