Isaiah 63:3 - De Beebaa Dabu

³ “Go au donu huu ne dagadagahi denga grape i de mommee kumi uvaini; gai teai donu se dangada mai i de huaadangada madali au. Au ne dagadagahi gilaadeu i dogu lili ma de hagaduasala gilaadeu gi lalo i dogu bole; gai olaadeu dodo ne ssii age gi ogu malo, gai ogu malo alodahi gu baalau hogi i dodo.

Isaiah 63:3 Referans Kwoze

Malachi 4:3

Gai goodou e dagadagahi naa gi lalo de gau baubau. Gilaadeu e bei naa denga lehu i lalo oodou vae, i de laangi aagu e hai ai agu hegau, go Tagi o denga hagabuulinga hebagi e hagadaba.

Micah 7:10

Dogu hagadaumee e dogaa naa i dana gidee de hai mee nei, tangada ne hai mai laa gi de au, “I hee iai Tagi Maolunga doo Maadua?” Au e gidee naa de hagadee kii ina o dogu hagadaumee; iainei donu gai ia e dagadagahi au gi lo te gelegele bei bela pigi i honga denga haiava.

Zechariah 10:5

Gilaadeu alodahi e bei denga daane dau o de hebagi, e dagadagahia laa de hagadaumee gi lodo bela i honga haiava. Gilaadeu e kii naa i de hebagi, go hiidinga Tagi Maolunga e noho madali gilaadeu, gilaadeu e hai naa ga dookaa dangada e kage i honga hoosa.

Lamentations 1:15

De Ia Aamua gu tili denga daane hebagi alodahi i lo te aduhale; ia ne hagahi dahi hagabuulinga hebagi gi humai gi daia agu dama daane. De Ia Aamua gu dagadagahi tamaa hine o Judah, bei de hai e dagadagahi ai laa denga grape i de mommee kumi uvaini.

Isaiah 63:6

Au ne dagadagahi denga huaahenua i dogu lili, gai ne hai gilaadeu gi ssenga i dogu bole; au ne llingi olaadeu dodo gi honga de gelegele.”

Isaiah 22:5

De Ia Aamua, Tagi o denga hagabuulinga hebagi gu hagadabena dahi laangi hagalongaa, ma de hagadee kii aama de hagamaatagu, i lo te Geelonga o Midi Hagaago ange, se laangi e oha ai de buibui o de aduhale, ma de oo ai o dangada i lodo mounga.

Isaiah 25:10

De lima mmahi o Tagi Maolunga e buibui de mounga nei, aagai ia e dagadagahi naa Moab gi lalo luoono vae, bei denga lau helii mmasa e dagadagahia laa gi lodo duudae.

2 Kings 9:33

Gai ia ga hai ange, “Magaa ina iho de hine naa gi lalo!” Gai gilaadeu ga maga iho ia gi lalo, gai hanu ono dodo gu ssii ange gi de baasi o de hale aama denga hoosa laa, gai denga hoosa laa ne dagadagahi ia.

De Beebaa go Job 40:12

dagidiiloo haia gi maolalo tangada hagamaolunga, gai dagadagahia de gau baubau i mommee olaadeu e tuu ai.

Psalm 60:12

De bale a de Maadua e hagammahi gimaadeu, gai go ia e hagadee kii ina omaadeu hagadaumee.

Isaiah 28:3

De aduhale a de gau ssenga o Ephraim e tuhi laa e dagadagahia naa gi lalo vae o dangada.

Isaiah 59:17

Ia e dau de heohi bei de mee dau i hadahada ma de hagauda de goobai baalanga o de hagaola i honga dono biho; gai e gahu i malo e sui ange ai i de hagaduasala, ma de saabini ia i de lodo mmahi bei de malo laa daha.

Joel 3:13

Hagaabo ina de kamaa, go hiidinga denga huamanu gu lleu. Hannoo, dagadagahia denga grape, i hiidinga gu honu de mommee e kumi ai uvaini, gai mommee hhao uvaini gu honu malingilingi — olaadeu baubau gu lagolago mmao!

Genesis 49:11

E nnoa ange naa dana donkey gi dahi grapevine, gai dana donkey gauligi gi de laa manu danuaa mmao, gai ia e taa naa ono malo i denga uvaini, gai ono malo i vai o denga grape.