Isaiah 65:2 - De Beebaa Dabu

² Au ne haalo ange luoogu lima mai i taiao ga boo ai, gi dahi huaadangada e makaga olaadeu lodo, gai ni dangada e seesee i denga haiava dee danuaa, ma de daudali i alaadeu maanadu donu huu.

Isaiah 65:2 Referans Kwoze

Romans 10:21

Aagai ia ne hagadaba i dagodo o Israel, “Mai i taiao ga boo ai gai au ne haalo ange luoogu lima gi dahi huaadangada dee hagallongo i muna ma de llodo e hai baasi.”

Jeremiah 4:14

Jerusalem, huuia gi deai baubau i oo lodo gi ola ai goe. Dee hee maa taulooloa dau daohi denga maanadu baubau i oo lodo?

Proverbs 1:24

Au ne hagahi goodou, gai goodou tee llodo e hagallongo agu muna; au ne haalo adu dogu lima gi goodou, gai teai se goodou ne anga mai;

Isaiah 1:2

De langi ma henua i lalo, nnoho mai hagalaangona; go hiidinga Tagi Maolunga e basa: “Au ne haele hanu dama ga maatua, aagai gilaadeu gu hai baasi mai gi de au.

Romans 2:5

Aagai de makaga o oo lodo ma tee dahuli oo lodo, ne hai gi laumalie de lili e hagadabena adu gi de goe i de laangi o de bole, go de masavaa a de Maadua e hagasula mai ai dana hagamodu heohi.

Matthew 15:19

Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi.

Jeremiah 7:24

Gai gilaadeu tee hagallongo mai aabe ne aanga mai, aagai ne hagamakaga olaadeu lodo ma de hai donu huu olaadeu llodo. Gilaadeu ne aahe dua tee hulo gi mua.

Jeremiah 5:23

Aagai de huaadangada nei e makaga olaadeu lodo ma de hagamaanege; gilaadeu gu huuhuli ma gu hulo gee.

Jeremiah 3:17

De masavaa laa gai Jerusalem e hagaingoo ange naa go de Nohoanga o Tagi Maolunga, gai denga huaahenua alodahi e hagabuni mai naa gi Jerusalem i mada luu mada o Tagi Maolunga. Gilaadeu gu dee aahe ange e hai de baubau ma de hagamakaga olaadeu lodo.

Isaiah 66:18

Gai au e iloo dagodo o alaadeu hegau ma maanadu i olaadeu lodo; gai e dae mai naa de masavaa e hagabuni mai ai denga huaahenua alodahi ma dangada e pasa i muna henua gee. Gai gilaadeu e loomai naa ga gidee dogu mahamaha.

Isaiah 63:10

Aagai gilaadeu ne hagamaanege, ma de hagadaemaha dono Hagasaalunga Dabu. Gai ia gu sui ga se hagadaumee niiolaadeu, gai ia ga hebagi ange gi gilaadeu.

Psalm 36:4

Ia e hai donu hogi denga hagatau baubau i honga dono moenga; ia e hagababa ange ia gi dahi haiava e dee danuaa; gai ia e dee kino donu i de baubau.

Deuteronomy 29:19

Gai tangada bee nei, e langona naa muna o de hagatoo donu nei, gai ia e tuhi naa donu huu ia, ga hagadaba, “Au e noho baba naa donu huu, e dee galemu donu dagu hai donu huu ogu lodo,” — tangada bee nei e hai naa ga hai ngadaa de henua iai vai aama de henua e deai vai iai.

Genesis 6:5

Gai Tagi Maolunga gu gidee bolo gu kona mmao de baubau o dangada i henua i lalo, gai alaadeu dahulinga ma maanadu i olaadeu lodo i masavaa alodahi go de baubau donu huu.

Luke 13:34

Jerusalem, Jerusalem, de aduhale ne daia ga maakau denga pelaabisi ma de maga i hadu gilaadeu ne hai gi loomai gi de aduhale! Gu dee modu dogu lodo e hagabudu au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!

Matthew 23:37

“Jerusalem, Jerusalem! De aduhale ne daia ga maakau denga pelaabisi ma de maga i hadu, gilaadeu ne hai gi loomai gi oo daha! Gu dee modu donu dogu lodo e hagabudu mai au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Isaiah 1:23

Oodou dagi ni dangada hai alaadeu hai, gilaadeu ni soa niio de gau gaiaa. Gilaadeu alodahi e malangilangi i ngadi gaavange hagasenga ma de llodo i denga mee ngadi gaavange. Gilaadeu e dee bale ange de gauligi gu deai sono damana, be go de hine gu magau dono bodu.

Proverbs 16:29

Tangada alasala e hagatale tangada e baa ange gi de ia, ma de dagi ia i dahi haiava dee danuaa.

Deuteronomy 31:27

Go hiidinga au e iloo bolo goodou e kona donu de hai oodou hai ma de makaga oodou lodo. Iainei donu i dogu masavaa goi mouli ai, gai goodou e hai baasi ange donu gi Tagi Maolunga, gai e kii ange naa donu doodou hai mee nei i dua dogu magau.

Deuteronomy 9:7

Goodou manadua de mee nei, goodou aude ngalo donu doodou hai ga lili Tagi Maolunga doodou Maadua i de vao. Mai i de laangi oodou ne ssao mai i de henua go Egypt, ga dae ai gi doodou tae mai gi kinei, gai goodou ne hai baasi ange gi Tagi Maolunga.

Numbers 15:39

Gai denga huga malo nei ni mee e hai gi gidee e goodou, gai gi manadua ai e goodou muna alodahi a Tagi Maolunga, gai goodou ga daudali ai i ana muna, goodou gu dee hai donu huu oodou lodo, bei doodou hai e hai ai naa iainei.

Isaiah 30:1

E hagadaba Tagi Maolunga, “E vakaa naa denga dama hai alaadeu hai, e haia laa hanu hagatau gai e dee bei agu hagatau, gilaadeu e hagaheloongoi ma denga huaahenua aagai e dee hai hegau i ssauaa o dogu hagasaalunga, gai gilaadeu e hagalagolago olaadeu haisala.

Isaiah 30:9

Go hiidinga de gau nei ni dangada hai alaadeu hai, gai ni dama e hadu muna, gilaadeu ni dama e dee llodo e hagallongo agoago a Tagi Maolunga.

Isaiah 55:8

Go hiidinga agu maanadu e dee bei oodou maanadu, ogu haiava e dee bei oodou haiava, go Tagi Maolunga e hagadaba.

Isaiah 66:3

Aagai tangada e daia dahi kaau e hai ai ssigidaumaha, e bei hogi tangada e daia tangada ga magau; tangada e haia ssigidaumaha i dahi ssiibi gauligi, e bei hogi tangada e milo laa de ua o dahi gaaduu; tangada e haia ssigidaumaha i denga grain, e bei hogi tangada e sigidaumaha i dodo o de biigi, gai tangada e haia ssigidaumaha hagamaanadu o mee maanongi, e bei hogi tangada e daumaha ange gi dahi diinonga. Gilaadeu ne hilihili de hai donu huu olaadeu lodo, gilaadeu ne malangilangi i olaadeu diinonga hakino gee;

Psalm 36:5

Tagi Maolunga, doo aloha e hano loo ga dae gi de langi, doo hai hegau i de mee abodonu e dae age gi denga giliiga.

Isaiah 66:4

deelaa ai, au e hilihili naa hogi de hai gi vaivai haia gilaadeu, ma de hai gi tuu ange gilaadeu gi mee olaadeu e maatagu ai. Go hiidinga de masavaa aagu ne hagaagahi ai, aagai teai ne basa mai; de masavaa oogu ne basa ai, aagai tee hagalaangona. Aagai gilaadeu ne hai de baubau i mada luoogu mada, ma de hilihili mee oogu e dee malangilangi ai.”

Jeremiah 18:12

Aagai gilaadeu e hai adu naa, ‘E deai haigamaiana. Gimaadeu e duudagi naa donu huu de hai amaadeu hagatau; dahi ma dahi e daudali naa donu huu i de makaga o ono llodo baubau laa.’