Isaiah 66:2 - De Beebaa Dabu

² E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Isaiah 66:2 Referans Kwoze

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Psalm 34:18

Tagi Maolunga e hagabaa ange gi gilaadeu e daemaha olaadeu lodo, ma de hagaola gilaadeu gu deai selaadeu tali.

Psalm 51:17

Gai denga sigidaumaha o de Maadua e lodo ai go de daemaha de lodo i baubau; de Maadua, koe e dee hagangadi mee de lodo e daemaha i baubau aama de dahuli de lodo.

Philippians 2:12

Deenei ai, ogu daina hagamogomogo, goodou e daudali i agu muna i masavaa alodahi, e dee go dogu masavaa donu huu e noho ai i oodou daha, gai e kii ange donu de heohi doodou hai de mee nei i dogu masavaa e dee maleva ai. Goodou duudagi ina de hagaago mai i oodou hegau bolo goodou gu hagamouli, i de maatagu ma de bolebole,

Proverbs 28:14

Tangada e madagu laa i Tagi Maolunga i masavaa alodahi e manuuia donu, aagai tangada e hagamakaga ina ono lodo e duu ange naa gi de hai ngadaa.

Psalm 138:6

Tagi Maolunga e galo ange gi gilaadeu e maolalo, e dee galemu donu ia e maolunga mmao, aagai ia e hagammao gee i de gau hagamaolunga.

Psalm 119:120

Dogu angaanga gu bolebole i dogu madagu i de goe, gai au e madagu i au hagamodu.

Isaiah 66:5

Hagalaangona muna a Tagi Maolunga, goodou e bolebole i doodou maatagu i ana muna: “Oodou daina e kino i goodou, ma de vvae gee goodou i hiidinga dogu ingoo, gu hagataba: ‘Goodou hagamahamaha ina Tagi Maolunga, gi gidee ai e gimaadeu doodou malangilangi!’ Aagai gilaadeu e dookaa naa donu.

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Ezra 10:3

Deenei ai, gidaadeu ga hai dahi hagatoo donu hagaheloongoi madali taadeu Maadua; gidaadeu ga dugu gi hulo denga haahine ma alaadeu dama, bei dagodo o au muna, demaadeu dangada aamua, aama muna a dangada e maatagu i muna a taadeu Maadua. Gidaadeu ga hai gi bei muna o de hainga.

Habakkuk 3:16

Au ne langona mee nei, gai dogu angaanga gu bolebole, luoogu malaungudu gu bolebole hogi i dagu longo mee nei; ogu ivi gu daamada de pobo, gai luoogu vae gu pole. Aagai au e noho naa ga tali de masavaa o de hai ngadaa e humai ai gi honga o dangada gu hebagi mai gi gimaadeu.

Psalm 119:161

Denga dagi e hagaduasala ngau gai e deai donu hiidinga, aagai au muna ni mee hagamaatagu mai gi de au.

Ezra 9:4

Gai dangada alodahi e maatagu laa i muna a de Maadua o Israel ne hagabuni mai gi ogu daha, i dogu masavaa ne noho ai ga lodo baubau ga dae ai gi de masavaa o ssigidaumaha i de ahiahi, i hiidinga dangada ne aahe mai laa gi Jerusalem tee hai hegau i de muna abodonu.

Isaiah 40:26

Dangage age galo age gi lo te langi: goai ne haia mee nei alodahi? Go de ia ne haia denga hagabuulingaa heduu, ga gaavange olaadeu ingoo. Gai go dono sauaa laumalie ma ono mmahi ne hai mee nei, teai donu se gilaadeu ne dee maleva.

Colossians 1:17

Gai Klisdo gu mouli huu i mua de hai mee alodahi, gai go ia e daohia mee alodahi.

Acts 9:6

Hidi age hannoo gi de aduhale, gai ga tala adu ai gi de goe au mee e hai.”

Matthew 12:6

Au e hai adu gi goodou, e dahi donu dangada i oodou magavaa i kinei, e maolunga ange i de temple.

Acts 7:50

E dee go au ne haia mee nei alodahi?’

Proverbs 29:23

De lodo maolunga o tangada e hai ga maolalo ia, aagai tangada lodo maolalo e kave naa de hagadubu.

Hosea 11:10

Gilaadeu e daudali ange naa i Tagi Maolunga, ia e oo naa bei de laiono e goo laa; uaa, ia e oo naa bei de laiono e goo laa, gai ono dangada e bolebole naa ga loomai ai i dai.

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

1 Kings 21:29

“Koe gu gidee ange laa bolo Ahab gu hagamaolalo ia i ogu mada i mua? Go hiidinga ia gu hagamaolalo ia i ogu mada i mua, deelaa ai, au e dee gaamai naa de mee hai ngadaa laa i dono masavaa e mouli ai, gai e gaamai i de masavaa o dana dama.”

2 Kings 22:10

Gai tangada sisi go Shaphan ne hai ange hogi gi de hodooligi, “Tangada haimeedabu go Hilkiah ne gaamai hogi dahi beebaa gi de au.” Gai Shaphan ga dau ange de beebaa laa gi de hodooligi.

2 Kings 22:11

De masavaa a de hodooligi ne langona ai muna i lo te beebaa o de hainga, gai ia ga ssae ono malo.

Psalm 51:19

gai gi malangilangi ai goe i denga sigidaumaha heohi, ma denga sigidaumaha dudu, aama sigidaumaha e dudu alodahi, gai ssigidaumaha o denga kaau e hai naa i honga dau mommee o ssigidaumaha.

Isaiah 41:20

gi gidee ai e dangada ma de iloo, gai gi maua ai e gilaadeu i de hagasaele ma de tonu ange bolo go de lima sauaa o Tagi Maolunga donu ne haia de mee nei, gai go de Ia Dabu o Israel ne haia gi hanu de mee nei.