Isaiah 65:19 - De Beebaa Dabu

¹⁹ Au e malangilangi naa i Jerusalem, ma de lodo danuaa i ogu dangada; gai e deai naa donu se tangi aabe se tangi see e langona i lo te aduhale.

Isaiah 65:19 Referans Kwoze

Revelation 21:4

Ia e ssolo naa olaadeu loimada alodahi, gai gu deai ange naa donu se maakau, be go de hinangalosaa, be go de tangi, aabe go de mmae. Go hiidinga mee ne hai i taamada gu odi i de llilo ma gu deai.”

Revelation 7:17

Gai Ssiibi Gauligi e duu laa i lo te ungaalodo o de mommee iai de nohoanga laa, go ia e hagaloosi ina gilaadeu; ia e dagi naa gilaadeu ga kave gi denga saalingaa vai o de mouli. Gai de Maadua e ssolo naa denga loimada i olaadeu ganomada.”

Jeremiah 32:41

Gai au e malangilangi naa donu i de hai ange tanuaa gi gilaadeu, ma de hai naa gilaadeu gi nnoho i de henua nei ga hano ai, i ogu lodo alodahi, ma dogu hagasaalunga alodahi.

Isaiah 35:10

dangada a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de malangilangi e dee odi go de hau i honga olaadeu biho. Gilaadeu e hoohonu naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 25:8

Ia e hai naa gi deai se magau ga hano ai. De Ia Aamua go Iahweh e ssolo naa loimada i ganomada alodahi; ia e kave gee naa de hagadogaa o ono dangada mai i henua i lalo alodahi. Go Tagi Maolunga e hagadaba.

Zephaniah 3:17

Tagi Maolunga, doo Maadua e noho madali goe, gai e mmahi i de hagaola goe. Ia e malangilangi mmao donu i de goe, gai ia e hagaaneane naa goe i dono aloha; ia e malangilangi naa ma de daahili i oo hiidinga.”

Isaiah 60:20

De laa e hagamaalama ina goe e dee danu naa donu, de maasina e dee danu naa hogi; gai go Tagi Maolunga doo maalama e dee ngado mai, gai oo laangi e hinangalosaa ai e ui naa.

Isaiah 51:11

Gilaadeu a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de lodo danuaa e dee odi laa go de hau i honga olaadeu biho. Gai gilaadeu e kona naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Jeremiah 31:12

Gai gilaadeu e daga mai naa ma de daahili i honga tuuduu o Zion; gilaadeu e malangilangi naa i mee danuaa a Tagi Maolunga: go denga grain, ma uvaini, ma lolo, ma dama a de hagabuulingaa ssiibi ma guudi aama kaau. Gilaadeu e bei naa de veelenga gu maluulu danuaa laa, gai gilaadeu e dee daemaha ange naa donu.

Isaiah 51:3

Tagi Maolunga e hagaaneane naa donu Zion, ma de lodo aloha ange gi ono mommee alodahi gu oohaa laa; ia e hai naa ono vao gi bei Eden, gai ono lodo henua gi bei de veelenga a Tagi Maolunga. De malangilangi ma de lodo danuaa e dagodo naa i kilaa, aama de hagaahe ange de abodonu ma de leo o taahili.

Song of Songs 3:11

Damaa hine o Zion, goodou ssao mai, diiloo de hodooligi go Solomon, ma dono hau hodooligi, go de hau a dono dinana ne hagahau ai ia i de laangi oona ne hai bodu ai, go de laangi oona ne malangilangi ai.

Luke 15:5

Gai de masavaa naa huu aana e gidee ai dana ssiibi, gai ia e hagauda ange naa gi honga dono eu gu lodo malangilangi,

Luke 15:3

Gai Iesu ga tala ange de mee hagasengasenga nei gi gilaadeu, ga hai ange,

Isaiah 30:19

Dangada o Zion, e nnoho laa i Jerusalem, goodou e tuu naa doodou tangi. Ia e abodonu adu naa donu gi goodou i doodou tangi ange ia gi balea adu goodou. De masavaa naa donu huu aana e langona ai, gai ia ga basa adu gi goodou.

Zechariah 2:10

Tamaa hine o Zion, koe gi daahili ma de malangilangi, go hiidinga au e humai naa e noho i oo daha, go Tagi Maolunga e hagadaba.

Psalm 144:14

amaadeu kaau gi lagolago alaadeu dama, gai gi deai alaadeu dama e ssege aabe gi dee haanau; gai gi deai dangada e duasala i lodo omaadeu haiava.

Ezekiel 36:15

Au e hai naa donu gi dee langona e goe de hagammae manava a de huaahenua, gai koe e dee hagangadi mee ina naa donu i daho denga huaadangada, aabe gilaadeu e hagadee kii doo henua, go de Ia Aamua go Iahweh e hagadaba.”

Zephaniah 3:15

Tagi Maolunga gu kave gee doo hagaduasala, ia gu hai gi aahe dua oo hagadaumee. Tagi Maolunga, de Hodooligi o Israel, e noho madali goe; gai koe e dee madagu ange naa donu i dahi mee hai ngadaa.