Isaiah 63:18 - De Beebaa Dabu

¹⁸ Oo dangada ne kave doo mommee dabu i dahi masavaa bodobodo, aagai iainei omaadeu hagadaumee gu oha doo mommee dabu.

Isaiah 63:18 Referans Kwoze

Revelation 11:2

Gai koe aude haidea lo te buibui laa daha o de temple; dugua donu huu, go hiidinga gu dugu ange gi denga huaahenua, gai gilaadeu e hagadee kii naa ga kave de aduhale dabu laa i e madahaa ma lua malama.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Matthew 24:2

Aagai ia ga hai ange gi gilaadeu, “Goodou gu gidee mee nei alodahi? Ni muna abodonu aagu e hai adu nei gi goodou: e deai naa donu se hadu daudahi e dagodo i honga dahi hadu. Gai e odi naa donu i de tili iho.”

Daniel 8:24

Ia e sula naa ga mmahi mmao, aagai e dee ni mahi donu niiona. Gai e hagalele mouli naa dana hai e oha ai mee, gai e hagadagadaga age naa i mee alodahi aana e hai. Ia e daa ga maakau denga daane mmahi aama de huaadangada dabu laa.

Lamentations 4:1

Denga goolo gu dee malamalama, denga goolo danuaa gu dagodo gee! Denga hadu dabu gu tili saele, i dege o denga haiava alodahi.

Lamentations 1:10

De hagadaumee gu hagabudu ono goloa hagamogomogo alodahi. Gai ia ne gidee denga huaahenua gu ulu i dono mommee dabu — go dangada aau tee dugu ange gi ulu madali doo hagabuulingaa dangada.

Isaiah 62:12

Gai gilaadeu e hagaingoo ange naa go de Gau Dabu, go Dangada a Tagi Maolunga gu Hagaola; gai koe e hagaingoo ange naa go de Aduhale e Saalaa, se Aduhale e dee Dilia.

Deuteronomy 26:19

gai ia e hai goodou gi maolunga ange i denga huaahenua alodahi aana gu hagatuu age. Gilaadeu e tuhi naa ma de tala hagadanuaa oodou dagodo ma de hagadubu goodou, gai goodou e hai naa ga se huaadangada dabu ange gi Tagi Maolunga doodou Maadua, bei dana hai gu tala ai laa.

Deuteronomy 7:6

Go hiidinga goodou se huaadangada gu hagadabu ange gi Tagi Maolunga doodou Maadua. Gai Tagi Maolunga doodou Maadua ne hili goodou, mai i magavaa o dangada alodahi o henua i lalo e hai ai dono huaadangada hagamogomogo.

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Leviticus 26:31

Au e oha naa gi maoha oodou aduhale, gai ni mommee dabu gi ngadi daakodo, gai au e dee hagadungu naa donu oodou sigidaumaha nnamu kala.

Isaiah 63:19

Gimaadeu gu bei donu dangada e dee go koe ne dagina i mua loo; gai gu bei dangada e dee hagaingoo i doo ingoo.

Jeremiah 12:10

De gau hagaloosi soa e oha naa dagu veelengaa grape, ma gu dagadagahi dogu alahenua; gilaadeu e hai naa dogu alahenua mahamaha gi se mommee e ngadi dagodo.

Daniel 8:13

Gai au ne langona dahi dangada de langi dabu e basa laa, gai dahi dangada de langi dabu ange laa ne ssili ange gi de ia, “Dee hee maa de masavaa e hagasula ai de midi o denga sigidaumaha dudu i de laa tubua, ma de haisala e haia laa ga ngadi dagodo de mommee dabu laa, aama de dagadagahia o de hagabuulinga hebagi laa?”

Amos 7:9

Denga mommee daumaha o Isaac e oha naa ga ngadi daakodo, mommee dabu o Israel e oha naa ga maoha, gai au e hebagi ange naa gi de huaabodu o Jeroboam i dagu gadilaasa.”

Psalm 79:1

De Maadua, denga huaahenua gu kage mai gi honga doo henua; gilaadeu gu hai ma gu hakino gee doo temple dabu, gai gilaadeu gu oha Jerusalem alodahi.

Isaiah 64:9

Tagi Maolunga, koe gi dee lili i gimaadeu; koe gi dee manadua omaadeu baubau ga hano ai. Gimaadeu e dangidangi adu, galo mai gi gimaadeu, gimaadeu alodahi go oo dangada.

Isaiah 64:10

Oo aduhale dabu gu hai ma gu se vao, Zion gu bei hogi dagodo o dahi lodo henua, gai Jerusalem gu ngadi dagodo.