Isaiah 65:4 - De Beebaa Dabu

⁴ Gilaadeu e nnoho i magavaa daanunga i de boo ma e hai ai alaadeu daumaha hagammuni; gilaadeu e gai kano o denga biigi, gai lodo alaadeu anibada iai vai o denga manu hakino gee.

Isaiah 65:4 Referans Kwoze

Isaiah 66:17

“Gilaadeu gu vvae gee laa ma gu hagagilimalali gilaadeu e hulo gi lodo veelenga, ma e daudali ange ai i dahi diinonga i lo te ungaalodo, ma e gai kano o denga biigi ma gimoo, aama mee hakino gee ange laa — gilaadeu e maakau naa donu alodahi, go Tagi Maolunga e hagadaba.

Leviticus 11:7

Gai de biigi, e vvae lua ono dabuvae, gai e dee luei mai ana gai gu holo ga ahe ange ga maamaa, de manu nei e dee gilimalali.

Isaiah 66:3

Aagai tangada e daia dahi kaau e hai ai ssigidaumaha, e bei hogi tangada e daia tangada ga magau; tangada e haia ssigidaumaha i dahi ssiibi gauligi, e bei hogi tangada e milo laa de ua o dahi gaaduu; tangada e haia ssigidaumaha i denga grain, e bei hogi tangada e sigidaumaha i dodo o de biigi, gai tangada e haia ssigidaumaha hagamaanadu o mee maanongi, e bei hogi tangada e daumaha ange gi dahi diinonga. Gilaadeu ne hilihili de hai donu huu olaadeu lodo, gilaadeu ne malangilangi i olaadeu diinonga hakino gee;

Luke 8:27

Gai de masavaa o Iesu ne hanage ai gi uda, gai ia gu hedae ange gi dahi daane iai denga hagasaalunga baubau mai i de aduhale. Gai gu daulooloa dono dee gahu aama tee noho i lodo hale, aagai e noho i magavaa denga daanunga.

Matthew 8:28

Gai dono masavaa huu ne dae ai gi de baasi laa o de vai, i de henua o de gau Gadarene, gai ia gu hedae ange gi e dogolua daane iai denga hagasaalunga baubau, e ssao mai i lodo daanunga. Gilaau e kona mmao de hagamaatagu olaau dagodo, deelaa ai, gu deai dangada e maua i de loomai laa kilaa.

Ezekiel 4:14

Gai au ne hai ange, “Dogu Ia Aamua go Iahweh! Tilo, au tigi gai donu hanu mee e hai ai gi hakino gee au. Mai i dogu gauligi ga dae mai ai gi iainei, gai au tigi gai donu hanu manu maakau, aabe ni manu dolodolo ne daia ga maakau i hanu manu alasala. Tigi ai hogi giidagi dee gilimalali ne hhao gi lo togu ngudu.”

Deuteronomy 18:11

be go de helau dangada, be se hilohilo ma eidu, be se dangada e basa ange gi hagasaalunga o de gau maakau, aabe se dangada e madaangudu ange gi de gau maakau.

Deuteronomy 14:21

Gai goodou e dee gai manu gu maakau, go hiidinga goodou ni dangada gu hagadabu ange gi Tagi Maolunga doodou Maadua. Gai goodou gaavange e gai de gau henua gee e nnoho i lodo oodou aduhale, aabe e hagao ange gi dahi dangada henua gee ange laa. Gai goodou aude boale ina dahi guudi gauligi i lodo vai uu o dono dinana.

Deuteronomy 14:8

Goodou e dee gai hogi de biigi, i hiidinga e vvae lua ono dabuvae, gai e dee luei mai ana gai gu holo ga ahe ange ga maamaa; manu bee nei e dee gilimalali. Goodou e dee gai olaadeu kano, aabe e poo ange aagena i dua delaadeu maakau.

Deuteronomy 14:3

Gai goodou e dee gai denga manu hakino gee.

Numbers 19:11

Tangada e poo ange laa gi tangada magau e dee gilimalali i e hidu laangi.

Exodus 34:26

Koe gi gaamai gi de hale o Tagi Maolunga doodou Maadua, denga huamanu e hhua i taamada i honga doo gelegele. Aude duunaa dahi guudi gauligi i lodo vai uu o dono dinana.”

Exodus 23:19

Koe gaamai gi de hale o Tagi Maolunga doo Maadua denga hua i taamada o denga manu ssomo i honga doo gelegele. Aude duunaa tama a de guudi i lodo vai uu o dono dinana.

Zechariah 9:7

Au e hai naa gilaadeu gi dee gaina kano manu iai dodo, gai gi deai mee hakino gee alaadeu e gai. Dangada e doe e hai naa ga ni dangada niio taadeu Maadua; gilaadeu e bei naa donu dahi aamuli o Judah, Ekron e bei naa dagodo o de gau Jebus.