Isaiah 66:1 - De Beebaa Dabu

¹ E hagadaba Tagi Maolunga: “De langi go dogu nohoanga, gai henua i lalo go de mommee e dugu ange aagena luoogu vae. Gai i hee iai de hale oodou e hagaduu moogu? Gai i hee iai dogu mommee e hagamabu ai?

Isaiah 66:1 Referans Kwoze

Acts 17:24

De Maadua ne haia laa henua i lalo ma mee alodahi iai, go Tagi Maolunga o de langi ma henua i lalo, aagai ia e dee noho i lodo temple e hagatuu i lima o dangada.

1 Kings 8:27

Aagai e maua donu e de Maadua i de noho i henua i lalo? Tilo, koe e dee oo i de langi maolunga mmao laa; gai e kii ange naa donu doo dee oo i de hale aagu gu hagaduu nei!

Psalm 132:7

“Gidaadeu ga hulo gi dono mommee e noho ai; gidaadeu ga ino e daumaha i gaogao de mommee e dugu ange aagena luoono vae.”

Psalm 11:4

Tagi Maolunga e noho i lo tono temple dabu; Tagi Maolunga e noho i honga dono nohoanga i de langi. Luoono mada e daumada; luoono mada e hagatale dagodo hegau a dangada.

2 Chronicles 6:18

Aagai e maua donu e de Maadua i de noho madali dangada i henua i lalo? Tilo, koe e dee oo i de langi maolunga mmao laa; gai e kii ange naa donu doo dee oo i de hale aagu gu hagaduu nei!

1 Chronicles 28:2

Gai de hodooligi ga duu age ga hai ange, “Ogu daina ma ogu dangada, goodou hagalaangona agu muna. Au gu lodo e hagaduu dahi hale e dugu ai de ngavesi o de hagatoo donu hagaheloongoi a Tagi Maolunga, go de mommee e dugu ange aagena luu vae o taadeu Maadua; gai au ne hagadabena mee e hagaduu ai.

Psalm 99:9

Hagaamua ina Tagi Maolunga taadeu Maadua, gai daumaha ange i dono mounga dabu; go hiidinga Iahweh taadeu Maadua e dabu.

Matthew 24:2

Aagai ia ga hai ange gi gilaadeu, “Goodou gu gidee mee nei alodahi? Ni muna abodonu aagu e hai adu nei gi goodou: e deai naa donu se hadu daudahi e dagodo i honga dahi hadu. Gai e odi naa donu i de tili iho.”

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Matthew 12:6

Au e hai adu gi goodou, e dahi donu dangada i oodou magavaa i kinei, e maolunga ange i de temple.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Jeremiah 23:24

E aha, e maua e tangada i de mmuni i dahi mommee gi dee gidee ai e au ia? go Tagi Maolunga e hagadaba. E aha, e dee noho au i mommee alodahi i de langi ma henua i lalo? go Tagi Maolunga e hagadaba.

2 Chronicles 2:5

Gai de hale aagu e hagaduu age se hale laumalie, go hiidinga demaadeu Maadua e maolunga ange i denga diinonga alodahi.

Isaiah 60:13

De mahamaha o Lebanon e gaamai naa gi de goe, go denga pine ma fir, aama cypress, e hagamahamaha ai dogu mommee dabu; gai au e hai naa gi mahamaha de mommee e dugu ange aagena luoogu vae.