Isaiah 66:19 - De Beebaa Dabu

¹⁹ Au e hagaduu ange naa dahi hagailonga i olaadeu magavaa, ma de hai hanu gilaadeu ne ola gi hulo gi denga huaahenua: go Tarshish, ma Put, ma Lud, go dangada e mmau i de tili mee hholu, ma Tubal ma de gau Greek, ma mommee i tagudai tigi langona e gilaadeu ogu longo aabe gidee dogu mahamaha. Gilaadeu e tala ange gi denga huaahenua dagodo o dogu mahamaha.

Isaiah 66:19 Referans Kwoze

Isaiah 52:15

gai ia e hai naa ga llele mouli denga huaahenua soa, denga hodooligi e pono naa olaadeu ngudu i ono hiidinga. Gilaadeu e gidee naa mee tee tala ange gi gilaadeu, gai e tonu ange naa gi mee alaadeu tee langona.

Romans 15:21

Go hiidinga gu sisi e hai ange, “Gilaadeu tigi tala ange aagena ono dagodo e gidee naa ia, gai gilaadeu tigi langona e tonu ange naa.”

Ezekiel 27:10

Denga daane o Persia, ma Lud aama Put ne hebagi madali doo hagabuulinga hebagi. Gilaadeu ne hagalaulau age alaadeu mee hungihungi ma olaadeu goobai baalanga i honga doo buibui ga hagamahamaha ai goe.

Isaiah 55:5

Tilo, koe e hagahi naa denga huaahenua aau e dee iloo, gai denga huaahenua e dee iloo goe e hagamoolau naa ga loomai gi oo daha, i hiidinga o Tagi Maolunga doo Maadua, go de Ia Dabu o Israel, go hiidinga ia gu hagamahamaha goe.

Isaiah 60:9

Ni muna abodonu, denga henua i tagudai e tali hagalodolodo mai gi de au; denga vaga o Tarshish e loomai naa i mua, ma e gaamai au dama i mommee mmao, madali alaadeu selevaa ma goolo, e hagadubu ai de ingoo o Tagi Maolunga doo Maadua, go de Ia Dabu o Israel, go hiidinga ia gu hagamahamaha goe.

Isaiah 62:10

Ulu laa lodo, ulu laa lodo haitoga! Hagadabena ina de haiava o dangada e ulu ai. Hagaduulia age, hagaduulia age de haiava laumalie! Aaua denga hadu; hagaduulia age de hagailonga ange gi denga huaadangada.

1 Chronicles 16:24

Daalaa dagodo o dono mahamaha i magavaa o denga huaahenua, ma ana hegau hagalele mouli ange gi dangada alodahi.

Luke 2:34

Gai Simeon ne hagamanuuia gilaadeu ga hai ange gi Mary, dono dinana, “Tamaa gauligi nei gu hagababa ange gi oohaa ma de hagaahe age o dangada soa o Israel, gai se hagailonga e hai baasi ange dangada aagena i alaadeu muna,

Mark 16:15

Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi.

Matthew 28:19

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu,

Ezekiel 30:5

Ethiopia, ma Put, ma Lud, ma Arabia alodahi, ma Libya, aama dangada i denga henua o de hagatoo donu hagaheloongoi e daia naa ga maakau i de gadilaasa.

Ezekiel 27:13

Javan, ma Tubal, ma Meshek ne hagao hogi oo goloa; gilaadeu ne hagao oo goloa i de gau hai hegau aama goloa e hai i bronze.

Isaiah 65:1

“Au gu baba ange e hagaago ange au gi dangada e tee siilia ogu dagodo; gai gilaadeu tee saalaa au e gidee naa e gilaadeu au. Gai au e hai ange naa gi de huaahenua tee dalodalo i dogu ingoo, ‘Deenei au, deenei au!’

Isaiah 42:4

Ia e dee vasega naa donu aabe baageaa ono lodo, ga dae ai gi dana hagaduu gi makaga de hagamodu muna heohi i henua i lalo. Gai dangada e nnoho i tagudai e tali hagalodolodo go ana hainga.

Isaiah 18:3

Goodou dangada alodahi o henua i lalo, go dangada e nnoho i honga de henua, de masavaa naa huu e hagaduu age ai de hagailonga i honga de mounga, gai goodou gu gidee, gai de masavaa naa huu e ili ai de hanga manu, gai goodou gu langona.

Genesis 10:2

Dama daane a Japheth: go Gomer, ma Magog, ma Madai, ma Javan, ma Tubal, ma Meshek, aama Tiras.

Ephesians 3:8

Gai dagu hai go au hugadoo e maolalo i dangada o de Maadua alodahi, aagai tuuhanga nei ne gaamai gi de au i dono abodonu, gai au ga agoago ange ai denga Gentile, i dagodo de lava o Klisdo e dee maua laa i de tala ono dagodo,

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Zephaniah 2:11

Tagi Maolunga e hagalele mouli i dono hai baasi ange gi gilaadeu, i de masavaa aana e oha ai denga diinonga alodahi o de henua. Denga huaahenua alodahi e daumaha ange naa gi de ia, dahi ma dahi i dono henua donu.

Ezekiel 39:1

“Gai koe, tama a tangada, basa pelaabisi hai baasi ange gi a Gog, ga hai ange, ‘E hagadaba de Ia Aamua go Iahweh: Tilo, au e hai baasi adu gi de goe, Gog, tagi maolunga o Meshek ma Tubal.

Isaiah 51:5

Dogu heohi e moolau naa donu de dae mai, dagu hagaola gu dae mai donu; ssauaa o dogu lima e hagamodu naa muna o denga huaahenua i de heohi. Mommee i tagudai e kalo mai naa gi de au, ma de tali mai ssauaa o dogu lima mmahi.

Isaiah 49:22

E hagadaba de Ia Aamua go Iahweh, “Tilo, au e aloalohagi ange naa denga huaahenua, ma de hagaduu age dahi hagailonga gi gidee e denga huaadangada; gai gilaadeu e hagauda mai naa oodou dama i olaadeu aloalo, ma de saabai mai oodou damaa hine i honga olaadeu eu.

Isaiah 49:12

Tilo, gilaadeu nei e loomai naa i mommee mmao — hanu mai i ngaiho, hanu mai i dai, gai hanu mai i Syene.”

Isaiah 49:1

Denga modu, goodou nnoho mai hagalaangona, denga huaadangada i mommee mmao, goodou hagalaangona de mee nei. I mua dogu haanau, gai Tagi Maolunga ne hagahi au; ia ne hagahi mai dogu ingoo i de masavaa oogu ne haanau ai.

Isaiah 43:6

Au e hai ange naa gi denga henua i ngaiho, ‘Dugu gilaadeu gi loomai!’ Au e hai ange naa gi henua i ngaage, ‘Goodou aude daohia gilaadeu.’ Hagaahea mai agu dama daane ma damaa hine mai i henua i lalo alodahi —

Isaiah 29:24

Dangada gu haisala laa e aahe ange naa ga tonu ange; gilaadeu e nnanu laa e hagallongo naa agu agoago.”

Isaiah 18:7

De masavaa laa gai denga mee ngadi gaavange e gaamai naa gi Tagi o denga hagabuulinga hebagi mai i daho de gau lloa ma de malali olaadeu angaanga, ma mai i daho de gau hagamaatagu i henua mmao ma de paa mai, go de huaahenua mmahi ma de hagadee kii ina denga henua, gai delaadeu henua e vaevae i denga saalingaa vai — gilaadeu e loomai naa gi de mounga go Zion, go de mommee iai laa de ingoo o Tagi o denga hagabuulinga hebagi.

Isaiah 2:16

ma denga vaga alodahi o Tarshish, ma denga vaga mahamaha alodahi.

Psalm 72:10

Gai denga hodooligi o Tarshish ma denga mommee i tagudai e hagao ange naa taagisese gi de ia; gai denga hodooligi o Sheba ma Seba e gaamai naa denga mee ngadi gaavange gi de ia.

1 Chronicles 1:11

Egypt ne hagadili de gau Lud, ma de gau Anam, ma de gau Lehab, ma de gau Naphtuh,

1 Chronicles 1:7

Dama daane a Javan: go Elishah, ma Tarshish, ma Kittim, aama Rodanim.

Genesis 10:13

Egypt ne hagadili de gau Lud, de gau Anam, de gau Lehab, de gau Naphtuh,

Genesis 10:4

Dama daane a Javan: go Elishah, ma Tarshish, ma Kittim aama Dodanim.

Genesis 9:27

De Maadua gi hagalaumalie ina de vaaenga o Japheth, gai ia gi noho madali a Shem i lodo ono hale malo, gai Canaan gi se dangada hai hegau niio Japheth.”

Genesis 10:22

Dama daane a Shem: go Elam, ma Asshur, ma Arpaxad, ma Lud, aama Aram.

Isaiah 11:12

Gai ia e hagaduu age naa dahi hagailonga ange gi denga huaahenua, ma de hagabuni mai de gau Israel i denga henua gee; ia e hagaahe mai naa dangada o Judah gu mavaevae saele laa gi denga dege e haa o henua i lalo.

Isaiah 42:12

Gilaadeu gi hagamahamaha ina Tagi Maolunga, ma de tala dono tuhi i mommee i tagudai.

Isaiah 52:10

Tagi Maolunga e hagaabo naa dono lima dabu, i madamada o denga huaahenua alodahi, gai henua i lalo alodahi e gidee naa de hagaola a taadeu Maadua.

Jeremiah 46:9

Denga hoosa, goodou saavini! Denga hada hebagi, goodou hakemo! Gai daane dau o de hebagi gi seesee gi hulo; denga daane o Ethiopia ma Put e sabaia laa denga mee hungihungi, ma daane o Lydia e dilia laa denga mee hholu.

Ezekiel 32:26

Meshek ma Tubal i kilaa hogi, gai olaau dangada soa e danu i olaau gaogao. Gilaadeu alodahi tigi tuu dagaholiage, ne daia ga maakau i de gadilaasa, go hiidinga gilaadeu ne hagamaatagu dangada e mouli i honga de henua.

Ezekiel 39:6

Gai au e hai naa gi hano iho de ahi gi duungia Magog ma dangada alodahi e nnoho paba laa i tagudai, gai gi iloo ai e gilaadeu bolo go au donu go Iahweh.

Daniel 11:18

Dua mee nei gai ia e ahe naa ga hebagi ange gi mommee i gaogao tagudai, ma de hagadee kii mommee lagolago i kilaa, aagai dahi dagi o de hebagi e hai naa ga dee sula dono hagamaolunga, ma de sui ange dono hagamaolunga.

Zephaniah 3:10

Gai dangada e daumaha mai laa gi de au, go ogu dangada gu mavaevae saele laa, e loomai naa i de baasi laa denga saalingaa vai o Ethiopia, ga gaamai denga sigidaumaha gi de au.