Isaiah 65:24 - De Beebaa Dabu

²⁴ I mua delaadeu hagaagahi mai au, gai au e basa ange gi gilaadeu, gai de masavaa alaadeu goi tala ai alaadeu muna gai au ga hagallongo.

Isaiah 65:24 Referans Kwoze

Daniel 10:12

Gai ia ga hai mai gi de au, “Daniel, aude madagu. Mai i tahi laangi aau ne ssala ai gi donu ange goe ma de hagamaolalo goe i mada luu mada o doo Maadua, gai ia gu langona au muna, gai au ne humai i hiidinga o au muna.

Isaiah 58:9

Gai de masavaa naa huu oou e dalodalo ai, gai Tagi Maolunga ga basa adu gi de goe; de masavaa naa huu oou e dangidangi i de bale, gai ia e hai adu naa, ‘Deenei au.’ Noo koe e tuu dau vaivai hai dangada, ma de sisi ange dahi, ma de tala hagabaubau dahi,

Mark 11:24

Deenei ai, au e hai adu gi goodou, be se aha naa huu oodou e dangidangi ai i talodalo, ga hagadonu bolo e maua donu, aagai e gaavadu donu gi goodou.

Psalm 91:15

Au e basa ange naa gi de ia, i de masavaa aana e hagahi mai ai au; au e noho naa i ono daha i de masavaa hai ngadaa, gai au e hagaola naa ia ma de hagadubu ia.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Acts 4:31

Gai ga lava huu delaadeu dalodalo, gai gu ngalungalue de mommee olaadeu e hagabuni ai laa. Gai gilaadeu gu odi i de hoohonu i de Hagasaalunga Dabu, gai gilaadeu ga tala muna a de Maadua i de lo taane.

Isaiah 55:6

Saalaa Tagi Maolunga i de masavaa e maua ai gi gidee ia; dalodalo ange gi de ia i de masavaa oona e baa mai ai.

Psalm 32:5

Au e tala adu ogu haisala gi de goe, au e dee hagammuni donu ogu baubau; au ne hagadaba, “Au e tala ange ogu haisala gi Tagi Maolunga;” gai koe ne degi mai gi ogu haisala. Selah

Isaiah 30:19

Dangada o Zion, e nnoho laa i Jerusalem, goodou e tuu naa doodou tangi. Ia e abodonu adu naa donu gi goodou i doodou tangi ange ia gi balea adu goodou. De masavaa naa donu huu aana e langona ai, gai ia ga basa adu gi goodou.

Isaiah 41:17

De gau hagaau aloha ma gilaadeu e duasala e sala vai unu, aagai gu deai donu vai; olaadeu hakii gu mmasa gee naa i delaadeu hieunu. Aagai au, Tagi Maolunga, e basa ange naa gi alaadeu dalodalo, go au, de Maadua o Israel, au e dee tili donu gilaadeu.

Isaiah 59:1

Tilo, de lima o Tagi Maolunga e dee bodobodo, gu dee maua i de hagaola, aabe luoono dalinga gu longoduli gu dee langona.

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Genesis 24:15

Gai i mua de hagalava o dana dalodalo, gai ia gu gidee adu Rebekah e saabai mai dana ssaa, i honga dono eu ma e humai ai. Ia se damaa hine nii Bethuel tama daane a Nahor ma Milcah, dono bodu, gai Nahor go taina daane o Abraham.

2 Kings 19:20

Gai Isaiah, tama daane a Amoz, ne aalu gi Hezekiah ga hai ange, “E hagadaba Tagi Maolunga, de Maadua o Israel, bolo ia gu langona dau dalodalo i dagodo o Sennacherib, de hodooligi o Assyria.