Isaiah 65:5 - De Beebaa Dabu

⁵ Gilaadeu e hai mai, ‘Koe gi hano gee mai i kinei, aude humai gi hagabaa mai, go hiidinga au e kii ange de dabu i de goe!’ De gau bee nei e bei de useahi i lodo luoogu bongaa usu, ma de ahi e gaa laa i taiao ga boo ai.

Isaiah 65:5 Referans Kwoze

Luke 7:39

Gai de masavaa huu a de Pharisee laa ne gidee ai mee gu hai laa, gai ia ga maanadu i ono lodo ga hagadaba, “Noo se pelaabisi abodonu taane nei, gai ia e iloo donu dagodo o de hine e boogia ange nei ia. Ia se hine haisala!”

Proverbs 16:5

Tagi Maolunga e kino i dangada hagamaolunga alodahi. Ni muna abodonu, de gau bee nei e dee haihai naa donu ga dee hagaduasala.

Luke 5:30

Gai denga Pharisee ma de gau sisi ga nnanu ga hai ange gi ana dangada agoago, “Gu aha goodou gu gaimee ai naa ma de unu madali dangada e hagabudulia taagisese ma de gau baubau?”

Deuteronomy 29:20

Gai Tagi Maolunga e dee degi ange naa donu gi de ia, aagai de lili o Tagi Maolunga ma dono maagoda e hai baasi ange donu gi tangada nei, bei dagodo o de useahi. Gai hagamalaia alodahi gu sisi laa i lo te beebaa nei, e hai ange naa gi de ia, gai Tagi Maolunga e hai naa gi dee manadua dono ingoo i lalo de langi.

Jude 1:19

Aanei gilaadeu e hagadee heloongoi ina dangada, gilaadeu e daudali i olaadeu lodo donu huu, gai de Hagasaalunga ⌊Dabu⌋ e dee nnoho i olaadeu lodo.

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

James 4:6

Aagai ia e abodonu mmao; deelaa ai, gu sisi e hai ange, “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

Matthew 9:11

Gai ga gidee huu e denga Pharisee, gai gilaadeu ga ssili ange gi ana dangada agoago, “Gu aha gu gaimee ai naa doodou dangada agoago madali de gau e hagabudulia taagisese ma de gau baubau?”

Proverbs 10:26

Denga vinegar e hai ga ssae denga niho, gai de useahi e hai ga tangi luu mada, gai e bei ai hogi dagodo o tangada vaiduu a dono dangada aamua e hai laa gi suuia ia.

Luke 15:2

Aagai denga Pharisee ma de gau sisi ne nnanu ga hagataba, “Tangada nei e abodonu ange gi de gau haisala ma de gaimee madali gilaadeu!”

Proverbs 30:12

Hanu dangada e maanadu bolo gilaadeu e gilimalali, gai tigi hagagilimalali donu denga mee hakino gee i olaadeu lodo.