Isaiah 64:7 - De Beebaa Dabu

⁷ E deai donu se dangada e hagahia adu doo ingoo, aabe e hagammahi e ssala goe; koe gu hagammuni luoo mada i gimaadeu, gai gu dugu ange omaadeu baubau gi hagaduasala ina gimaadeu.

Isaiah 64:7 Referans Kwoze

Ezekiel 22:30

Au ne ssala dahi dangada i olaadeu magavaa gi hagaduulia age de buibui ma de duu i de mommee masaavava i lo te buibui o de henua, gi dee oohaa ina ai e au de aduhale, aagai au tee gidee dahi dangada daudahi.

Hosea 7:14

Gilaadeu tee dalodalo mai i de lodo abodonu, aagai e tangi see i honga olaadeu moenga. Gilaadeu ne hagalagolagohia gilaadeu i hiidinga denga grain ma uvaini hoou; aagai gilaadeu ne daahuli gee mai i de au.

Isaiah 59:16

Ia ne gidee bolo gu deai donu se dangada daudahi, gai gu lele ono mouli i teai se dangada e balea; gai ia ga hagahai hegau dono lima sauaa e hagaola ina, gai go dono heohi ne gaavange gi de ia de kii.

Hosea 7:7

Gilaadeu alodahi e vvela bei de mommee dao mee; gilaadeu e daa gi maakau olaadeu dagi. Olaadeu hodooligi alodahi gu odi i de maakau; gai gu deai se gilaadeu e dangidangi mai i de bale.

Isaiah 59:2

Aagai oodou baubau gu vvae gee goodou mai i doodou Maadua; oodou haisala gu haoli luoono mada i goodou, deelaa ai, ia gu dee langona oodou dalodalo.

Isaiah 54:8

Au ne kona mmao dogu lili gai au ga haoli luoogu mada gi dee gidee e goodou i dahi masavaa bodobodo, aagai au e abodonu adu gi de goe ga hano ai ma de lodo aloha adu naa gi de goe, go Tagi Maolunga doodou Ia Hagaola e hagadaba.

Isaiah 50:2

Gai gu aha gu deai ai laa dangada i de masavaa oogu ne humai ai? Gai gu aha gu deai ai laa dangada e pasa mai, i de masavaa aagu ne hagaagahi ai? E aha, gu kona laa de bodobodo dogu lima, gu dee maua i de hagaola goodou? Aabe gu deai ogu mahi e hagaola ai goodou? Tilo, au ne hagasee tai gu masa, au ne hai denga saalingaa vai ga se vao; denga mamu i kilaa gu pilo i teai dai ma de maakau i delaadeu hieunu.

Isaiah 27:5

Gai noo gilaadeu e llodo e hai au go delaadeu buibui, gai gilaadeu gi hagadanuaa mai gi de au, gilaadeu gi hagadanuaa mai gi de au.”

Hosea 5:15

Gai au e ahe naa gi dogu mommee, ga dae ai gi delaadeu tala olaadeu haisala. Gai gilaadeu ga ssala ai au i delaadeu duasala.

Ezekiel 24:11

Gai dugu ange de ngadi anibada gi honga denga maga ahi ga dae ai gi de mahana, gai denga copper iai gu kaa, gi odi ai denga mee baubau iai i de vaivai, gai gu deai mee hongagelegele baalanga iai.

Jeremiah 9:7

Deelaa ai, e hagadaba Tagi o denga hagabuulinga hebagi: “Tilo, au e hagagilimalali naa ma de hagatale ange olaadeu dagodo, gai ni aha ange naa aagu e hai, i hiidinga o haisala o ogu dangada?

Isaiah 59:4

Gu deai donu dangada e daalaa de muna abodonu i de masavaa hagamodu muna e deai hogi e gaavange tangada gi de hainga i de muna abodonu. Dangada alodahi gu hagadonu alaadeu ngadi muna e hagadaumee ai ma alaadeu muna hadu; gilaadeu e hagahale denga hai ngadaa, ma de hai gi sula de baubau.

Isaiah 57:17

Au ne lili i hiidinga dono nnoo hagamau mee; gai au e hagaduasala naa ia, ma de haoli luoogu mada i dogu lili, aagai ia ne duudagi donu huu de hai ono lodo.

Isaiah 56:4

Go hiidinga e hagadaba Tagi Maolunga, “Denga eunuch e dao ina laa agu Sabbath, ma de hilihili mee oogu e malangilangi ai, aama de daohi dagu hagatoo donu hagaheloongoi —

Isaiah 1:15

De masavaa oodou e hhola ai oodou lima ga dalodalo ai, gai au e hagammuni naa luoogu mada i goodou; gai ga dalodalo mai naa donu goodou i hanonga lagolago, gai au e dee hagallongo donu oodou dalodalo. Oodou lima e hoohonu i dodo;

Psalm 14:4

E aha, dangada e haia de baubau tigi heiangi nei donu — gilaadeu e vaivai hai ogu dangada bei de gai a dangada pelaoaa, ma gilaadeu e dee dalodalo ange gi Tagi Maolunga?

De Beebaa go Job 8:4

Noo au dama e haisala ange gi de ia, gai ia e dugu ange gilaadeu de hagaduasala o olaadeu haisala.

Exodus 32:12

Gai gu aha gu hai ai gi maua e de gau Egypt i de hagataba, ‘Tagi Maolunga se hagassao donu huu gilaadeu e kave e daa gi maakau i magavaa denga mounga, ma de hai gi odi gilaadeu i teai i henua i lalo.’ Hagahelui ina doo bole, gai suuia dau hagatau, koe gi dee hagaduasala ina doo huaadangada.

De Beebaa go Job 10:9

Manadua bolo koe ne hai au i gelegele; gai koe ga hagaahe ange naa hogi au gi de gelegele?

Psalm 100:3

Goodou gi iloo bolo Iahweh go de Maadua donu. Go ia ne haia gidaadeu, gai niiana donu gidaadeu; gidaadeu go ono dangada, gai go ssiibi i dana mommee iai helii.

Isaiah 45:9

E vakaa naa tangada e hagadaumee ange gi de ia ne haia ia, ia e bei dahi gumedi hadu i magavaa denga gumedi e hai i gelegele pigi! E aha, e maua e denga gelegele pigi i de hai ange gi tangada hai gumedi, ‘Se aha aau e hai naa?’ aabe e hai ange, ‘Dau gumedi e hai naa e deai donu ono gau!’?

Isaiah 63:16

Aagai go koe demaadeu Damana, e dee galemu donu Abraham e dee iloo gimaadeu, gai Israel e dee madea gimaadeu. Tagi Maolunga, go koe donu demaadeu Damana, gai go koe demaadeu Ia Hagaola mai loo madagidagi.

Malachi 1:6

Tagi o denga hagabuulinga hebagi e hai adu gi goodou, “Tama e hagadubu dono damana, gai tangada hai hegau e hagadubu dono dangada aamua. Gai noo go au doodou damana, gai gu aha gu deai ai naa soodou hagadubu au? Gai noo go au doodou dangada aamua, gai gu aha goodou gu hagangadi mee ai naa au? Go goodou ogu dangada haimeedabu e hagangadi mee ina naa dogu ingoo. Aagai goodou e ssili, ‘Dee hee demaadeu hai ne hagangadi mee ai doo ingoo?’

Malachi 2:10

E aha, e dee se Damana daudahi odaadeu alodahi? E aha, tee dahi donu huu Maadua ne haia gidaadeu? Gai gu aha gidaadeu gu oha ai nei de hagatoo donu hagaheloongoi a odaadeu dubuna madagidagi, i taadeu dee daohi denga hagatoo donu i odaadeu magavaa?